প্রধানমন্ত্রীগী লোইশঙ
নেপালগী লুম্বিনীদা লৈবা মায়াদেবি মন্দিরদা চৎখিবা প্রধান মন্ত্রীগী খোঙচৎ
प्रविष्टि तिथि:
16 MAY 2022 11:59AM by PIB Imphal
প্রধান মন্ত্রী, শ্রী নরেন্দ্র মোদীনা মহাক্কী লুম্বিনীদা চৎখিবা নোংমগী খোঙচৎতা অহানবা লমথুংফম ওইনা মে ১৬, ২০২২দা নেপালগী লুম্বিনীদা লৈবা মায়াদেবি মন্দিরদা চৎখ্রে। প্রধান মন্ত্রীগী খোঙলোই ওইনা নেপালগী প্রধান মন্ত্রী রাইৎ ওনরেবল শের বহাদুর দেউবা অমসুং মহাক্কী লোইনবী দা. অর্জু রানা দেউবাসু চৎখি।
২. লুচিংবশিংনা লাইশঙ মনুংদা লৈবা মার্কর স্তোন, ভগৱান বুদ্ধনা পোকখিবা চপ চাবা মফম তাক্লিবা অসিদা ইকাই খুম্নবা উৎখি। বুদ্ধিস্তকী লাইনীং-লাইশোনগী মতুং ইন্না পাঙথোকপা পুজাদা মখোয়না শরুক য়াখি।
৩. প্রধান মন্ত্রী অনিনা লাইশঙ অসিগা হেক থংননা লৈরিবা অশোকা পিলরগী মনাক্তা থাওমৈশিং চুখৎখি। ২৪৯ বি.সি.দা নীংথৌরেল অশোকানা য়ুংখিবা পিলর অসিনা ভগৱান বুদ্ধ অসি লুম্বিনীদা পোকখি হায়বগী অহানবা ইপিগ্রাফিক্কী ওইবা খুদম চাংদম উৎলি। মসিগী মতুংদা, ২০১৪দা পি.এম. মোদীনা লুম্বিনীদা খুদোল তমখিবা বোধ গয়াদগী বোধি উগী চারা অদুবু প্রধান মন্ত্রী অনিনা ঈশিং চাইখি অমসুং লাইশঙগী বিজিতর্স বুক্তা খুৎয়েক পীখি।
****
(रिलीज़ आईडी: 1825714)
आगंतुक पटल : 134
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam