প্রধানমন্ত্রীগী লোইশঙ
পি.এম.না জুন ৫দা মালেমগী খোংথাং ‘এল.আই.এফ.ই. মুবমেন্ত’ হৌদোক্কনি
হৌদোকপা অসিনা ‘এল.আই.এফ.ই. গ্লোবেল কোল ফোর পেপর্স’না অকোয়বগী ফিভম খঙনা পুন্সি মহিং হিংবগা মরী লৈনবা ৱাখল্লোন কৌবা য়াহনগনি
এল.আই.এফ.ই.গী ৱাখল্লোন অসি পি.এম.না গ্লাসগোদা পাংথোকপা কোপ২৬কী মনুংদা শক্তাকখিবনি
মসিনা ‘ৱাখল য়াওদনা অমসুং অশোইবা থোকহনবা কঞ্জম্পসন’গী মহুত্তা ‘ৱাখল খন্থনা অমসুং মওং খঙনা শিজিন্নবদা’ মিৎয়েং চঙলি
Posted On:
04 JUN 2022 1:48PM by PIB Imphal
প্রধান মন্ত্রী, শ্রী নরেন্দ্র মোদীনা জুন ৫, ২০২২গী নুংথিলগী পুং ৬ তাবা মতমদা মালেমগী খোঙথাং অমা ওইরিবা ‘লাইফস্তাইল ফোর ইনভাইরনমেন্ত (এল.আই.এফ.ই.) মুবমেন্ত’ অসিবু ভিদিও কনফরেন্সিংগী খুত্থাংদা হৌদোক্কনি। হৌদোকপগী থৌওং অসিনা ‘এল.আই.এফ.ই. গ্লোবেল কোল ফোর পেপর্স’না একাদমিক্স, য়ুনিভর্সিতী অমসুং রিসর্চ ইন্সতিত্যুতনচিংবগী মফমদগী মালেম শিনবা থুংবগী মীওই অমমম, খুন্নাই অমসুং লুপশিংদা অকোয়বগী ফিভম খঙনা পুন্সি মহিং হিংবগা মরী লৈননা ইথিল পীনবা অমসুং থাজহন্নবীগদমক্তা ৱাখল্লোন কৌবা য়াহনগনি। থৌরম অসিদা প্রধান মন্ত্রীনা মরু ওইবা ৱারোল কয়াসু থমগনি।
থৌরম অসিদা বিল অমসুং মেলিন্দা গেৎস ফাউন্দেসনগী কো-চেয়রমেন, শ্রী বিল গেৎস; ক্লাইমেত ইকোনোমিস্ত, লোর্দ নিকোলাস স্তর্ন; নজ থিওরীগী অইবা, প্রোফঃ কেস সন্সতেন; ৱর্ল্দ রিসোর্স ইন্সতিত্যুতকী সি.ই.ও. অমসুং প্রসিদেন্ত, শ্রী অনিরুধা দাসগুপ্তা; য়ু.এন.ই.পি.গী মালেমগী লুচিংবা, শ্রী ইঙ্গর এন্দর্সন; য়ু.এন.দি.পি.গী মালেমগী লুচিংবা, শ্রী অকিম স্তৈনর অমসুং ৱর্ল্দ বেঙ্ককী প্রসিদেন্ত, শ্রী দেবিদ মালপাসসু অতোপ্পা মীওইশিংগা লোয়ননা শরুক য়াগনি।
এল.আই.এফ.ই.গী ৱাখল্লোন অসি প্রধান মন্ত্রীনা গ্লাসগোদা মমাং চহিদা পাংথোকপা ২৬শুবা য়ুনাইতেদ নেসন্স ক্লাইমেত চেঞ্জ কনফরেন্স ওফ দি পার্তিজ (কোপ২৬)কী মনুংদা শক্তাকখিবনি। ৱাখল্লোন অসিনা ‘ৱাখল য়াওদনা অমসুং অশোইবা থোকহনবা কঞ্জম্পসন’গী মহুত্তা ‘ৱাখল খন্থনা অমসুং মওং খঙনা শিজিন্নবদা’ মিৎয়েং চঙবা অকোয়বগী ফিভম খঙবা পুন্সি মহিং পুক্নিং থৌগৎলি।
****
(Release ID: 1831202)
Visitor Counter : 136
Read this release in:
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam