চহি অসিগী ইন্তর্নেস্নেল দে ওফ য়োগ অসি “আজাদী কা অমৃত মহোৎসব”কা পুন্না তারিবা অসিদা আয়ুশ মন্ত্রালয়না ইন্তর্নেস্নেল দে ওফ য়োগ অসি ভারত শিনবা থুংবদা লৈরিবা মরু ওইবা মফম ৭৫দা পাঙথোক্নবা থৌরাং তৌরি অমসুং মসিনা মালেমগী থাক্তা ভারতজী ব্রান্দিংদসু মতেং ওইরগনি। প্রধান মন্ত্রীনা কর্নাতকাগী মাইসুরুদগী প্রোগ্রাম অসি হৌদোক্কনি।

হাউসিং অমসুং অর্বান এফিয়র্স অমসুং পেত্রোলিয়ম অমসুং নেচরেল গ্যাসকী মন্ত্রী শ্রী হর্দীপ এস. পুরিনা নই দিল্লীগী এদ ফোর্ত্তা প্রোগ্রাম অসি লুচিংগনি। পতাঞ্জলি য়োপীতনা মন্ত্রালয় অসিগা লোয়ননা প্রোগ্রাম অসি পাঙথোকপদা শরুক য়ারি। মন্ত্রীগা লোয়ননা পতাঞ্জলি য়োগপীথকী অচার্য়া বাল কৃশন্না ফম্পাক্তা লেংশিনগনি। পতাঞ্জলি য়োগপীথ অমসুং হাউসিং অমসুং অর্বান এফিয়র্স অমসুং পেত্রোলিয়ম অমসুং নেচরেল গ্যাস মন্ত্রালয়গী ওফিসর ১২,০০০ রোমনা থৌরম অসিদা শরুক য়াগনি। য়োগ থৌরম অসি আই.দি.ৱাই. ২০২২গী নোদেল মিনিস্ত্রী ওইরিবা আয়ুশ মন্ত্রালয়না পীবা স্তেন্দর্দ ওপরেতিং প্রোসিজর ঙাক্লগা পাঙথোক্কনি।

চহি অসিগী আই.দি.ৱাই. ২০২২গী থিম অসি “য়োগ ফোর হ্যুমেনিতী”না ওইরি মসিনা কোবিদ-১৯ লাইচৎ হেনগৎলকপদা য়োগনা মীওইবা জাতিগীদমক করম্না অৱাবা কোকহনখি অমসুং পোস্ত-কোবিদ জিও-পোলিতিকেলগী ফীভম অসিদসু মীনুংশিং, থৌজাল হৈবা গুনশিংগী খুত্থাংদা মীয়ামবু অমত্তা ওইনা পুনশিন্দুনা অপুনবগী শক্তম অমা শাগৎলি অমসুং মালেমগী মীয়ামগী মরক্তা রিজিলিয়েন্স লৈহল্লি।

***