হকশেল অমসুং য়াইফ-য়ুম্বাল মন্ত্রালয়
কোবিদ-১৯গী ভেক্সিনেসন কবরেজ হেনগৎহন্নবা অমসুং দোর-তু-দোর কেম্পেনগী খুত্থাংদা ইলিজিবল বেনিফিসরী পুম্নমক কবর তৌবা ঙম্নবা থা অনি চুপ্না পাঙথোক্কদবা “হর ঘর দস্তক ২.০” কেম্পেন ঙসিদগী হৌখ্রে
ওল এজ হোমশিং, স্কুল/কোলেজশিং, কৈশুমশঙশিং, চেক-কোলশিংদা মীৎয়েং চংবা কেম্পেন অসি রাজ্য/য়ু.তি.শিংনা পাইখৎকনি
Posted On:
01 JUN 2022 1:16PM by PIB Imphal
রাজ্যশিং অমসুং য়ু.তি.শিংদা কোবিদ১৯ ভেক্সিনেসনগী খোঙজেল অমসুং কবরেজ হেনগৎহন্নবা লৈবাক শিনবা থুংবদা “হরঘরদস্তক কেম্পেন ২.০” হৌখ্রে। ‘মিসন মোদ’ অমদা ইমপ্লিমেন্ত তৌরিবা অসি রাজ্য অমসুং য়ু.তি.শিংদা ইলিজিবল ওইবা বেনিফিসরী পুম্নমক ভেক্সিন কাপথোক্তুনা মপুং ফাবা কোবিদ১৯ ভেক্সিনেসন কবরেজ ফংনবগী মাইকৈদা কন্না হোৎন্নবা পাউতাক পীখি। ৱাফম অসি কেন্দ্রগী হকশেল সেক্রেতরী, শ্রী রাজেশ ভুশন্না রাজ্যশিং অমসুং য়ু.তি.শিংগী হেল্থ সেক্রেতরীশিং অমসুং এন.ঐচ.এম.গী এম.দি.শিংগা লোয়ননা হৌখিবা চয়োলদা কোবিদ ভেক্সিনেসনগী ফীভম য়েংশিনবদা রাজ্য অমদি য়ু.তি. পুম্নমক্তা ফোঙদোকখিবনি।
২০২১গী নবেম্বরদা হৌদোকখিবা “হরঘরদস্তক কেম্পেন”দগী ফংখিবা লৌশিং অদু শীজিন্নদুনা জুন ১, ২০২২দগী জুলাই ৩১, ২০২২ ফাওবা “হকঘরদস্তক ২.০” ইমপ্লিমেন্ত তৌরগনি। ‘হর ঘর দস্তক ২.০’ অভিয়ানগী পান্দম অসি দোর-উ-দোর কেম্পেনগী খুত্থাংদা অহানবা, অনিশুবা অমসুং প্রিকোসন দোজকীদমক ইলিজিবল পোপুলেসন ভেক্সিন কাপ্পা অমসুং কবর তৌবা অসিনি। মরু ওইবা মীৎয়েং অসি আউত-ওফ-স্কুল অঙাংশিং (চহি কাংলুপ ১২-১৮গী অঙাংশিং কবর তৌবা ঙম্নবা), কৈশুমশঙশিং, চেক-কোল অসিনচিংবা য়াওনা ওল এজ হোমশিং, স্কুল/কোলেজশিংগী ফোকস কেম্পেন চত্থদুনা চহি ১২-১৪গী কাংলুপ অসিদা কবরেকজ তৌবদা তপ্লিবা অসি খোঙজেল য়াংখৎহনবগা লোয়ননা চহি ≥৬০গী মীওইশিংদা প্রিকোসন দোজকী সব-ওপতিমেল কবরেজ হেনগৎহনবা অসিনা ওইরি। রাজ্য/য়ু.তি.শিংদা ইলিজিবল বেনিফিসরী পুম্নমক্কী দ্যু-লিস্তশিংদা য়ুম্ফম ওইরগা মশা-মশাগী ওইবা মাইক্রো-প্লানশিংগা লোয়ননা নীংথিনা য়েংশিনবগী থবক পাইখৎনবা হায়খ্রে। মখোয়দা চাং নাইনা লনাই হোস্পিতালশিংদা চহি ১৮-৫৯গী প্রিকোসন দোজ কাপ্লিবা অসি য়েংশিন্নবসু হায়খি।
ভারত সরকারনা নীংথিনা পোরম য়াৎথোকপা অমসুং চাউনা হোৎনবা অসিনা মরম ওইরগা জাতিগী ওইবা কবিদ-১৯ ভেক্সিনেসন দ্রাইব অসিদা শীংথানীংঙাই ওইনা মাইপাকপা উবা ফংখি। হৌজিক ফাওবদা লৈবাক শিনবা থুংবদা দোজ করোর ১৯৩.৫৭ কাপখ্রে। চহি ১৫গী মথক্কী মীওই পুম্নমক্কী ৯৬.৩%না য়ামদ্রবদা দোজ অমা কাপখ্রে অমসুং ৮৬.৩%না কোবিদ-১৯ ভেক্সিনগী দোজ অনিমক কাপখ্রে। ২০২১গী নবেম্বর ৩দগী হৌদুনা য়ুম য়ুমদা চৎতুনা অহানবা অমসুং অনিশুবা দোজ কাপহৌদবা ইলিজিবল বেনিফিসরীশিংদা য়ৌশিন্নবা মোবিলাইজেসন, এৱের্নেস অমসুং ভেক্সিনেসন এক্তিবিতীশিং য়াওবা মিসন ইন্দ্রধনুশকী মাইপাক্লবা লালোং অসিনা ‘হরঘরদস্তক’ ঈকাকারন অভিয়ানদা ইনোৎ পীখি। থৌরাং অসিনা অহল ওইরবশিং, মীমান্নদ্রবশিং অমসুং ভেক্সিন কাপ্পদা চীংনবা পোক্লিবা মীওইশিং ফাওবা য়াওনা লাস্ত মাইল বেনিফিসরীশিং য়ৌশিন্নবা ঙম্নবা প্রোগ্রাম অসিবু মাইপাকহনবা ঙম্নবা মাইকৈদা চাউনা শরুক তম্লি।
****
(Release ID: 1830064)
Visitor Counter : 176