জাপানগী প্রধান মন্ত্রী, ঐচ.ই. শ্রী ফুমিও কিশিদানা পাউজেল পীরকপদগী প্রধান মন্ত্রী, শ্রী নরেন্দ্র মোদীনা মে ২৪, ২০২২দা তোকিয়োদা পাংথোক্কদবা অহুমশুবা ক্বাদ লীদর্স স্মমিত্তা য়ু.এস.এ.গী রাস্ত্রপতি, ঐচ.ই. শ্রী জোসেফ আর. বাইদেন জুনিয়র অমসুং ওস্ত্রেলিয়াগী প্রধান মন্ত্রীগা লোয়ননা শরুক য়াগনি।

তোকিয়োগী সম্মিৎ অসিনা মার্চ ২০২১দা ভর্চুএলগী খুত্থাংদা পাংথোকখিবা অহানবা মীফম, সেপ্তেম্বর ২০২১দা ৱাশিংতন দি.সি.দা হকথেংননা উন্নখিবা অমসুং মার্চ ২০২২দা ভর্চুএলগী মীফম পাংথোকখ্রবা মতুংগী ক্বাদ লুচিংবশিংনা মরিশুবা ওইনা উন্নদুনা ৱারী শাবগী থৌওং ওইগনি

লাক্কদৌরিবা ক্বাদ সম্মিৎ অসিনা লুচিংবশিংদা ইন্দো-পেসিফিক লমদম অমসুং পুম্নমক্কী অপাম্বা মান্নবা অমসুং মালেমদা হৌজিক থোক্লিবা থৌদোক কয়াগী মতাংদা মশাগী ৱাখল্লোন ফোংদোক্নবা ফংবগী খুদোংচাবা পীগনি।

লুচিংবশিং অসিনা ক্বাদ ইনিসিএতিব অমসুং ৱর্কিং গ্রুপকী থবক্তা খুমাং চাউশিনবগী চাং হঙ্গৎনা ইয়েংশিনগনি, খুৎশম্নবা য়াবা অনৌবা হীরম মশক খঙদোকমিন্নগনি অমসুং তুংগী মতমদা তেংবাংনবা য়ানবগীদমক্তা স্ত্রেতজিক ওইবা পাউতাক অমসুং মিৎয়েং পীগনি।

প্রধান মন্ত্রীনা জাপানগী প্রধান মন্ত্রী, ঐচ.ই. শ্রী ফুমিও কিশিদাগা মে ২৪দা লৈবাক অনিগী মরক্তা লৈনরিবা মরীগী মতাংদা ৱারী শাগনি। পি.এম. কিশিদাগা উন্নবা অসিনা লুচিংবা অনি অসিনা মার্চ ২০২২দা পি.এম. কিশিদানা ভারত্তা লাকখিবদা পাংথোকখিবা ১৪শুবা ভারত-জাপান এন্নুএল সম্মিত্তা শানখিবা ৱারী মখা চত্থবগী খুদোংচাবা পীগনি। প্রধান মন্ত্রীনা খোঙচৎ অসিগী মনুংদা জাপানগী ব্যুজিনেস লীদরশিংগা লোয়ননা ব্যুজিনেস ইভেন্ত অমদা শরুক য়াগনি অমসুং জাপান্দা লৈবা ভারত খুন্নাইগী মীওইশিংগা উন্নবগা লোয়ননা ৱাসু ঙাঙগনি।

প্রধান মন্ত্রীনা য়ু.এস.এ.গী রাস্ত্রপতি, ঐচ.ই. শ্রী জোসেফ আর. বাইদেন জুনিয়রগা মে ২৪, ২০২২দা লৈবাক অনিগী মরক্তা লৈনবা মরীগী মতাংদা ৱারী শাগনি। মীফম অসিনা মখোয়না খ্বাইদগী অকোনবা ওইনা এপ্রিল ১১, ২০২২দা ভর্চুএল ওইনা ৱারী শাদুনা চাং নাইনা ৱারী শাবগী থৌওং লৈরকখিববু মখা চত্থহনগনি। লুচিংবা অনি অসিনা ভারত-য়ু.এস. স্ত্রেতজিক পার্ত্নরশিপ্পু হঙ্গৎনা য়েংশিনগনি অমসুং সেপ্তেম্বর ২০২১দা রাস্ত্রপতি বাইদেনগা উন্নদুনা প্রধান মন্ত্রীনা ৱারী শাখিবা ৱারোলশিংগী মখা চত্থগনি হায়বগী থাজবা থম্লি। রিজনেল অমদি মালেমদা থোক্লিবা অপাম্বা মান্নবা থৌদোক কয়াগী মতাংদসু মখোয়না মশাগী ৱাখল্লোন ফোংদোক্নগনি।

প্রধান মন্ত্রীনা মে ২১, ২০২২দা মীখল পাংথোক্কদৌরিবা ওস্ত্রেলিয়াগী প্রধান মন্ত্রীগা ৱারী শাবা য়াবগী ওইথোকপা লৈ। লুচিংবা অনি অসিনা ভারত-ওস্ত্রেলিয়া কম্প্রিহেন্সিব স্ত্রেতজিক পার্ত্নরশিপ হঙ্গৎনা য়েংগনি অমসুং রিজনেল অমদি মালেমদা থোক্লিবা অপাম্বা মান্নবা থৌদোক কয়াগী মতাংদসু মখোয়না মশাগী ৱাখল্লোন ফোংদোক্নগনি হায়বগী থাজবা লৈরি। প্রধান মন্ত্রীগী মরক্তা অকনবা ওইনা বাইলেতরেল ৱারী শাখিবসি ভর্চুএল ওইনা মার্চ ২১, ২০২২দা পাংথোকখিবনি অমসুং মসিগী মতুংদা এপ্রিল ২, ২০২২দা ভারত-ওস্ত্রেলিয়া ইকোনোমিক কো-ওপরেসন অমসুং ত্রেদ এগ্রীমেন্ত (ই.সি.তি.এ.) খুৎয়েক পীনখিবনি।

***