প্রধানমন্ত্রীগী লোইশঙ
azadi ka amrit mahotsav

পি.এম.না ৪০শুবা প্রগতিগী ৱারী-ৱাতাই শাবদা ময়াই তাংবল লৌখ্রে

ইনফ্রাস্ত্রকচর সেক্তরদা থবক তৌরিবা এজেন্সীশিংনা মখোয়গী প্রোজেক্তশিং অদুবু অমৃত সরোভরগী মখাদা শেমগৎখিবা ঈশিংগী ইপাকশিংগা লোয়ননা মেপ তৌগদবনি: পি.এম.

পি.এম.না রাজ্যশিংদা রাইৎ ওফ ৱে এপ্লিকেসনশিং মতম চানা দিস্পোজেল তৌনবা সেন্ত্রেলাইজ তৌরবা গতি শক্তি সঞ্চার পোর্তেল শীজিন্ননবা হায়খ্রে

রাজ্যশিংনা পি.এম. গতিশক্তি নেস্নেল মাস্তর প্লানগী মখাদা স্তেৎ লেবেল গতিশক্তি মাস্তর প্লান ফোর্ম্যুলেৎ তৌবসু য়াগনি: পি.এম.

Posted On: 25 MAY 2022 7:26PM by PIB Imphal

প্রধান মন্ত্রী শ্রী নরেন্দ্র মোদীনা ঙসি কেন্দ্র অমসুং রাজ্য সরকারশিং য়াওরিবা প্রো-এক্তিব গভর্নান্স অমসুং মতম চানা ইমপ্লিমেন্ত তৌনবগী মলতি-মোদেল প্লেৎফোর্মদা য়ুম্ফম ওইবা আই.সি.তি. ওইরিবা প্রগতিগী ৪০শুবা ইদিসনগী মীফমদা ময়াই তাংবল লৌখ্রে।

মীফম অসিদা প্রোজেক্ত নিপান অমসুং প্রোগ্রাম অমা য়াওনা য়েংশিন্নবা এজেন্দা মাপনগী আইতেমশিং লৌখৎখি। প্রোজেক্ত নিপান অসিগী মরক্তা রেলৱেজ মন্ত্রালয়, রোদ ত্রান্সপোর্ত এন্দ হায়ৱেজ মন্ত্রালয় অমসুং পেত্রোলিয়ম এন্দ নেচরেল গ্যাস মন্ত্রালয়দগী প্রোজেক্ত অনি-অনি য়াওখি, লোয়ননা পাৱর মন্ত্রালয় অমসুং ৱাতর রিসোর্সেস, রিভর দিবেলপমেন্ত এন্দ গঙ্গা রিজুভেনেসন মন্ত্রালয়দগী প্রোজেক অমমম য়াওখি। প্রোজেক্ত নিপান অসিদা রাজ্য ১৪ হায়বদি মহারাস্ত্র, কর্নাতকা, আন্ধ্র প্রদেশ, তামিল নাদু, ছত্তিসগর, ওরিশা, অসাম, অরুনাচল প্রদেশ, মেঘালয়, ত্রিপুরা, মিজোরাম, নাগালেন্দ, সিক্কিম অমসুং ঝার্খন্দ অসিগী ওইনা অপুনবা লুপা করোর ৫৯,৯০০ গী শেনফম অমা চংলি।

প্রধান মন্ত্রীনা লম্বীশিং অমসুং রেলৱে অসিগুম্বা ইনফ্রাস্ত্রকচর সেক্তরদা থবক তৌরিবা এজেন্সীশিংদা অমৃত সরোভরগী মখাদা শেমগৎলিবা ঈশিংগী ইপাকশিংগা লোয়ননা মখোয়গী প্রোজেক্তশিং মেপ তৌগদবনি হায়খি। মসি মাইপাক্কনি মরমদি অমৃত সরোভরদগী তৌথোরকপা পোৎচাকশিং অসি এজেন্সীশিং অসিনা সিভিল ৱার্কশিংদা শীজিন্নবা য়াগনি।

ৱারী-ৱাতাই শাবা অসিদা প্রধান মন্ত্রীনা ‘নেস্নেল ব্রোদবেদ মিসন’ প্রোগ্রামসু য়েংশিনখি। রাজ্য অমসুং এজেন্সীশিং অসিদা রাইৎ ওফ রো (আর.ও.দবল্যু.) এপ্লিকেসনশিং মতম চানা দিস্পোজেল তৌবা ঙম্নবা সেন্ত্রেলাইজ তৌরবা গতি শক্তি সঞ্চার পোর্তেল অসি শীজিন্ননবা হায়খি। মসিনা মিসন অসি ইমপ্লিমেন্তেসন তৌবদা খোঙজেল য়াংশিনহনগনি। পেরেলেল ওইনা মখোয়না মীচম প্রজাগী ‘ইজ ওফ লিবিং’ হেনগৎহন্নবা তেক্নোলোজী শীজিন্নবা থবক তৌগদবনি।

প্রধান মন্ত্রীনা রাজ্যশিংনা পি.এম. গতিশক্তি নেস্নেল মাস্তর প্লানগী মখাদা স্তেৎ লেবেল গতিশক্তি মাস্তর প্লান শেম্বসু য়াগনি অমদি হীরম অসিগীদমক স্তেৎ লেবেল য়ুনিৎশিং শেম্নবা হায়খি। মসিনা নীংথিনা প্লান্নিং তৌবা, মরু ওইবা সমস্যশিং খঙদোকপা অমসুং কোকহনবদা অমসুং প্রোজেক্তশিং অসি মতম চানা লোইশিন্নবা নীংথিনা কোওর্দিনেসন তৌবদা চাউনা মতেং ওইরগনি।

প্রগতিগী মীফমশিংগী ৩৯শুবা ইদিসন ফাওবদা লুপা করোর লাখ ১৪.৮২গী অপুনবা শেনফম ওইবা প্রোজেক্ত ৩১১ য়েংশিনখি।

*****



(Release ID: 1828350) Visitor Counter : 65