পোষ্ট কৰা হৈছে:
04 JUN 2022 1:48PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে ২০২২ চনৰ ৫ জুনত সন্ধিয়া ৬ বজাত ভিডিঅ’ কনফাৰেন্সিঙৰ জৰিয়তে এক বিশ্বব্যাপী পদক্ষেপ ‘পৰিৱেশৰ বাবে জীৱনশৈলী (লাইফ) আন্দোলন’ আৰম্ভ কৰিব। উন্মোচনে সমগ্ৰ বিশ্বৰ ব্যক্তি, সম্প্ৰদায় আৰু সংস্থাসমূহক পৰিৱেশ সচেতন জীৱনশৈলী গ্ৰহণ কৰিবলৈ প্ৰভাৱিত আৰু বুজাবলৈ শিক্ষাবিদ, বিশ্ববিদ্যালয় আৰু গৱেষণা প্ৰতিষ্ঠান আদিৰ পৰা ধাৰণা আৰু পৰামৰ্শ আমন্ত্ৰণ কৰি ‘লাইফ গ্ল’বেল কল ফৰ পেপাৰছ’ৰ সূচনা কৰিব। কাৰ্যসূচীৰ সময়ত প্ৰধানমন্ত্ৰীয়ে মুখ্য ভাষণ প্ৰদান কৰিব।
এই কাৰ্যসূচীত বিল গেটছ, সহ-অধ্যক্ষ বিল এণ্ড মেলিণ্ডা গেটছ ফাউণ্ডেশ্যন; লৰ্ড নিকোলাছ ষ্টাৰন, জলবায়ু অৰ্থনীতিবিদ; নাজ তত্ত্বৰ লেখক অধ্যাপক কেছ ছানষ্টেইন; বিশ্ব সম্পদ প্ৰতিষ্ঠানৰ মুখ্য কাৰ্যবাহী বিষয়া তথা সভাপতি অনিৰুদ্ধ দাসগুপ্ত; ইউএনইপিৰ গ্ল’বেল হেড শ্ৰীমতী ইংগাৰ এণ্ডাৰছন; ইউএনডিপিৰ গ্ল’বেল হেড শ্ৰী অচিম ষ্টেইনাৰ আৰু বিশ্ব বেংকৰ সভাপতি ডেভিদ মালপাছ আদিয়ে অংশগ্ৰহণ কৰিব।
যোৱা বছৰ গ্লাছগোত অনুষ্ঠিত হোৱা ২৬সংখ্যক ৰাষ্ট্ৰসংঘৰ জলবায়ু পৰিৱৰ্তন সন্মিলন (COP26)ৰ সময়ত প্ৰধানমন্ত্ৰীয়ে লাইফৰ ধাৰণাটো প্ৰৱৰ্তন কৰিছিল। এই ধাৰণাটোৱে পৰিৱেশ সচেতন জীৱনশৈলীৰ প্ৰসাৰ ঘটায়, যিয়ে ‘মনহীন আৰু ধ্বংসাত্মক ব্যৱহাৰ’ৰ পৰিৱৰ্তে ‘মন আৰু ইচ্ছাকৃত ব্যৱহাৰ’ৰ ওপৰত গুৰুত্ব আৰোপ কৰে।
***
DS/ST/MS