কেন্দ্রগী এনভাইরনমেন্ত, ফোরেস্ত অমসুং ক্লাইমেত চেঞ্জকী মন্ত্রী, শ্রী ভুপেন্দ্র য়াদবনা লুচিংবা ভারতকী দেলিগেশননা ২০২২গী তাং ৯দগী ২০ ফাওবা পাংথোক্কদবা য়ুনাইতেদ নেসন্স কভেন্সন তু কোম্বেত দিজর্তিফিকেশনগী কনফরেন্স ওফ পার্তিজগী ১৫শুবা মীফম (য়ু.এন.সি.সি.দি. সি.ও.পি.১৫)দা শরুক য়ারুনবগীদমক্তা কোদ দিভ্বারগী অবিদজানদা থুংখ্রে।

ভারতনা নই দিল্লীদা ২০১৯গী সেপ্তেম্বর ২দগী ১৩ ফাওবা পাংথোকখিবা য়ুনাইতেদ নেসন্স কভেন্সন তু কোম্বেত দিজর্তিফিকেশনগী কনফরেন্সকী ১৪শুবা সেসনগী য়ুম্বু ওইখি অমসুং হায়রিবা অসিগী হৌজিক-হৌজিক প্রেসিদেন্ত ওইরি।

সি.ও.পি. ১৪দা, প্রধান মন্ত্রী, শ্রী নরেন্দ্র মোদীনা “ভারতনা লেন্দ দিগ্রেদেশন স্তেতসতগী হান্নগী ফিভমদা পুরকপা পাম্বা অপুনবা লমগী শরুক অদু হেনগৎহন্দুনা ২০৩০ ফাওবদা হেক্তর মিলিয়ন ২১দগী হেক্তর মিলিয়ন ২৬তা হেনগৎহল্লগনি”। “... মসিনা লেন্সস্কেপ রেস্তোরেশন এপ্রোচ শিজিন্নদুনা মাংথরবা এগ্রিকলচরগী, উমং-ৱামংশিংগী অমসুং অতোপ্পা ৱেস্তলেন্দশিংদা মরু ওইবা থমদুনা খ্বাইদগী হেন্না মাংথরবা অমসুং সোত্থরবা লমশিংগী হেক্তর মিলিয়ন ২৬কী লেন্দ প্রোদক্তিবিলতী অমসুং ইকোসীস্তেম সার্বিস ফগৎহনবদা মীৎয়েং থমগনি” হায়না প্রধান মন্ত্রীনা মতম অদুদা হায়খি।

লাইচৎ লৈজরবসু, ভারতনা প্রেসিদেন্ত ওইরিঙৈ মতম অদুগী মনুংদা লেন্দ দিগ্রেদেশন লেপহন্নবা অমসুং মসিবু ফগৎহন্নবগী মালেমগী পান্দম অদুগী মাইকৈদা লৈবাক কয়া অমবু মসিদা পুল্লপ পুন্না থবক তৌমিন্ননবা হোৎনবদা য়াম্না মরু ওইবা থৌংদাং কয়া লৌখি।

দেজর্তিফিকেশন, লেন্দ দিগ্রেদেশন অমসুং দ্রোতকী মতাংদা ২০২১গি জুন ১৪দা পাংথোকখিবা য়ুনাইতেদ নেসন্স জেনরেল এসেমব্লীগী অৱাংবা থাক্কী ৱারি-ৱাতাই শানখিবা অদুদা ভারতকী প্রধান মন্ত্রিনা ৱা ঙাংখি, মসিদা শ্রী মোদীনা সক্সেস স্তোরীশিং অমসুং লেন্দ দিগ্রেদেশন থিংনবা ভারতনা পাইখৎখিবা অনৌবা খোংথাংশিং অদুগী মতাংদা পনখি।

