প্রধান মন্ত্রী, শ্রী নরেন্দ্র মোদীনা ঙসি কোবিদ-১৯গী ফীভম য়েংশিন্নবা মুখ্য মন্ত্রীশিংগা লোয়ননা ৱারী শাখ্রে।

কেন্দ্রগী গৃহ মন্ত্রীনা রাজ্য খরদা হন্দক কোবিদকী কেসশিং হেনগৎলকপা অমসুং তেস্ত, ত্রেক, ত্রিৎ, ভেক্সিনেসনগী লালোং ঙাক্না চৎপা মথৌ তাবা অমসুং কোবিদকা চুনবা চৎন-লোনচৎ ঙাক্না চৎপগী মতাংদা ৱা ঙাংখি। কেন্দ্রগী হকশেল সেক্রেতরীনা প্রজেন্তেসন অমা পীখি মসিদা মহাক্না মালেমগী লৈবাক কয়ামরুমদা কেশিং হেনগৎলক্লিবা অসিগী মতাংদা খন্নখি অমরোমদা ভারতকী রাজ্য খরদা কেসশিং হেনগৎলক্লিবা অসিসু হাইলাইৎ তৌখি। মহাক্না রাজ্যশিংনা চাং নাইনা দেতা মোনিতর অমসুং রিপোর্ত তৌবা, নীংথিনা সর্ভিলেন্স চত্থবা, ইনফ্রাস্ত্রকচর অপগ্রেদ তৌবা অমসুং কেন্দ্রনা পীথবা ফন্দশিং শীজিন্নবগী মথৌ তাবগী মতাংদা ফোঙদোকখি।

মুখ্য মন্ত্রীশিংনা প্রধান মন্ত্রীনা মতম চানা লমজিং লমতাকপীবা অমসুং লাইচৎ অসি হৌবদগী তেংবাং পীখিবগীদমক থাগৎপা ফোঙদোকখি। মখোয়না য়েংশিন মীফম অসি প্রধান মন্ত্রীনা মতম চানা কৌরি হায়না ফোঙদোকখি। মখোয়না মখোয়গী রাজ্যদা ওইরিবা কোবিদ কেসশিং অমসুং ভেক্সিনেসনগী স্তেসনকী শম্লপ্পা ৱারোল অমা পীখি।

উত্তর প্রদেশকী মুখ্য মন্ত্রীনা রাজ্য অসিনা প্রধান মন্ত্রীগী পুন্সি অমসুং পুন্সিগী হিংনবগী লম্বীগী মন্ত্র অদু ঙাক্তুনা চৎলি হায়না ফোঙদোকখি। মহাক্না এন.সি.আর.গী শহরশিংদা কেসশিংগী মশিং ৱাংনা হেনগৎলকপা উবা ফংই হায়না পাউদমখি। দিল্লীগী মুখ্য মন্ত্রীনা হন্দক নুমিৎ খরা অসিদা দিল্লীদা পোজিতিবিতী রেৎ ৱাংবা উবা ফংখি হায়না ফোঙদোকখি। মহাক্না মার্ক উপ্পা অসি মেন্দতরী অমুক হন্না ওইহনখ্রে হায়না ফোঙদোকখি। মিজোরামগী মুখ্য মন্ত্রীনা মমাংগী ৱেবশিংদা প্রধান মন্ত্রীগী অচৌবা তেংবাং অমসুং লমজিং-লমতাকপীখিবা অদুনা মতেং পাংখি হায়না ফোঙদোকখি। মহাক্না অতোপ্পা হকশেলগী ওইবা হীরমশিং অমসুং চাউখৎ-থৌরাংগী সমস্যাশিংদসু তেংবাং পীবীবগীদমক কেন্দ্র সরকারবু থাগৎপা ফোঙদোকখি। কর্নাতকাগী মুখ্য মন্ত্রীনা প্রধান মন্ত্রীনা তাকপীখিবশিং অদুনা থংন-থংননা থোকখিবা কোবিদ ৱেবশিং অদু লাকশিনবদা মতেং পাংনবা লমজিং মৈরা ওইখি হায়না ফোঙদোকখি। মহাক্না কোবিদকা চুনবা চৎন-লোনচৎ ঙাক্না চৎনবা এৱের্নেস কেম্পেনশিং চত্থরি হায়নসু পাউদমখি। হরিয়ানাগী মুখ্য মন্ত্রীনা রাজ্য অসিগী ওইনা দিল্লীগী অকোইবদা লৈরিবা গুরুগ্রাম অমসুং ফরিদাবাদ অসিগুম্বা শহরশিং অসিদা কেসশিং মশিং ৱাংবা উবা ফংই হায়না ফোঙদোকখি।

