হ্যুমেন রিসোর্স চাউখৎ-থৌরাংগী মন্ত্রালয়

শ্রী ধর্মেন্দ্র প্রধান্না য়োগবু স্কুলগী করিকলম মনুং চলহনবগী ৱাফম হৌদোকখ্রে


শ্রী ধর্মেন্দ্র প্রধান্না ই.সি.সি.ই.দগী হৌদুনা ক্লাস ১২ ফাওবদা য়োগদা অহানবা মরু ওইবা মিৎয়েং চঙনবা ৱাহৌদোক থমখ্রে

এজুকেসন অমসুং স্কিল দিভেলপমেন্তকী কেন্দ্র মন্ত্রীনা নেস্নেল য়োগ ওলিম্পিয়াদ – ২০২২ অমসুং ক্বিজ কম্পিতিসন হৌদোকখ্রে

Posted On: 18 JUN 2022 2:02PM by PIB Imphal

এজুকেসন অমসুং স্কিল দিভেলপমেন্ত অমসুং ওন্তোপ্রিনরশিপকী কেন্দ্র মন্ত্রী, শ্রী ধর্মেন্দ্র প্রধান্না অথোইবা মীথুংলেন ওইনা নেস্নেল য়োগ ওলিম্পিয়াদ – ২০২২ অমসুং ক্বিজ কম্পিতিসন হৌদোকখ্রে। এজুকেসনগী রাজ্য মন্ত্রী, শ্রী সুভাস সরকারসু থৌরম অসিদা শরুক য়াখি।

নেস্নেল য়োগ ওলিম্পিয়াদ অসি এজুকেসন মন্ত্রালয় অমসুং নেস্নেল কাউন্সিল ওফ এজুকেসন রিসর্চ অমসুং ত্রেনিংনা ইং ২০২২গী জুন ১৮দগী ২০ ফাওবদা পুন্না শীনমিন্নদুনা পাংথোকপনি। হন্দক্কী চহিগী ওইনা লাক্কদৌরিবা নেস্নেল য়োগ ওলিম্পিয়াদ অসিদা রাজ্য/য়ু.তি. অমসুং দিমোন্সত্রেসন মলতিপর্পজ স্কুল ওফ রিজনেল ইন্সতিত্যুসন ওফ এজুকেসনগী মহৈরোই ৬০০ হেনবনা শরুক য়াগনি।

শ্রী প্রধান্না থৌরম অসিদা ৱা ঙাঙবদা য়োগনা মীওইবা খুন্নাইদা অৱাবগী চাং হন্থহনবা অমসুং নীংহন্নদবগী মতৌ শেমগৎপদা, কোবিদকী য়ুগতা মরু ওইনা, তেংবাংলি হায়না ফোংদোকখি। অফবা অপাম্বা খন্নবা পুক্নিং থৌগৎপা অমসুং মীয়াম্বু অমত্তা ওইনা হেন্না নকশিন্না পুশিল্লক্নবগীদমক্তা প্রধান মন্ত্রী, শ্রী নরেন্দ্র মোদীনা হন্দক্কী চহিগী থীম্বু ‘মীওইবা খুন্নাইগীদমক্তা য়োগ’ হায়না য়াম্না চুননা খনখ্রে হায়না মন্ত্রীনা মরু ওইনা পাউদমখি। য়োগ হায়বসি মালেমগী মফমদা ভারতনা পীবা খুদোলনি অমসুং প্রধান মন্ত্রী, শ্রী নরেন্দ্র মোদীনা জুন ২১বু মালেমগী য়োগ নুমিৎ হায়না পাংথোকসি হায়বগী ৱাহৌদোকপু য়ুনাইতেদ নেসন্সনা য়াখিবা মতুংদা মালেম্না পাম্বা হেনগৎলক্লি হায়না মহাক্না মখা তাখি। অফবা হকশেল অমসুং ৱেলনেস ফংনবগীদমক্তা মীয়াম পুম্বনা তান্নরিবা অসিদা য়োগনা মালেম্বু অমত্তা ওইহল্লি।

এন.ই.পি. ২০২০না মহৈরোই অমসুং ওজাশিংগী হকচাং অমসুং ৱাখলগী ফিভম ফনা লৈহনবদা অখন্নবা মিৎয়েং চঙলি হায়না মন্ত্রীনা মরু ওইনা ফোংদোকখি। মহৈ তম্বদা শান্ন-খোৎনবসু শরুক য়াহনবনা শান্নরোই ওইবগী ইথিল লৈহনগনি অমসুং মহৈরোইশিংনা হকশেল ফনা লৈববু পুন্সি চুপ্পগী ৱাখল্লোন ওইহনবদা তেংবাংগনি হায়না মহাক্না হায়খি।

শ্রী প্রধান্না য়োগ হায়বসি হকশেল, হকচাং নুংঙাইনা হিংবা অমসুং ফিজিকেল এজুকেসনগী তৎন-থানবা য়াদ্রবা শরুক অমনি হায়খি। ঐখোয়গী করিকলমদা য়োগগী অরিবা লৌশিং য়াওহন্নবা মহাক্না এন.সি.ই.আর.তি.গী মফমদা হায়খি। ঐখোয়না এন.সি.এফ. শেমগৎপগী থৌওং মনুংদা লৈরিবা অসিদা, ঐখোয়না ই.সি.সি.ই.দগী হৌদুনা ক্লাস ১২ ফাওবদা য়োগদা অহানবা মরু ওইবা মিৎয়েং চঙফম থোকই। মহাক্না এন.সি.ই.আর.তি.গী মফমদা স্কুল, ব্লোক, জিলা অমসুং রাজ্যগী থাক্তা য়োগ ওলিম্পিয়াদ পাংথোক্নবা হায়খি। ব্লোক খুদিংগী স্কুলগী মহৈরোইশিংবু থৌওংশিং অসিদা শরুক য়াহনবনা য়োগগী লেগাসী হেন্না খুমাং চাউশিলহনগনি অমসুং য়োগবু পুন্সি মহিং ওইহনবদা তেংবাংগনি হায়না মহাক্না ফোংদোকখি।

নেস্নেল য়োগ ওলিম্পিয়াদতা মশাগী রাজ্য/য়ু.তি.গী মীহুৎ ওইনবগীদমক্তা খনগৎলবা মহৈরোইশিংবু মন্ত্রীনা থাগৎখি। মখোয়না ব্লোক লেভেলদগী হৌনা শরুক য়াবগীদমক্তা মহাক্না মহৈরোইশিংবু থাগৎখি।

শ্রী সরকারনা থৌরম অসিদা শরুক য়ারিবশিংগী মফমদা মশাগী ৱারোল থম্লদুনা য়োগবু নেস্নেল এজুকেসন পোলিসী ২০২০গী শরুক অমা ওইনা হেন্না মমিং চৎহনগদবনি হায়খি। লৈবাকপু অপুনবা শক্তম অমা ওইনা মীয়ামদা উহল্লিবা অসিগুম্বা এজুকেসন পথাপ অমা খুমাং চাউশিলহনবা হায়বসিসু পান্দম অমনি হায়না মহাক্না মখা তাখি। মহৈরোইশিংনা এক্সপেরিমেন্তকী খুত্থাংদা য়োগগী মরু ওইবা খঙবা ঙমহন্নবগীদমক্তা মহৈরোইশিংনা য়োগ ওলিম্পিয়াদ মনুংদা আসন, প্রনয়ামা, কৃয়া, মেদিতেসন্নচিংবা পাংথোক্কনি হায়না মহাক্না হায়খি। মালেম্না হৌজিক য়ানরবা য়োগগী ভেল্যু কয়া অমসুং মসিনা সস্তেনেবল লাইফস্তাইলবু মালেম শিনবা থুংবদা শন্দোকপদা মতৌ করম্না তেংবাংগনি হায়না মহাক্না অমুক্কা হন্না মিৎয়েং চঙখি।

হন্দক্কী চহিগী থীমদি “মীওইবা খুন্নাইগীদমক্তা য়োগ”নি। ক্বালিতী হেল্থ অমসুং হোলিস্তিক পর্সোনেলিতী ঙাক্তুনা থম্বদা য়োগগী আসনশিংনা য়াম্না কান্নবা পী হায়বা ৱাফম্বুসু মহাক্না মীয়মদা পাউদমখি।

এন.সি.ই.আর.তি.না ইং ২০১৬তা নেস্নেল য়োগ ওলিম্পিয়াদ হৌদোকখিবনি। মালেম পুম্বনা চপ লেপখিবা কোবিদ-১৯ লাইচৎকী মনুংদা ফাওবা ক্বিজ কম্পিতিসন অমা শীন-লাঙদুনা য়োগগী ইথিলবু হিংহন্দুনা থমখিবনি। কে.ভি., এন.ভি. অমসুং  থৌরমশিং অসিদা দিমোন্সত্রেসন মলতিপর্পজ স্কুল ওফ রিজনেল ইন্সতিত্যুসন ওফ এজুকেসনগী মহৈরোই মশিং য়াম্বনা শরুক য়াখি। হন্দক্কী চহিগী ওইনসু, নেস্নেল য়োগ ওলিম্পিয়াদকা লোয়ননা য়োগগী মরী লৈনবা ক্বিজ কম্পিতিসন কয়া পাংথোক্কনি। মালেম্না হৌজিক য়ানরবা য়োগগী ভেল্যু কয়া অমসুং মসিনা সস্তেনেবল লাইফস্তাইলবু মালেম শিনবা থুংবদা শন্দোকপদা মতৌ করম্না তেংবাংগনি হায়না মহাক্না অমুক্কা হন্না মিৎয়েং চঙখি।

এ.আই.সি.তি.ই.গী ভাইস চেয়রমেন। শ্রী এম.পি. পুনিয়া; এন.সি.ই.আর.তি.গী দাইরেক্তর, প্রোফঃ দীনেশ প্রসাদ সক্লানী; এন.সি.ই.আর.তি.গী জোইন্ত দাইরেক্তর, প্রোফঃ শ্রীধর স্রিভাস্তব; এন.সি.ই.আর.তি.গী প্রোফঃ প্রত্যুশ কুমার মন্দল অমসুং এজুকেসন মন্ত্রালয়গী সেনিয়র ওফিসিএল অমসুং ভারতকী তোঙান-তোঙানবা মফমশিংগী মহৈরোইশিংনা থৌরম অসিদা শরুক য়াখি।

*****



(Release ID: 1835128) Visitor Counter : 113