ਕੇਂਦਰੀ ਯੁਵਾ ਮਾਮਲੇ ਅਤੇ ਖੇਡ ਮੰਤਰੀ ਸ਼੍ਰੀ ਅਨੁਰਾਗ ਠਾਕੁਰ ਨੇ ਸ਼ਨੀਵਾਰ ਦੀ ਸ਼ਾਮ ਪੁਣੇ ਦੇ ਵਿਮਾਨ ਨਗਰ ਵਿੱਚ ਤਕਸ਼ਸ਼ਿਲਾ ਖੇਡ ਪਰਿਸਰ ਦਾ ਉਦਘਾਟਨ ਕੀਤਾ ਜਿਸ ਦਾ ਨਿਰਮਾਣ ਪੁਣੇ ਨਗਰ ਨਿਗਮ (ਪੀਐੱਮਸੀ) ਨੇ ਕੀਤਾ ਹੈ। ਜ਼ਮੀਨੀ ਪੱਧਰ ਉੱਤੇ ਖੇਡ ਦੇ ਬੁਨਿਆਦੀ ਢਾਂਚੇ ਦੇ ਨਿਰਮਾਣ ਦੇ ਮਹੱਤਵ ਨੂੰ ਰੇਖਾਂਕਿਤ ਕਰਦੇ ਹੋਏ ਸ਼੍ਰੀ ਠਾਕੁਰ  ਨੇ ਪੁਣੇ ਦੇ ਕਾਰਪੋਰੇਟ ਘਰਾਣੇ ਨੂੰ ਅਪੀਲ ਕੀਤੀ ਕਿ ਉਹ ਅੱਗੇ ਆਉਣ ਅਤੇ ਆਪਣੇ ਸੀਐੱਸਆਰ (ਕਾਰਪੋਰੇਟ ਸੋਸ਼ਲ ਰਿਸਪੌਂਸੀਬਿਲਿਟੀ) ਫੰਡ ਦੇ ਰਾਹੀਂ ਖੇਡ ਨਾਲ ਜੁੜੀਆਂ ਸਹੂਲਤਾਂ ਦੇ ਨਿਰਮਾਣ ਲਈ ਫੰਡ ਉਪਲੱਬਧ ਕਰਵਾਉਣ। 

ਕੇਂਦਰੀ ਮੰਤਰੀ ਸ਼੍ਰੀ ਠਾਕੁਰ ਨੇ ਨੌਜਵਾਨਾਂ ਨੂੰ ਖੇਡ ਅਤੇ ਫਿੱਟਨੈਸ ਨੂੰ ਅਪਣਾਉਣ ਦੀ ਤਾਕੀਦ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਸ਼ਬਦਾਂ ਨੂੰ ਯਾਦ ਕੀਤਾ, "ਖੇਲੋਗੇ ਤੋਂ ਖਿਲੋਗੇ! ਅਤੇ ਕਿਹਾ ਕਿ ਖੇਡ ਸਾਨੂੰ ਮਜ਼ਬੂਤੀ ਸਿਖਾਉਂਦੀ ਹੈ,  ਆਤਮ-ਵਿਸ਼ਵਾਸ ਪੈਦਾ ਕਰਦੀ ਹੈ,  ਅਤੇ ਅਗਵਾਈ  ਦੇ ਗੁਣਾਂ ਦਾ ਵਿਕਾਸ ਕਰਦੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਭਾਰਤ ਵਿੱਚ ਮੋਟੇ ਲੋਕਾਂ ਦੀ ਸੰਖਿਆ ਸਭ ਤੋਂ ਅਧਿਕ ਹੈ ਅਤੇ ਗਤੀਹੀਣ ਜੀਵਨ ਸ਼ੈਲੀ ਨੇ ਲੋਕਾਂ ਨੂੰ ਬਦਲ ਦਿੱਤਾ ਹੈ ।  ਉਨ੍ਹਾਂ ਨੇ ਕਿਹਾ ਕਿ ਇਸ ਲਈ ਫਿੱਟਨੈਸ ਸਭ ਲਈ ਮਹੱਤਵਪੂਰਨ ਹੈ। 