ভেরতনা প্রেসিদেন্ত ওইরিঙৈ মতমদা পাংথোকখিবা য়াম্না মরু ওইবা থবক অমনা, জি.-২০গী লুচিংবশিংনা লেন্দ দিগ্রেদেশন থিংবা অমসুং অনৌবা কার্বন সিঙ্কশিং শেম্বগী মরু ওইবা অদু খঙবীবা, ময়াম পুন্না উপাম্বি ত্রিলিয়ন ১ থানবগী পুক্নিং থৌগৎনিংঙাই ওইবা পান্দম থম্বা, মসিগী পান্দম অসিবু ২০৩০ ফাওবদা ফংবা ঙম্নবা অতোপ্পা লৈবাকশিংনা জি.২০গা খুৎশম্নদুনা থবক তৌমিন্ননবা হায়বা।

মসিদা নত্তনা, অহানবা ওইনা, য়ুনাইতেদ নেসন্স কনভেন্সন ফোর কোবেতিং দেজর্তিফিকেশন (য়ু.এন.সি.সি.দি.)গী মখাদা ঈকং থোকপা অসিবু থিংননবা কান্নগদবা পোলিসী অমসুং থবক ওইনা পাইখৎনবগী পাম্বৈশিংগী মতাংদা ইন্তরগোবর্নমেন্তেল ৱার্কিং গ্রুপ (আই.দবল্যু.জি.) অমা দিসিজন ২৩/সি.ও.পি. ১৪না লিংখৎহনখিবা। দ্রাফ রিপোর্ত অমা শেমখ্রে অমসুং হন্দক্কী সি.ও.পি.১৫গী সেসন অসিগী মনুংদা খন্নরগনি। 

কোত দিভ্বারগী অবিদজানদা ২০২২গী তাং ৯দগী ২০ ফাওবা পাংথোক্কদবা য়ুনাইতেদ নেসন্স কভেন্সন তু কোম্বেত দিজর্তিফিকেশন (য়ু.এন.সি.সি.দি.)গী কনফরেন্স ওফ পার্তিজগী ১৫শুবা সেসন (সি.ও.পি.১৫) অসিনা লমবু তুং কোইনা চৎকদবা মওংদা শিজিন্নবগী মতাংদা খুমাং চাউশিন্নবা মালেমগী মফম কয়াদগী সরকারশিংদগী, প্রাইভেত সেক্তর, সিভিল সোসাইতী অমসুং মরু ওইবা স্তেকহোল্দরশিংদগী লুচিংবশিংবু পুল্লপ পুনশিনহল্লগনি অমসুং লম অমসুং অতোপ্পা মরু ওইবা সস্তেনেবিলিতী ইশুশিংগী মরক্তা লৈরিবা লিঙ্কশিং অদুবু থিজিল্লগনি।

হেদ ওফ দ স্তেতস সম্মিত, অৱাংবা থাক্কী রাউন্দতেবলশিং অমসুং ইনতরেক্তিব দাইলোগ সেসনশিং য়াওনা মসিগী ইশুশিং অসি ২০২২গী মে ৯-১০দা অৱাংবা থাক্কী সেগমেন্ত অদুগী মনুংদা খন্নরগনি অমসুং মসিগা লোইন-লোইননা  অতোপ্পা অখন্নবা অমসুং সাইদ ইভেন্ত কয়া অমসু পাংথোক্লগনি।

দ্রোত, লেন্দ রেস্তোরেশন, অমসুং মরী লৈনবা ইনেব্লরশিং খুদম ওইনা লেন্দ রাইতস, জেন্দর ইক্বালিতী অমসুং য়ুথ এমপাৱরমেন্তনা কনফরেন্স অসিগী মরু ওইবা এজেন্দাশিংনি। য়ু.এন.সি.সি.দি.গী পার্তী ১৯৭না লেপখিবা ৱারেপ অদুগী খুত্থাংদা সি.ও.পি. ১৫ অসিনা তুং কোইনা চৎকদবা মওংদা লম শিজিন্নবদা মীৎয়েং থমদুনা লেন্দ রেস্তোরেশন অমসুং দ্রোত থিংনবা তুং  কোইনগী ওইবা পাম্বৈশিং পুথোরক্কনি হায়না থাজবা থম্লি।

******