মহাক্কী লোইশিনবগী ৱারোলদা প্রধান মন্ত্রূনা তামিল নাদুগী তঞ্জভুরদা থোকখিবা লম্বীগী খুদোংথিবা থৌদোক্তা লৈখিদ্রবশিংদা অৱাবা ফোঙদোকখি। শ্রী মোদীনা থৌদোক অসিদা অৱাবা নংখ্রবা মীওইশিংগীদমক প্রাইম মিনিস্তর্স নেস্নেল রিলিফ ফন্দ (পি.এম.এন.আর.এফ.)তগী এক্স-গ্রেদিয়া পীগনি হায়না লাউথোকখি।

প্রধান মন্ত্রীনা কোরোনাগী মায়োক্তা লান্থেংনবা অসিদা কেন্দ্র অমসুং রাজ্যনা পুন্না হোৎনরিবা অসিগী মতাংদা ফোঙদোকখি। মহাক্না মুখ্য মন্ত্রীশিং, ওফিসরশিং অমসুং কোরোনা ৱারিয়র পুম্নমক্না হোৎনখিবশিং অদুগীদমক থাগৎপা ফোঙদোকখি। মহাক্না মসিনা ময়েক শেংনা তাক্লি মদুদি কোরোনাগী শীংনবশিং অসি লোইদ্রি হায়না ফোঙদোকখি। য়ুরোপকী লৈবাক কয়া অসিদা থেংনরিবা কেস অসিনা ওমিক্রোন অমসুং মাগী সবভেরিএন্তশিং অসিনা খুদোংচাদবা থোকহনবা য়াই হায়বা উবা ফংখ্রে। সবভেরিএন্তশিং অসিনা লৈবাক কয়াদা মশিং হেনগৎহল্লি। ভারতনা লৈবাক কয়াদগী হেন্না নীংথিজনা ফীভম অসি লাকশিনবা ঙমখি হায়না মহাক্না ফোঙদোকখি। হৌখিবা চয়োল অনি অসিদা রাজ্য খরদা কেসশিং হেনগৎলক্লি মরম অসিনা ঐখোয়না চেকশিন্না লৈবা মথৌ তাই হায়না মহাক্না ফোঙদোকখি।

প্রধান মন্ত্রীনা ওমিক্রোন ৱেব অসি ফিরেপ চেৎপগা লোয়ননা অমসুং পাখৎপা য়াওদনা লাকশিনবা ঙমখি অমসুং হৌখিবা চহি অনি অসিদা কোরোনাগী লান অসিগী হীরম পুম্নমক, হেল্থ ইনফ্রাস্ত্রকচর, ওক্সিজেন সপ্লাই নত্ত্রগা ভেক্সিনেসন ওইরবসু মসি মপাঙ্গল কনখৎহনখি। অহুমশুবা ৱেবতা রাজ্য অমত্তা লাকশিনবা ঙমদবা ফীভমদা লৈবা য়াওখিদে। মসি চাউনা ভেক্সিনেসন দ্রাইব চত্থবা অসিনা ঙমহনখিবনি হায়না প্রধান মন্ত্রীনা ফোঙদোকখি। মহাক্না ভেক্সিন্না মীপুম খুদিংদা য়ৌশিনখি অমসুং মীয়াই চল্লবা মীওইশিংগী চাদা ৯৬তি য়ামদ্রবদা দোজ অমা কাপখিবা অমসুং চহি ১৫গী মথক্কী মীওইশিংগী চাদা ৮৪দি দোজ অনিমক কাপখিবা অসি চাউথোকচনীংঙাই ওইবা ৱাফম অমনি। ভেক্সিন অসি কোরোনাগী মায়োক্তা খ্বাইদগী চাউবা চুঙ্গোইনি হায়না মহাক্না মখা তাখি।

