వార్తా మాధ్యమ రంగంలో నమ్మకం, ప్రామాణికత విషయానికి వస్తే, ఆల్ ఇండియా రేడియో యొక్క న్యూస్ నెట్‌వర్క్ అన్ని మాద్యమాలను మించిపోయింది. రాయిటర్స్ ఇన్స్టిట్యూట్ 2021 నివేదికలో ఇది స్పష్టమైంది. ఇది ఆల్ ఇండియా రేడియో న్యూస్ నెట్‌వర్క్ డిజిటల్ ప్లాట్‌ఫారమ్‌ల ద్వారా సాధించిన ట్రైల్‌బ్లేజింగ్ మైలురాళ్ల ద్వారా మరింత ధృవీకరించబడింది; ఇటీవలి ట్విట్టర్‌లో 3 మిలియన్ల మంది ఫాలో అవుతున్న పరిస్థితి కనిపించింది. 

2013లో ప్రారంభమైనప్పటి నుండి, ఈ ట్విటర్ హ్యాండిల్ స్థిరమైన వృద్ధిని కనబరుస్తూ ఇంప్రెషన్‌లతో రోజుకు ఒక మిలియన్  వరకు ఉంది. ఈ హ్యాండిల్‌తో పాటు, @AIRNewsHindi మరియు @AIRNewsUrduలో కూడా సాధారణ నవీకరణలు అందుబాటులో ఉన్నాయి. ఏఐఆర్ అన్ని రాష్ట్రాలు, యుటిలలో తన 44 ట్విట్టర్ హ్యాండిల్స్ ద్వారా ప్రాంతీయ భాషలలో కూడా వార్తలను ప్రసారం చేస్తోంది.

మారుతున్న కాలానికి అనుగుణంగా, ఏఐఆర్ న్యూస్ గరిష్ట సంఖ్యలో శ్రోతలను, ముఖ్యంగా యువతను చేరుకోవడానికి అనేక సోషల్ మీడియా ప్లాట్‌ఫారమ్‌లలో తన కార్యక్రమాలను విస్తరించింది. ఆల్ ఇండియా రేడియో సాంప్రదాయ మార్గాలతో పాటు యూట్యూబ్, యాప్, వెబ్‌సైట్, ఫేస్‌బుక్, ఇన్‌స్టాగ్రామ్, కూ వంటి అనేక ఇతర డిజిటల్ ప్లాట్‌ఫారమ్‌లలో వార్తల అప్డేట్ల ను అందిస్తోంది, తద్వారా విశ్వసనీయమైన వార్తలను యాక్సెస్ చేయడానికి ఇది సర్వవ్యాప్త మాధ్యమంగా మారింది.

270 ఆల్ ఇండియా రేడియో స్ట్రీమ్‌లు భారతదేశంలో, ప్రపంచవ్యాప్తంగా 190 కంటే ఎక్కువ దేశాలలో  న్యూస్ ఆన్ ఎయిర్     యాప్‌లో అందుబాటులో ఉన్నందున ఈ  యాప్ ఆల్ ఇండియా రేడియోకి గేమ్-ఛేంజర్ అని నిరూపితమైంది. వివిధభారతి, ఏఐఆర్ పంజాబీ, ఏఐఆర్ న్యూస్ 24*7 వంటి   న్యూస్ ఆన్ ఎయిర్     యాప్‌లోని కొన్ని AIR స్ట్రీమ్‌లు ఈ దేశాల్లో చాలా వరకు బాగా ప్రాచుర్యం పొందాయి.

'న్యూస్ ఆన్ ఎయిర్ అఫీషియల్' యూట్యూబ్ ఛానెల్ 3 సంవత్సరాల స్వల్ప వ్యవధిలో 4.5 లక్షల మంది సబ్‌స్క్రైబర్‌లకు పెరగడం అన్ని ప్లాట్‌ఫారమ్‌లలో ఆల్ ఇండియా రేడియో వార్తల ఔచిత్యాన్ని ప్రతిబింబిస్తుంది. ఇది 2019లో ప్రసారం చేయడం ప్రారంభించినప్పటి నుండి, వీక్షణ సమయంపై సరళ వృద్ధిని సాధించింది, ఇది 22 లక్షల గంటలకు పైగా పెరిగింది. మొత్తం ఇంప్రెషన్‌లు 38 కోట్లకు పైగా జోడించబడ్డాయి. ఈ ప్లాట్‌ఫారమ్‌లన్నింటిలో పెరుగుదల పూర్తిగా ఆర్గానిక్ ప్రేక్షకులే.

