নহারোল অমসুং শান্ন-খোৎনবগী মন্ত্রালয়
খ্বাইদগী য়াম্বা কন্তিজেন্ত ওইনা লৈবাক্কী মফম কয়াগী শান্নরোয় ৮৫০০না ৪শুবা খেলো ইন্দিয়া য়ুথ গেমস শরুক য়াগনি: শ্রী অনুরাগ থাকুর
খেলো ইন্দিয়া য়ুথ গেমস ২০২১দা মমাঙঙৈগী অরিবা মশান্না ৫ য়াওগনি: য়ুথ এফেয়ার্স অমসুং স্পোর্তসকী য়ুনিয়ন মিনিস্তর
ঙসি পঞ্চকুলাদা খেলো ইন্দিয়া য়ুথ গেমস ২০২১গী লোগে, এন্থেম, জর্সি অমসুং মাস্কোত হৌদোকখ্রে
Posted On:
07 MAY 2022 4:23PM by PIB Imphal
খ্বাইদগী য়াম্বা কন্তিজেন্ত ওইনা লৈবাক্কী মফম কয়াগী শান্নরোয় ৮৫০০না ৪শুবা খেলো ইন্দিয়া য়ুথ গেমস শরুক য়াগনি। ঙসি পঞ্চকুলাগী ইন্দ্রধনুস ওদিতোরিয়মদা খেলো ইন্দিয়া য়ুথ গেমস ২০২১গী লোগে, এন্থেম, জর্সি অমসুং মাস্কোত হৌদোকপদা ৱাফম অসি য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী অনুরাগ থাকুরনা ফোঙদোকখিবনি। মিনিস্তরনা হায়খি হরিয়ানাদা লৈবাক অসিগী অপুনবা মীশিংগী চাদা ২ রোম লৈরবসু শান্ন-খোৎনবগী অয়াম্বা থৌরমশিংদা লৈবাক অসিগী মশিং য়াম্লবা মেদলশিং ফংলি। থৌরম অদুদা হরিয়ানাগী চীফ মিনিস্তর শ্রী মনোহর লাল, হরিয়ানাগী দিপুতি চীফ মিনিস্তর শ্রী ধুসয়ান্ত চৌতালা, হরিয়ানা লেজিসলেতিপ এশেমব্লিগী স্পিকর শ্রী গ্যান চান্দ গুপ্তা, হরিয়ানগী স্পোর্তস মিনিস্তর শ্রী সন্দিপ সিংহ, ভারত সরকারগী জল শক্তিগী হান্নগী মিনিস্তর শ্রী রতন লাল কাতারিয়া অমসুং হরিয়ানাগী চীফ সেক্রেতরি শ্রী সনজিব কৌসালশু শরুক য়াখি।
মমাঙঙৈগী অরিবা মশান্নশিং য়োকখৎপগী তঙাইফদবা পল্লদুনা শ্রী থাকুরনা হায়খি, পাংথোক্কদৌরিবা খেলো ইন্দিয়া য়ুথ গেমস ২০২১ অসিদা অরিবা মশান্না মঙা হায়বদি গাতকা, কালারিপায়াতু, থাং-তা, মাল্লাখম্বা অমসুং য়োগাসন শরুক য়াগনি। খেলো ইন্দিয়াগী মখাদা পাংথোক্লিবা য়ুথ গেমস অমসুং হন্দক লোইশিনখিবা য়ুনিভর্সিতি গেমস অসিনা তুংগী অফবা ওইরক্নবা নহারোলশিংদা ইনোৎ পীগনি। শান্নরোয়শিং মাঙজিল থানবা ভারত সরকারনা থবক কয়া য়াংনা পায়খৎলি।
থৌরম অসিগীদমক রাজ্য অসিনা মপুংফানা শেম-শাবা লোইরে হায়না ফোঙদোক্লদুনা, রাজ্য অসিনা খেলো ইন্দিয়া য়ুথ গেমস ২০২১ য়ুম্বু ওইনবা খুদোংচাবা পীরকপগীদমক হরিয়ানাগী চীফ মিনিস্তর শ্রী মনোহর লালনা প্রধান মন্ত্রী শ্রী নরেন্দ্র মোদী থাগৎখি। চীফ মিনিস্তরনা হায়খি রাজ্য অসিনা লৈবাক অসিগী চানবা মহৈ-মরোং পুথোকপা খক নত্তনা রাজ্য অসিগী শান্নোরোয়শিংনা মেদল কয়াশু পুরক্লি। হকচাং ফনা অমসুং পুক্নিং-ৱাখল নুংঙাইনা লৈনবা শান্নবা অসি য়াম্না ফৈ।
থৌরম অদুদা হরিয়ানাগী দিপুতি চীফ মিনিস্তর শ্রী ধুসয়ান্ত চৌতালা, হরিয়ানা লেজিসলেতিপ এশেমব্লিগী স্পিকর শ্রী গ্যান চান্দ গুপ্তা, হরিয়ানগী স্পোর্তস মিনিস্তর শ্রী সন্দিপ সিংহ, ভারত সরকারগী জল শক্তিগী হান্নগী মিনিস্তর শ্রী রতন লাল কাতারিয়া অমসুং হরিয়ানাগী চীফ সেক্রেতরি শ্রী সনজিব কৌসাল অমসুং অতোপ্পা শক্নাইরবা কয়াশু শরুক য়াখি।
ব্লেক বগ ‘জয়া’ অমসুং কৈ ‘বিজয়’না খেলো ইন্দিয়া য়ুথ গেমসকী মাস্কোতশিং ওইরি। খেলো ইন্দিয়া য়ুথ গেমস-২১গী হরিয়ানাগী মাস্কোতকী মমিং ‘ধাকাত’ হায়না থোল্লে। জুন ৪দগী জুন ১৩ ফাওবা হরিয়ানাদা ৪শুবা খেলো ইন্দিয়া য়ুথ গেমস পাংথোক্কনি।
*****
(Release ID: 1823556)
Visitor Counter : 135