ਕੇਂਦਰੀ ਮੰਤਰੀ ਨੇ ਦੱਸਿਆ ਕਿ ਕਿ ਇਹ ਖੇਡ ਪਰਿਸਰ ਖੇਤਰ ਦੇ ਨੌਜਵਾਨਾਂ ਅਤੇ ਆਮ ਲੋਕਾਂ ਲਈ ਬਣਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲੋਕਾਂ ਨੂੰ ਤਾਕੀਦ ਕੀਤੀ ਕਿ "ਆਪਣੇ ਏਸੀ ਕਮਰਿਆਂ ਤੋਂ ਬਾਹਰ ਆਓ, ਇੱਥੇ ਅੱਧਾ ਘੰਟਾ ਖੇਡਾਂ ਦਾ ਅਭਿਆਸ ਕਰੋ।  ਤਦ ਤੁਸੀਂ ਫਿੱਟ ਹੋ ਜਾਓਗੇ , ਸਿਹਤ ਅਤੇ ਇਲਾਜ ਦੇ ਬਿਲ ਘੱਟ ਕਰੋ,  ਖੇਡ ਦੇ ਪ੍ਰਤੀ ਰੁਚੀ ਦਾ ਵਿਕਾਸ ਕਰੋ।”

ਦੇਸ਼ ਵਿੱਚ ਖੇਡ ਸੱਭਿਆਚਾਰ ਵਿਕਸਿਤ ਕਰਨ ਬਾਰੇ ਦੱਸਦੇ ਹੋਏ ਸ਼੍ਰੀ ਠਾਕੁਰ ਨੇ ਕਿਹਾ ਕਿ , "ਜਦੋਂ ਸਾਡੇ ਬੱਚਿਆਂ ਨੂੰ ਖੇਡਣ ਦਾ ਮੌਕਾ ਮਿਲੇਗਾ,  ਤਾਂ ਉਨ੍ਹਾਂ ਵਿੱਚ ਖੇਡ ਦੇ ਪ੍ਰਤੀ ਰੁਚੀ ਵਿਕਸਿਤ ਹੋਵੇਗੀ।  ਤਦ ਉਹ ਦੇਸ਼ ਅਤੇ ਵਿਦੇਸ਼ ਵਿੱਚ ਮੈਚ ਜਿੱਤਣ ਲਈ ਆਪਣੇ ਦਮ ਉੱਤੇ ਅੱਗੇ ਵਧਣਗੇ । ਉਨ੍ਹਾਂ ਨੇ ਕਿਹਾ ਕਿ ਇੱਕ ਖੇਡ ਟੂਰਨਾਮੈਂਟ ਸਾਡੇ ਸਰੀਰ ਦੀਆਂ ਨਸਾਂ ਦੀ ਲੜਾਈ ਹੈ ਜੋ ਦਰਸਾਉਂਦੀ ਹੈ ਕਿ ਇੱਕ ਵਿਅਕਤੀ ਮਾਨਸਿਕ ਰੂਪ ਨਾਲ ਕਿੰਨਾ ਮਜ਼ਬੂਤ ਹੋ ਸਕਦਾ ਹੈ । 

ਸ਼੍ਰੀ ਠਾਕੁਰ ਨੇ ਕਿਹਾ ਕਿ ਸਰਕਾਰ ਖੇਡਾਂ ਨੂੰ ਬਹੁਤ ਮਹੱਤਵ ਦਿੰਦੀ ਹੈ ਅਤੇ ਕੇਂਦਰ ਦੇਸ਼ ਭਰ ਵਿੱਚ ਖੇਡ ਲਈ ਜ਼ਮੀਨੀ ਪੱਧਰ  ਦੇ ਬੁਨਿਆਦੀ ਢਾਂਚੇ  ਦੇ ਨਿਰਮਾਣ ਲਈ ਰਾਜਾਂ ਦੇ ਨਾਲ ਮਿਲ ਕੇ ਕੰਮ ਕਰ ਰਹੀ ਹੈ ।  ਉਨ੍ਹਾਂ ਨੇ ਦੱਸਿਆ ਕਿ ਖੇਡਾਂ ਲਈ ਬਜਟ,  ਜੋ ਪਹਿਲਾਂ ਲਗਭਗ 1,200 ਕਰੋੜ ਰੁਪਏ ਹੋਇਆ ਕਰਦਾ ਸੀ,  ਨੂੰ ਵਧਾ ਕੇ 3,000 ਕਰੋੜ ਰੁਪਏ ਕਰ ਦਿੱਤਾ ਗਿਆ ਹੈ , ਤਾਕਿ ਖਿਡਾਰੀਆਂ ਉੱਤੇ ਖਰਚ ਕਰਨ ਲਈ ਅਧਿਕ ਫੰਡ ਹੋਵੇ। 