మరో ల్యాండ్‌మార్క్‌లో, ఏఐఆర్ న్యూస్ కోసం ఫేస్ బుక్ లో అనుసరించేవారి సంఖ్య 3.4 మిలియన్లను దాటింది.  ఏఐఆర్  న్యూస్ ఫేస్‌బుక్ పేజీలోని ఫోలోవెర్లు 43 కంటే ఎక్కువ విభిన్న దేశాలకు చెందినవారున్నారు. ఇది భారతదేశ వాణిగ, భారతదేశం,  ప్రపంచవ్యాప్తంగా ఉన్న భారతీయ ప్రవాసుల మధ్య అనుసంధాన వ్యవస్థగా కూడా పని చేస్తుంది. భారతీయ దృక్కోణంపై దృష్టి సారించే వరల్డ్ న్యూస్ ప్రోగ్రామ్ వంటి రేడియో షోలు అతి తక్కువ కాలంలోనే ప్రజాదరణ పొందాయి.

ప్రసార భారతి సీఈవో శశి శేఖర్ వెంపటి ఈ ఘనతను కొనియాడారు. ఆకాశవాణి భవన్‌లో సోషల్ మీడియా టీమ్‌తో సమావేశమైన ఆయన, వారి సృజనాత్మక స్ఫూర్తితో కొత్త శిఖరాలను అధిరోహించాలని కోరారు. ఆల్ ఇండియా రేడియో న్యూస్ ప్రిన్సిపల్ డైరెక్టర్ జనరల్ ఎన్‌వి రెడ్డి మాట్లాడుతూ, ఇది ఉమ్మడి కృషి  ఫలితమని, ఏఐఆర్  న్యూస్ ప్రజలలో ఉన్న విశ్వసనీయతకు ప్రతిబింబమని అన్నారు.
 

అభ్యాస్, ఫ్రీడమ్ మూవ్‌మెంట్‌పై క్విజ్, స్పోర్ట్స్ క్విజ్ వంటి విద్యార్థుల నిర్దిష్ట కార్యక్రమాలు కొత్త తరంలో తమ మీడియా డైట్‌లో ఏఐఆర్ ని రెగ్యులర్ ఫీచర్‌గా పరిగణించాలనే ఆసక్తిని పెంచాయి. జమ్మూ కాశ్మీర్ ని ప్రధాన స్రవంతితో అనుసంధానించడానికి మరింత సహకారం అందిస్తూ, ఏఐఆర్ ప్రోగ్రామింగ్‌లో ఇప్పటికే వైవిధ్యమైన కార్యక్రమాలకు 'జమ్మూ కాశ్మీర్ - ఏక్ నయీ సుబాహ్' అనే ప్రత్యేక విభాగం జోడించారు. 

డయాస్పోరాను చేరుకోవడానికి, భారతదేశ గ్లోబల్ ఔట్రీచ్, సాఫ్ట్ పవర్‌ని మెరుగుపరచడానికి, ఏఐఆర్ న్యూస్ డారీ, పాష్టో, బలూచి, నేపాలీ, మాండరిన్ చైనీస్, టిబెటన్‌లతో సహా విదేశీ భాషలలో ప్రసారాన్ని రెట్టింపు చేసింది.
సాంప్రదాయ, సోషల్ మీడియా ప్లాట్‌ఫారమ్‌లతో పాటు, ఆల్ ఇండియా రేడియో కూడా డీడీ ఫ్రీడిష్ డీటీహెచ్ లో అందుబాటులో ఉంది.

1936లో స్థాపించబడిన ఆల్ ఇండియా రేడియో ప్రపంచంలోనే అతిపెద్ద రేడియో నెట్‌వర్క్. ఇది 77 భారతీయ, 12 విదేశీ భాషలలో వార్తలు, కరెంట్ అఫైర్స్ కార్యక్రమాలను ప్రసారం చేస్తుంది.

***