হকশেল অমসুং য়াইফ-য়ুম্বাল মন্ত্রালয়

এন.ঐচ.এ.না অয়ুস্মান ভারত দিজিতেল মিসন (এ.বি.দি.এম.)গী ওন্লাইন পব্লিক দেসবোর্দ হৌদোকখ্রে


এ.বি.দি.এম. পব্লিক দেসবোর্দ অসি স্তেত/য়ু.তি. ফাওবগী থাক্তা মিসন অসিগী খোঙজেলগী ঈ-পাউ ফংফমগী ৱন-স্তোপ সোলুসন অমনি

Posted On: 30 MAY 2022 1:33PM by PIB Imphal

নেস্নেল হেল্থ ওথোরিতী (এন.ঐচ.এ.)না মসিগী ফ্লেগসিপ স্কিম অয়ুস্মান ভারত দিজিতেল মিসন (এ.বি.দি.এম.গী মখাদা স্কিম অসিগী মতাঙদা নিয়র রিএল-তাইম ঈ-পাউ ফংহন্নবগীদমক পব্লিক দেসবোর্দ অমা হাংদোকখ্রে‍। এ.বি.দি.এম. পব্লিক দেসবোর্দ অসিদা মিসন অসিগী মখাদা লৈরিবা অয়ুস্মান ভারত হেল্থ একাউন্ত (এ.বি.ঐচ.এ.) মশিং, হেল্থকেয়র প্রোফেস্নেল্স রেজিস্ত্রী (ঐচ.পি.আর.) অমসুং হেল্থ ফেসিলিতী রেজিস্ত্রী (ঐচ.এফ.আর.) হায়রিবা কোর রেজিস্ত্রীশিংগী মচা খায়বা ঈ-পাউশিং উৎলি‍।

দেসবোর্দ অসিগী মতুং ইন্না, মে ৩০, ২০২২ ফাওবদা, এ.বি.ঐচ.এ. (হান্না হেল্থ আই.দি. হায়না খঙনরমবা) মশিং নুন্না করোর ২২.১ শেমখ্রে, হেল্থকেয়র প্রোফেস্নেল লিশিং ১৬.৬ হেন্না ঐচ.পি.আর.দা রেজিস্তর তৌখ্রে, ঐচ.ঐফ.আর.গী মখাদা হেল্থ ফেসিলিতী লিশিং ৬৯.৪ হেন্না রেজিস্তর তৌখ্রে, য়ুজরশিংনা হেল্থ রেকোর্দ লাখ ১.৮ হেন্না লিঙ্ক তৌরকখ্রে অমদি নৌনা শেমদোকখিবা এ.বি.ঐচ.এ. এপ লাখ ৫.১ হেন্না দাউনলোদ তৌখ্রে‍।

স্তেকহোল্দর পুম্নমক্না এ.বি.দি.এম. পব্লিক দেসবোর্দ অসি এ.বি.দি.এম. ৱেবসাইত্তগী লায়না চঙবা য়াগনি নৎত্রগা হকথেংননা মসিদা: https://dashboard.abdm.gov.in/abdm/ চঙবা য়াগনি‍। দেসবোর্দ অসিনা জেনরেত তৌখ্রবা এ.বি.ঐচ.এ. মশিং, রেজিস্তর তৌরবা ওক্তর নর্সনচিংবা হেল্থকেয়র প্রোফেস্নেল মশিং, এ.বি.ঐচ.এ.গা লিঙ্ক তৌরবা দিজিতেল হেল্থ রেকোর্দকা মরী লৈনবা দেতাশিং কেপচর তৌই‍। দেসবোর্দ অসিদা নুংতিগী লোয়ননা হৌজিক ফাওবগী রেজিস্তর তৌরক্লবা হোস্পিতাল, লেবোরেতরীনচিংবা হেল্থ ফেসিলিতী মশিংগা মরী লৈনবা অকুপ্পা ৱারোলশিংসু পীরি‍। লোয়ননা শেমখ্রবা এ.বি.ঐচ.এ. জেনেরেসনগী অমসুং লিঙ্ক তৌরবা দিজিতেল হেল্থ রেকোর্দকী পার্ত্নর-ৱাইজ দেতাশিং রিএল তাইমদা দেসবোর্দ অসিদা ফংহল্লি‍। হায়রিবা দেতাশিং অসি অকক্নবা হীরমশিংদা স্কিম অসিগী খোঙজেলগী ফীভম তাক্লিবা তোঙান তোঙানবা মরুওইবা কম্পোনেন্তশিংদা মখা তানা থুগাইদুনা পীরি‍।