ਇਸ ਤੋਂ ਇਲਾਵਾ, ਟਾਰਗੇਟ ਓਲੰਪਿਕ ਪੋਡੀਅਮ ਸਕੀਮ  ( ਟੀਓਪੀਐੱਸ-ਟੌਪਸ )  ਦੇ ਤਹਿਤ , ਭਾਰਤ ਸਰਕਾਰ ਸਰਵ ਉਤਕ੍ਰਿਸ਼ਟ ਖਿਡਾਰੀਆਂ ਦੇ ਵਿਦੇਸ਼ੀ ਟ੍ਰੇਨਿੰਗ ਦੀ ਪੂਰੀ ਜ਼ਿੰਮੇਦਾਰੀ ਲੈਂਦੀ ਹੈ,  ਜਿਸ ਵਿੱਚ ਉਨ੍ਹਾਂ ਦਾ ਰਹਿਣ,  ਪੋਸ਼ਣ ,  ਉਪਕਰਨ ,  ਵਿਦੇਸ਼ਾਂ ਵਿੱਚ ਅੰਤਰਰਾਸ਼ਟਰੀ ਪ੍ਰਤੀਯੋਗਤਾਵਾਂ ਸ਼ਾਮਿਲ ਹਨ ।  ਇਸ ਤੋਂ ਇਲਾਵਾ ਹਰੇਕ ਖਿਡਾਰੀ ਲਈ 50,000/- ਰੁਪਏ ਦਾ ਮਾਸਿਕ ਵਜੀਫਾ ਵੀ ਸ਼ਾਮਿਲ ਹੈ। ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਹੁਣ ਖਿਡਾਰੀਆਂ ਨੂੰ ਕੇਵਲ ਖੇਡਣ ਦੀ ਜ਼ਰੂਰਤ ਹੈ ਅਤੇ ਉਨ੍ਹਾਂ ਨੂੰ ਕਿਸੇ ਚੀਜ਼ ਦੀ ਚਿੰਤਾ ਨਹੀਂ ਹੈ।  ਇਸ ਲਈ ਉਹ ਆਪਣੇ ਦਮ ਉੱਤੇ ਯਤਨ ਕਰ ਰਹੇ ਹਨ ਅਤੇ ਦੇਸ਼ ਲਈ ਮੈਡਲ ਜਿੱਤ ਰਹੇ ਹਨ।" 

ਇਸ ਤੋਂ ਪਹਿਲਾਂ ਦਿਨ ਵਿੱਚ , ਕੇਂਦਰੀ ਮੰਤਰੀ  ਨੇ ਪੁਣੇ ਵਿੱਚ ਪ੍ਰਸਿੱਧ ਗੁਲਸ਼ਾਚੀ ਤਾਲੀਮ ਅਖਾੜੇ ਦਾ ਦੌਰਾ ਕੀਤਾ ਜਿੱਥੇ ਉਨ੍ਹਾਂ ਨੇ ਭਾਰਤੀ ਖੇਡ ਅਥਾਰਿਟੀ (ਸਾਈ) ਦੇ ਇੱਕ ਕੇਂਦਰ ਦਾ ਉਦਘਾਟਨ ਕੀਤਾ ਅਤੇ ਸਿੱਖਿਆਰਥੀਆਂ ਪਹਿਲਵਾਨਾਂ  ਦੇ ਨਾਲ ਗੱਲਬਾਤ ਕੀਤੀ ।  ਸਾਈ ਨੇ ਮਹਾਰਾਸ਼ਟਰ ਵਿੱਚ ਸਭ ਤੋਂ ਅਧਿਕ ਕੁਸ਼ਤੀ ਅਖਾੜਿਆਂ ਨੂੰ ਅਪਣਾਇਆ ਹੈ।  ਸ਼੍ਰੀ ਠਾਕੁਰ ਨੇ ਢੋਲ-ਤਾਸ਼ਾ ਖਿਡਾਰੀਆਂ ਨੂੰ ਰਾਸ਼ਟਰੀ ਪੱਧਰ ਦੇ ਖੇਡ ਖੇਡਣ ਦਾ ਮੌਕੇ ਦੇਣ ਦਾ ਵੀ ਵਚਨ ਦਿੱਤਾ । 

