প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা নেপালগী লুম্বিনীদা চৎপা খোঙচৎ (মে ১৬, ২০২২)
প্রধান মন্ত্রীনা চৎলমদাইদা থমখিবা ৱারোল
Posted On:
15 MAY 2022 12:17PM by PIB Imphal
নেপালগী প্রধান মন্ত্রী, রাইৎ ওনরেবল শের বহাদুর বেউবানা বর্তন তৌরকপদগী মে ১৬, ২০২২দা নেপালগী লুম্বিনীদা ঐহাক চৎকদৌরি।
বুদ্ধ জয়েন্তিগী শেংলবা থৌরমদা ময়াদেবি মন্দিরদা ঐহাক্না থৌনিজগনি। ভগৱাব বুদ্ধগী পোক্নফম ওইরিবা শেংলবা মফম অসিদা ভারত মচা করোর কয়াগী তুংইন্দুনা ঐহাক্না ইকাই খুম্নবা উৎচবা ফংজগদৌরিবা অসিদা ঐহাক্না নুংঙাইবা পোকই।
মমাংদা থাদা প্রধান মন্ত্রী দেউবানা ভারত্তা লাকলমখিবা মহাক্কী খোঙচৎ মনুংদা ঐখোয়না কান্নরবা খন্ন-নৈনবা কয়া পাঙথোকখ্রবা মতুংদা ঐহাক্না মহাক্কা অমুক হন্না উনগদৌরি। ঐখোয়না হাইদ্রোপাৱর, চাউখৎ-থৌরাং অমসুং কন্নেক্তিবিতী য়াওনা হীরম কয়াদা তেংবাং পীনবা হেনগৎনবগী মতাংদা ঐখোয়গী অমত্তা ওইবা ৱাখল্লোন অসি মরা চেৎশিনহনগনি।
শেংলবা ময়াদেবি মন্দির চৎপগী মথক্তা ঐহাক্না লুম্বিনী মোনাস্তিক জোন্দা পাঙথোক্কদবা ইন্দিয়া ইন্তর্নেস্নেল সেন্তর ফোর বুদ্ধিস্ত কলচর এন্দ হেরিতেজকী “শিলান্যাস”তা ঐহাক্না শরুক য়াগনি। ঐহাক্না নেপাল সরকারনা শিনবা বুদ্ধ জয়েন্তি পালন তৌনবা পাঙথোকপা থৌরমশিংদসু শরুক য়াগনি।
নেপালগা লৈনরিবা ঐখোয়গী মরীশিং অসি লম্বা লৈতে। ভারত অমসুং নেপালগী মরক্তা লৈনরিবা সভ্যতা অমসুং মীয়ামগী মরীশিং অসিনা ঐখোয়গী অচেৎপা মরীশিং অসিগী য়ুম্ফম ওইরি। ঐহাক্কী খোঙচৎ অসিনা চহিচা কয়াগী খুত্থাংদা য়োকখৎতুনা লাকখিবা অমসুং ইন্তর-মিঙ্গলিং তৌবগী অশাংবা পুৱারীদা য়াওরিবা মতম শাংলবা মরীশিং অসি হেন্না চেৎশিনহল্লগনি।
***
(Release ID: 1825500)
Visitor Counter : 165
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam