প্রধানমন্ত্রীগী লোইশঙ
জুন ২৬তগী জুন ২৮, ২০২২ ফাওবা চৎকদবা প্রধান মন্ত্রীগী জর্মনী অমসুং য়ু.এ.ই.গী খোঙচৎ
Posted On:
22 JUN 2022 6:16PM by PIB Imphal
প্রধান মন্ত্রী শ্রী নরেন্দ্র মোদীনা জর্মনীগী চাঞ্চেলর, ঐচ.ই. শ্রী ওলাফ শোলজনা পীরকপা বর্তন তৌরকপদগী জুন ২৬-২৭, ২০২২ ফাওবা জর্মন প্রসিদেন্সীগী মখাদা জি৭ সম্মিৎকীদমক শ্লোস এলমৌ, জর্মনীদা চৎকদৌরি। সম্মিৎ মনুংদা, অকোইবগী ফীভম, ইনর্জী, অইং-অশা, ফুদ সেক্যুরিতী, হকশেল, জেন্দর ইক্বেলিতী অমসুং দেমোক্রেসী য়াওবা সেসন অনিদা প্রধান মন্ত্রীনা ৱা ঙাংলবা য়াই। মরু ওইবা হীরমশিং অসিদা মালেমগী থাক্তা তেংবাং পীনরিবা অসি মপাঙ্গল কনখৎহন্নবা খোঙথাং ওইনা অর্জেন্তীনা, ইন্দোনেসিয়া, সেনেগল অমসুং খা অফ্রিকা অসিগুম্বা অতোপ্পা দেমোক্রেসীশিংদসু বর্তন তৌখি। সম্মিৎ অসিগী মনুংদা প্রধান মন্ত্রীনা শরুক য়ারিবা লৈবাক খরগী লুচিংবশিংগা লোয়ননা বাইলেতরেল মীফমশিং পাঙথোক্কনি।
ভারত অমসুং জর্মনীগী মরক্তা লৈরিবা মপাঙ্গল কনবা অমসুং অচেৎপা পার্তনরশিপ অমসুং অৱাংবা থাক্কী রাজনিতীগী মরীশিং অসি য়েংলগা জি৭ সম্মিৎকীদমক বর্তন তৌখি। ভারত-জর্মনীগী ইন্তর-গভর্নমেন্তেল কনসলতেসন (আই.জি.সি.)গী তরুক শুবা ইদিসনগীদমক মে ২, ২০২২ চৎখিবা অসিনা প্রধান মন্ত্রীগী ইকোন-কোন্না জর্মনীগী খোঙচৎ ওইখি।
সম্মিৎ শরুক য়ারবা মতুংদা প্রধান মন্ত্রীনা হান্নগী য়ু.এ.ই.গী প্রসিদেন্ত অমসুং আবু ধাবীগী লৈঙাকপা ঐচ.ঐচ. শেখ খলীফা বিন জায়দ অল নাহয়ান লৈখিদবগী মহাক্না হকথেংননা চৎতুনা অৱাবা ফোঙদোক্নবা জুন ২৮, ২০২২দা য়ুনাইতেদ আরব ইমিরেৎস (য়ু.এ.ই.)দা চৎকনি। পি.এম.না ঐচ.ঐচ. শেখ মোহম্মদ বিন জায়দ অল নাহয়াননা মীখলদা য়ু.এ.ই.গী অনৌবা প্রসিদেন্ত অমসুং আবু ধাবীগী লৈঙাকপা ওইনা খনখিবদা নুংঙাইবা ফোঙদোক্নবগী খুদোংচাবা অমসু লৌগনি।
প্রধান মন্ত্রীনা জুন ২৮গী নুমিদাং অদুমক্তদা য়ু.এ.ই. থাদোক্তুনা লাক্কনি।
*****
(Release ID: 1836324)
Visitor Counter : 141
Read this release in:
Telugu
,
Kannada
,
Punjabi
,
English
,
Urdu
,
Marathi
,
Hindi
,
Bengali
,
Assamese
,
Gujarati
,
Odia
,
Tamil
,
Malayalam