প্রধানমন্ত্রীগী লোইশঙ
কেন্দ্র সরকারনা অসমগী ঈশিং-ইচাউগী ফিভম লেপ্তনা য়েংশিল্লি অমসুং পাংফম থোকপা তেংবাং খুদিংমক ফংহন্নবগীদমক্তা রাজ্য সরকারগা নক্ননা হোৎনমিন্নরিঃ প্রধান মন্ত্রী
Posted On:
23 JUN 2022 8:55PM by PIB Imphal
প্রধান মন্ত্রী, শ্রী নরেন্দ্র মোদীনা কেন্দ্র সরকারনা অসমগী ঈশিং-ইচাউগী ফিভম লেপ্তনা য়েংশিল্লি অমসুং অসিগুম্বা শিংনবশিংদগী মায় পাক্না থোক্লকপা ঙম্নবা পাংফম থোকপা তেংবাং খুদিংমক ফংহন্নবগীদমক্তা রাজ্য সরকারগা নক্ননা হোৎনমিন্নরি হায়না ফোংদোকখ্রে।
প্রধান মন্ত্রীনা মহাক্কী ত্বীত পরিং অমদা অসুম্না ফোংদোকখিঃ
“নোং য়াম্না কন্না তাখিবনা মরম ওইরগা অসমগী মফম খরদা মমাংগী নুমিৎ খরনিদা ঈশিং-ইচাউ থোকখি। কেন্দ্র সরকারনা অসমগী ফিভম লেপ্তনা য়েংশিল্লি অমসুং অসিগুম্বা শিংনবশিংবু নীংথিনা মাইয়োক্নবা ঙম্নবা পাংফম থোকপা তেংবাং খুদিংমক ফংহন্নবগীদমক্তা রাজ্য সরকারগা নক্ননা হোৎনমিন্নরি”।
“ঈশিং-ইচাউনা শোকহল্লবা মফমশিংদা আর্মী অমসুং এন.দি.আর.এফ. তীমশিং লৈরি। মখোয়না মীওই কনবা অমসুং অৱাবা তারবা মীওইশিংদা তেংবাংবগী থৌওং মখা তানা চত্থরি। এয়র ফোর্সনা মীওই কনবগী থবক্কী শরুক অমা ওইনা সোর্তী ২৫০ হেন্না পায়খ্রে”।
"CM @himantabiswa, অসম সরকারগী মন্ত্রী অমসুং ওফিসিএলশিংনা মরী লৈনবা জিলাশিংদা অহিং-নুংথিল নাইদনা থবক পায়খৎলি অমসুং অৱাবা তারবা মীওইশিংগী তেংবাংলি। অৱাবা তারবা মফমশিংদা লৈরিবা মীওইশিংগী তেক্ত-কায়দবগীদমক্তা ঐহাক্না থৌনিজরি অমসুং পাংফম থোকপা মতেং খুদিংমক পীগনি হায়না অমুক্কা হন্না থাজবা পীরি”।
***
(Release ID: 1836666)
Visitor Counter : 102
Read this release in:
Bengali
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam