ভারতনা বে ওফ বেঙ্গল ইনিসিয়েতিপ ফোর মল্তি-সেক্তরেল তেক্নিকেল এন্দ ইকোনোমিক কোওপরেসন(বিমসতেক) তেক্নোলোজি ত্রান্সফর সেন্তর(তি তি এফ) লিংখৎনবা হৌখিবা মার্চ ৩০,২০২২দা শ্রী লঙ্কাগী কলম্বোদা পাংথোকখিবা ৫শুবা বিমসতেক সম্মিৎতা বিমসতেক মেম্বর লৈবাকশিংনা খুৎয়েক পীনখিবা মেমোরেন্দম ওফ এসোসিএসন(এম ও এ) অমা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

বিমসতেক তি.তি.এফকী মরুওইবা পান্দমশিংদি তোক্নোলোজিশিং পীথোক-পীশিন তৌনবা, শরুক য়ামিন্নবা অমসুং কেপাসিতি বিল্দিং পুক্নিং থৌগৎতুনা বিমসতেক মেম্বর লৈবাকশিংগী মরক্তা তেক্নোলোজি পীনবগী থবক্তা মতেং পাংনবা অমসুং লম্বী তাকপগী থবক মপাঙ্গল কনখৎহনবনি। 

বিমসতেক মেম্বর লৈবাকশিংগী মরক্তা মখাদা পীরিবা মরুওইবা হীরমশিং হায়বদি বাইওতেক্নোলোজি, নেনোতেক্নোলোজি, ইনফোর্মেসন অমসুং কম্মুনিকেসন তেক্নোলোজি, স্পেস তেক্নোলোজি এপ্লিকেসন, লৌউ-শিংউগী তেক্নোলোজি, চীঞ্জাক শেম-শাবগী তেক্নোলোজি, ফার্মাসিউতিকেল তেক্নোলোজি ওতোমেসন, নিউ অমসুং রিনিউএবল ইনর্জি তেক্নোলোজি ওতোমেসন, নিউ অমসুং রিনিউএবল ইনর্জি তেক্নোলোজি, নিউক্লিয়ার তেক্নোলোজি এপ্লিকেসন, ই-ৱেস্ত অমসুং সোলিদ ৱেস্ত মেনেজমেন্ত তেক্নোলোজি, হেল্থ তেক্নোলোজি, দিজাস্তর রিক্স রিদক্সন অমসুং ক্লাইমেত চেঞ্জ এদাপতেসনকী তেক্নোলোজিশিংগী মতাংদা তেক্নোলোজিশিং পীথোক-পীশিন তৌনবদা তি.তি.এফনা মতেং পাংগনি।

তি.তি.এফকী গভর্নিং বোদি অমা লৈগনি অমসুং তি.তি.এফকী থবক খুদিংমক গভর্নিং বোদিনা য়েংশিনগনি। গভর্নিং বোদিদা মেম্বর লৈবাক অমগী মীহুৎ অমা য়াওগনি।

বিমসতেক তি.তি.এফনা পাংথোক্কদবা থবকশিং :

 ১. বিমসতেক লৈবাকশিংদা লৈরিবা তেক্নোলোজিশিংগী দেতাবেঙ্ক থম্বা,

 ২. তেক্নোলোজি ত্রান্সফর মেনেজমেন্ত, স্তেন্দার্দস, এগ্রেদিতেসন, মেত্রোলোজি, তেস্তিং অমসুং কেলিব্রেসনগী অফবা থবকশিংগী মতাংদা ই-পাউশিং খোমজিনবা

 ৩. চাউখৎ-থৌরাংগী লমদা কেপাসিতি শেমগৎপা অমসুং অফবা থবকশিং শরুক য়ামিন্নবা অমসুং

 ৪. বিমসতেক লৈবাকশিংগী মরক্তা তেক্নোলোজিশিং পীথোক-পীশিন তৌনবা অমসুং শীজিন্নবা

*****