পব্লিক দেসবোর্দ অসিগী মরুমদা লৈরিবা ৱাখল্লোনগী মতাঙদা শন্দোক্না তাক্লদুনা দোক্তর আর.এস. সর্ম, সি.ই.ও. এন.ঐচ.এ.না হায়খিবদা – “এ.বি.দি.এম. অসি এসেসিবিলিতী, ত্রান্সপেরেন্সী, ইনক্লুজিভিতী অমসুং সন্তর-ওপরেবিলিতীগী য়ুম্ফমদা শেমখিবনি‍। এ.বি.দি.এম. পব্লিক দেসবোর্দ অসিনা স্তেকহোল্দর পুম্নমক্তা মনুং মপান ফাওনা উবা ঙমবা মওংদা দেতা ফংহন্নবগীদমক্তা স্কিম অসিগা মরী লৈনবা অপদেৎ তৌরবা ঈ-পাউশিং পব্লিক দোমেন্দা থাগৎলি‍। ঐখোয়না তোঙান তোঙানবা খোঙবুশিংনা শেমবা এ.বি.ঐচ.এ. মশিংগা লোয়ননা প্লেতফোর্মগী মতুং ইন্না লিঙ্ক তৌরবা হেল্থ রেকোর্দ মশিংগা মরী লৈনবা দেতাশিং হাপচিনবনা মরম ওইরগা মসিনা এ.বি.দি.এম. ইকোসিস্তেম পার্ত্নরশিংদা লৈরিবা খোঙজেলশিংগী তরু তরুবা শক্তম অমসু পীরি‍।

এ.বি.দি.এম. পব্লিক দেসবোর্দ অসিনা লৈবাক্কী লোয়ননা স্তেত/য়ু.তি.গী থাক্তা জেনেরেত তৌরবা এ.বি.এচ.এ. মশিংগী মনুং মপান ফাওনা উবা ঙম্বা শক্তম অমা পীরি‍। হায়রিবা মশিং অসি পা-পী অমসুং চহিগী মতুং ইন্না মখা তানা অমুক খায়দোকই‍। এ.বি.ঐচ.এ. নম্বর জেনেরেত তৌবগী খুদোংচাবা অসি কোৱিন, পি.এম.জে.এ.ৱাই., আরোগ্য সেতু, গোভর্নমেন্ত ওফ অন্ধ্র প্রদেশ, ই-সুস্রুৎ রেলৱে হোস্পিতাল অসিনচিংবা তোঙান তোঙানবা মীয়াম্না শকখঙনরবা দিজিতেল হেল্থ এপ্লিকেসনশিংগী খুত্থাঙদসু ফংই‍। এ.বি.দি.এম. দেসবোর্দ অসিদা পার্ত্নর খুদিংগী পর্ফোর্মেন্স অমসুং পার্ত্নর ওইরিবা এপ খুদিংমক্না লিঙ্ক তৌরকপা হেল্থ রেকোর্দশিংগী মশিং উৎলি‍।

হেল্থ ফেসিলিতী রেজিস্ত্রীগীদমক্তা দেসবোর্দ অসিনা মপু (লৈঙাক নৎত্রগা লনাই, হিদাক লাংথক্কী থৌওং (মতমগী হিদাক লাংথক – এলোপেথী, অয়ুর্বেদ, সোৱা-রিগপা, ফীজিওথষরাপী, উননি, দেন্তিস্ত্রী, সিদ্ধা, হোমিওপেথীনচিংবা) অমসুং এ.বি.দি.এম.গী মখাদা স্তেত-স্তেতকী ওইনা রেজিস্তর তৌরবা ফেসিলিতীশিংদা য়ুম্ফম ওইবা ইনফোগ্রাফিক্কী মওংদা দেতাশিং উৎলি‍। মতৌ অসুম্না ঐচ.পি.আর.গীসু, দেসবোর্দ অসিনা থবক্কী মওং – লৈঙাক্কী নৎত্রগা লনাই সেক্তরগী, হিদাক লাংথক্কী মওং অমসুং এপ্লিকেসন অসি ফংলিবা স্তেত/য়ু.তি.দা য়ুম্ফম ওইরগা খায়দোকপা দেতাশিং উৎলি‍।

এ.বি.দি.এম. পব্লিক দেসবোর্দতা ফংলিবা মচা খায়বা ঈ-পাউশিং অসিগী মথক্তা, এ.বি.দি.এম.গী মেন ৱেবসাইত্তা (https://abdm.gov.in/) মশিং খুদিংমক্কী শুপচিল্লবা মওংদা উৎপা সেক্সন অমা য়াওরি‍। অদুগা এ.বি.দি.এম. সেন্দবোক্স পোর্তেল অসিদা এ.বি.দি.এম.গা হান্ননা পুনশিল্লবা অমদি এ.বি.দি.এম.গী খোঙবু ওইনা রেজিস্তর তৌরবা ইন্তিগ্রেতর/ হেল্থ তেক সর্ভিস প্রোভাইদর/ এপশিংগী মচা খায়বা ৱাফমশিং পীবা দোসবোর্দ সেক্সন (https://sandbox.abdm.gov.in/applications/Integrators) অমসু য়াওরি‍।

****



(Release ID: 1829449) Visitor Counter : 152