স্কিল দিভেলপমেন্ত অমসুং ওন্তোপ্রিনরশিপ মন্ত্রালয়না কোর্পোরেতশিংগী মনুংদা ওন-গ্রাউন্দ ত্রেনিংগী খুদোংচাবা কয়াগা নহারোলশিংগা মরী লৈনহনবগা লোয়ননা থবক ফংবগী খুদোংচাবা হেনগৎহন্নবা পান্দমগা লোয়ননা হন্দক্কী থাদগী হৌনা থাগী খুদিংগী প্রধান মন্ত্রী নেস্নেল এপ্রেন্তাইসশিপ মেলা পাংথোক্কনি। জুন ১৩গী অয়ুক্কী পুং ৯দগী নুংথিলগী পুং ৫ ফাওবা মেলা অসি পাংথোক্কনি। পি.এম. নেস্নেল এপ্রান্তাইসশিপ মেলা অসি লৈবাক শিনবা থুংবগী মফম ২০০ হেনবদা পাংথোক্কনি। সেক্তর ৩৬+কী কম্পেনী ১০০০ হেনবনা মেলাসিদা শরুক য়াগনি অমসুং কম্পেনীশিংগী মনুংদা এপ্রেন্তাইস ওইনা থবক পীবগী খুদোংচাবা পীগনি। ৫শুবা-১২শুবা গ্রেদ পাস তৌবগী সর্তিফিকেত, স্কিল ত্রেনিং সর্তিফিকেত অমসুং আই.তি.আই.গী দিপ্লোমা, নত্ত্রগা গ্রেজুএত দিগ্রী পায়বা মীওইশিংনা খুদোংচাবশিংগী অসিগীদমক্তা ইন্তর্ভ্যু পীবা য়াগনি। কেন্দিদেতশিংদা ত্রেদ ৫০০+দগী অপাম্বা খনবগী খুদোংচাবা পীগনি। ত্রেদশিং অসিগী মনুংদা অতোপ্পা কয়াগা লোয়ননা ৱেলদর, ইলেক্ত্রিসিয়ন, হাউসকীপর, ব্যুতিসিয়ন, মেকানিক্নচিংবশিং য়াওরি।

প্রোগ্রাম অসিগী খ্বাইদগী মরু ওইবা পান্দমদি শহরশিং অসিদগী এপ্রেন্তাইস খনবা অমসুং থবক মফমশিংদা ভেল্যু পীবা ঙম্নবগীদমক্তা কেন্দিদেতশিংগী ত্রেনিং অমসুং প্রেক্তিকেল স্কিলসেতকী খুত্থাংদা মখোয়গী মতিক মশক খঙদোকপা অমসুং হেন্না ফগৎহন্নবা হোৎনবদা ইমপ্লোয়রশিংদা তেংবানবা পুক্নিং থৌগৎপনি।

ত্রেনিং মতম লোইরবা তুংদা কেন্দিদেতশিংগী মফমদা নেস্নেল কাউন্সিল ফোর ভোকেস্নেল এজুকেসন অমসুং ত্রেনিং (এন.সি.ভি.ই.তি.)না শকখঙবা এপ্রেন্তাইস সর্তিফিকেত পীগনি অমসুং মসিগী মতেংনা মখোয়বু ইন্দস্ত্রীনা শকখঙগনি।

প্রধান মন্ত্রী নেস্নেল এপ্রেন্তাইসশিপ মেলাদা শরুক য়ারিবা লুপশিংদা কম্মন প্লেৎফোর্ম অমদা এপ্রেন্তাইস ওইবগী মতিক লৈবা মীওইশিং উন্নবা অমসুং মখোয়বু মফমদুমক্তদা খনবগী খুদোংচাবা ফংগনি। মখা তবা ওইনা, য়ামদ্রবদা ইমপ্লোয়ী মরি লৈবা স্মোল-স্কেল ইন্দস্ত্রীশিংনা থৌরম অসিদা এপ্রেন্তাইস খনবা য়াগনি। লর্নরশিংনা খোমজিনবা ক্রেদিত কয়াগী তহমফম লৈবা অমসুং মদুবু তুংগী একাদমিক্কী হীরমশিংদা শিজিন্নবা য়াহনগদবা ক্রেদিত বেঙ্ককী থৌওং অমসু অথুবা মতমদা হৌদোক্লগনি।

স্কিল দিভেলপমেন্ত অমসুং ওন্তোপ্রিনরশিপ মন্ত্রালয়গী সেক্রেতরী, শ্রী রাজেশ অগর্ৱালনা প্রধান মন্ত্রী এপ্রেন্তাইসশিপ মেলাগী মতাংদা মশাগী ৱাখল্লোন ফোংদোক্লদুনা এপ্রিলদা পাংথোকখিবা মমাংগী এপ্রেন্তাইসশিপ মেলানা মায় পাকখ্রবা মতুংদা ঐখোয়না প্রধান মন্ত্রী এপ্রেন্তাইসশিপ মেলা (পি.এম.এন.এ.এম.)বু থা খুদিংগী পাংথোক্নবা ৱারেপ লৌখিবনি হায়না ফোংদোকখি। অসিগুম্বা স্কিল দিভেলপমেন্তকী মোদেলদগী কেন্দিদেত অমসুং ইস্তাব্লিশমেন্ত অনিমক্না কান্নবা ফংগনি হায়না ঐখোয়না থাজবা থম্মি। মেলাশিং অসিগী খুত্থাংদা ঐখোয়না নহা মিলিয়ন অমা হেনববু এপ্রেন্তাইস ওইনা মরী লৈনবগী পান্দম থম্লি। মসিনা কেন্দিদেতশিংদা দুকানশিংগা মরী লৈনবা হেন্দ-ওন এক্সপেরিএন্স পীবগী মথক্তা লোকেলগী থাক্তা লৈবা মাইগ্রেসনগী শিংনবশিংবুসু মাইয়োক্নহনগনি হায়না মহাক্না মখা তাখি।

******