প্রধান মন্ত্রী, শ্রী নরেন্দ্র মোদীনা ঙসি ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা খারিফ সিজন - ২০২২গী (০১.০৪.২০২২দগী ৩০.০৯.২০২২ ফাওবা) ওইনা ফোস্ফেতিক অমসুং পোতাসিক (পি এন্দ কে)গী ন্যুত্রেন্ত বেজ সবসিদী (এন.বি.এস.) রেৎশিংগী মতাংদা দিপার্তমেন্ত ওফ ফর্তিলাইজর্সনা পীখৎলকখিবা প্রপোজেল অয়াবা পীখ্রে।

চংগদবা শেল:

ফ্রৈৎ সবসিদীগী খুত্থাংদা ইন্দিজিনস ফর্তিলাইজর (এস.এস.পি.)গী তেংবাং অমসুং দি.এ.পি.গী ইন্দিজিনস মেন্যুফেকচরিং অমসুং ইম্পোর্তসশিংগীদমক অহেনবা তেংবাং পীবা য়াওনা এন.বি.এস খারিফ সিজন - ২০২২গী (০১.০৪.২০২২দগী ৩০.০৯.২০২২ ফাওবা) ওইনা মন্ত্রী-মন্দলনা অয়াবা পীখিবা সবসিদী অসি লুপা করোর ৬০,৯৩৯.২৩ ওইরগনি।

কান্নবশিং:

দি-এমোনিয়ম ফোস্ফেৎ (দি.এ.পি.) অমসুং মাগী রো মেতরিএলশিংগী মালেমগী ওইনা লৈরিবা মমলদা হেনগৎলকপা অসি অয়াম্বনা কেন্দ্র সরকারনা পুথোক্লি। কেন্দ্র সরকারনা হান্না ভেগ অমদা লুপা ১৬৫০ ওইরম্বা অদুগী মহুৎ দি.এ.পি. বেগ অমদা লুপা ২৫০১গী সবসিদী পীনবা ৱারেপ লৌখি, হায়রিবা অসি মমাংগী চহিগী সবসিদী রেৎশিং অদুদগী ৫০% হেনখৎলকখি। দি.এ.পি. অমসুং মাগী রো মেতরিএলশিংগী মমলশিংদা হেনগৎলকপা অসি চাউরাক্না ৮০%গী চাংদনি। মসিনা নোতিফাইদ তৌখিবা পি অমসুং কে ফর্তিলাইজরশিং অসি সবসিদাইজ ওইবা, অহোংবা অমসুং চৎনবা য়াবা মমলশিংদা ফংহনবদা অমসুং লৌউ-শিংউগী সেক্তরদা তেংবাং পীবদা মতেং ওইরগনি।

থবক ওইনা ওন্থোক্নবা লালোং অমসুং পান্দমশিং:

পি অমসুং কে ফর্তিলাইজরশিংগী সবসিদী অসি লৌমীশিংদা অহোংবা মমলশিংদা হারশিং অসি অপনবা লৈতনা ফংহন্নবা খারিফ সিজন - ২০২২গী (০১.০৪.২০২২দগী ৩০.০৯.২০২২ ফাওবা) ওইনা এন.বি.এস রেৎশিংদা য়ুম্ফম ওইরগা পীগনি।

বেকগ্রাউন্দ:

সরকারনা ফর্তিলাইজর মেন্যুফেকচর্রশিং/ইম্পোর্তরশিংগী খুত্থাংদা সবসিদাইজ ওইবা মমলশিংদা য়ুরিয়া অমসুং পি অমসুং কে ফর্তিলাইজরশিংগী গ্রেদ ২৫ হায়রিবা হারশিং অসি ফংহল্লি। পি অমসুং কে ফর্তিলাইজরশিংদা পীরিবা সবসিদী অসি ০১.০৪.২০১০দগী চৎনবা হৌদুনা এন.বি.এস. স্কিমনা গভর্ন তৌরি। মাগী লৌমীশিংদা কান্নগদবা থৌশিলগা লোয়ননা সরকারনা অহোংবা মমলশিংদা লৌমীশিংদা পি অমসুং কে ফর্তিলাইজরশিং ফংহন্নবা হোৎনরি। হারশিং অমসুং ইনপুৎশিং হায়বদি য়ুরিয়া, দি.এ.পি., এম.ও.পি. অমসুং সল্ফর অসিনচিংবগী মালেমগী ওইনা লৈরিবা মমলশিংদা খঙহেন হেনগৎলকপা অসি য়েংলগা সরকারনা দি.এ.পি. য়াওনা পি অমসুং কে ফর্তিলাইজরশিংদা সবসিদী হেনগৎহন্দুনা মমলদা হেনগৎলক্লিবা অসি সরকারনা পুথোক্নবা ৱারেপ লৌখি। লৌমীশিংদা অহোংবা মমল অমদা হারশিং ফংহন্নবা অয়াবা পীখিবা রেৎশিংগী মতুং ইন্না সবসিদী অসি ফর্তিলাইজর কম্পনীশিংদা পীথগনি নত্ত্রবদি ফীভম হেন্না চোকশিনখিবা য়াই।

*****