ਤਕਸ਼ਸ਼ਿਲਾ ਖੇਡ ਪਰਿਸਰ ਬਾਰੇ 

ਅੰਤਰਰਾਸ਼ਟਰੀ ਪੱਧਰ ਦੇ ਖਿਡਾਰੀ ਤਿਆਰ ਕਰਨ ਦੇ ਉਦੇਸ਼ ਨਾਲ ਪੁਣੇ ਨਗਰ ਨਿਗਮ ਨੇ ਲਗਭਗ 2.1 ਕਰੋੜ ਰੁਪਏ  ਦੇ ਨਿਵੇਸ਼ ਨਾਲ ਵਿਮਾਨ ਨਗਰ ਵਿੱਚ ਤਕਸ਼ਸ਼ਿਲਾ ਖੇਡ ਪਰਿਸਰ ਵਿਕਸਿਤ ਕੀਤਾ ਹੈ । 

• ਖੇਡ ਪਰਿਸਰ ਵਿੱਚ ਬਾਸਕਿਟ ਬਾਲ, ਵਾਲੀਬਾਲ ਅਤੇ ਕਬੱਡੀ ਲਈ ਅੰਤਰਰਾਸ਼ਟਰੀ ਪੱਧਰ ਦੀਆਂ ਸੁਵਿਧਾਵਾਂ ਵਿਕਸਿਤ ਕੀਤੀਆਂ ਗਈਆਂ ਹਨ । 

• ਖਿਡਾਰੀਆਂ ਲਈ ਅਤਿਆਧੁਨਿਕ ਸਹੂਲਤਾਂ ਤੋਂ ਇਲਾਵਾ ਪਰਿਸਰ ਵਿੱਚ ਇੱਕ ਓਪਨ-ਏਅਰ-ਜਿਮ ਹੈ। ਇਸੇ ਤਰ੍ਹਾਂ ਇੱਕ ਮਿਨੀ ਫੁੱਟਬਾਲ ਮੈਦਾਨ ਵੀ ਵਿਕਸਿਤ ਕੀਤਾ ਗਿਆ ਹੈ । 

• ਖੇਡ ਪਰਿਸਰ ਅਤੇ ਉਸ ਨਾਲ ਲੱਗਦੇ ਅੰਤਰਰਾਸ਼ਟਰੀ ਪੱਧਰ ਦੇ ਸਕੇਟਿੰਗ ਖੇਤਰ ਨੂੰ ਜੋੜਨ ਵਾਲਾ ਇੱਕ ਉੱਚ ਤਕਨੀਕੀ ਯਾਨੀ ਅਤਿਆਧੁਨਿਕ ਪੁਲ਼ ਹੈ । 

• ਲਗਭਗ ਇੱਕ ਏਕੜ ਜ਼ਮੀਨ ਉੱਤੇ ਬਣੇ ਖੇਡ ਪਰਿਸਰ ਵਿੱਚ ਜਲਦੀ ਹੀ 1500 ਲੋਕਾਂ ਦੇ ਬੈਠਣ ਦੀ ਸਮਰੱਥਾ ਵਾਲੀ ਦਰਸ਼ਕ ਗੈਲਰੀ ਵਿਕਸਿਤ ਕੀਤੀ ਜਾਵੇਗੀ । 

• ਨੇੜਲੇ ਭਵਿੱਖ ਵਿੱਚ 400 ਖਿਡਾਰੀਆਂ ਨੂੰ ਟ੍ਰੇਨਿੰਗ ਦੇਣ ਦੀ ਵਿਵਸਥਾ ਕੀਤੀ ਜਾ ਰਹੀ ਹੈ ।

ਪੀਆਈਬੀ ਐੱਮਐੱਚ-ਗੋਆ/ਸ਼੍ਰੀਯੰਕਾ/ਸੀ ਯਾਦਵ

****