প্রধান মন্ত্রীনা মতম কুইরবগী তুংদা স্কুলশিং হাংখি অমসুং মফম খরদা কেসশিংগী মশিং হেনগৎলকপা অসিদা মমা-মপা খরদি ৱাখল ৱারি হায়না ফোঙদোকখি। অঙাং কয়া কয়ানা ভেক্সিন কাপ্নরকপা অসিদা মহাক্না অপেনবা ফোঙদোকখি। মহাক্না হায়খি, মার্চতা চহি ১২-১৪গী ভেক্সিন কাপ্পা হৌখি অমসুং ঙরাং খক্তা চহি ৬-১২গী অঙাংশিংগীদমক কোভেক্সিন ভেক্সিন কাপ্পা য়াবগী অয়াবা পীখি। “অথুবদা ইলিজিবল ওইবা অঙাং খুদিংমক ভেক্সিন কাপথোকপা হায়বা অসি ঐখোয়গী ওইনা মরু ওই। মসিগীদমক মমাংগুম্না স্কুলশিংদা অখন্নবা কেম্পেনশিং চত্থবা মথৌ তাই। মসিগী মতাংদা ওজাশিং অমসুং মমা-মপাশিংনা খঙজিনবা তাই”, হায়না প্রধান মন্ত্রীনা ফোঙদোকখি। ভেক্সিন প্রোতেক্তিব শিল্দ অসি মপাঙ্গল কনখৎহন্নবা লৈবাক অসিগী মীয়াই চল্লবা মীওই পুম্নমক্না প্রিকোসনরী দোজ কাপ্পা য়ারে। ওজাশিং, মমা-মপাশিং অমসুং অতোপ্পা ইলিজিবল ওইবা মীওইশিংনা প্রিকোসনরী দোজ কাপথোকপীয়ু, হায়না মহাক্না মখা তাখি।

অহুমশুবা ৱেব মনুংদা ভারতনা নোংমদা কেস লাখ ৩ ফাওবা উবা ফংখি অমসুং রাজ্যশিংনা ফীভম অদু নীংথিনা লাকশিনখি অমসুং সোসিএল অমদি ইকনোমিক এক্তিবিতী অদুমক মখা চত্থহনখি হায়না ফোঙদোকখি। মসিদা তুংলমচৎতসু ঐখোয়গী লালোংদা কান্নবা পীগদবনি। প্রধান মন্ত্রীনা ফীভম অসি বিজ্ঞানিক অমসুং এক্সপর্তশিংনা লেপ্পা লৈতনা মোনিতর তৌরি অমসুং ঐখোয়না মখোয়গী সজেসনশিং অদুদা প্রো-এক্তিব ওইনা থবক তৌবা তাই হায়না ফোঙদোকখি। “হেক অহৌবদা লাইনা ঙাকথোকপা হায়বা অসিদা ঐখোয়না মরু ওইবা মীৎয়েং চংখি অমসুং হৌজিকসু মসিগা চপ মান্নৈ। ঐখোয়গী তেস্ত, ত্রেক অমসুং ত্রিৎ তৌবগী লালোং অসি চপ মান্নবা ইফিকেসীগা লোয়ননা ইমপ্লিমেন্ত তৌবা তাই”, হায়না মহাক্না ফোঙদোকখি।

প্রধান মন্ত্রীনা অরুবা ইনফ্লুঞ্জা কেসশিংগী চাদা চামা তেস্ত তৌবা অমসুং পোজিতিব কেসশিংগী জিনোম সিক্বেন্সিং তৌবা, মীয়াম তিনবা মফমশিংদা কোবিদকা চুনবা চৎন-লোনচৎ ঙাক্না চৎপা অমসুং পাখৎপা তৌদনবা অকনবা ৱাফম থমখি। মহাক্না হেল্থ ইনফ্রাস্ত্রকচর অমসুং মেদিকেল মেনপাৱর অপগ্রেদেসন তৌনবা অকনবা ৱাফম থমখি।

ভারতনা সম্বিধান্দা য়াওরিবা কোওপরেতিব ফেদরেলিজম অসিগী ৱাখল্লোনগা লোয়ননা কোরোনাগী মায়োক্তা মতম শাংনা লান্থেংনদুনা লাকখি হায়না প্রধান মন্ত্রীনা ফোঙদোকখি। প্রধান মন্ত্রীনা হৌজিক লৈরিবা মালেমগী ফীভম অসিদা ভারতকী শেন্মীৎলোনগী মপাঙ্গল কনখৎহন্নবগীদমক শেন্মীৎলোনগী ৱারেপশিং অসিদা কেন্দ্র অমসুং রাজ্য সরকারশিংগী মরক্তা চুশিন্নবা মথৌ তাই হায়না অকনবা ৱাফম থমখি। মহাক্না হায়খি মালেমগী থোক্লিবা থৌদোকশিং অসিনা ওইহল্লিবা ফীভমশিং অসুদা, কোওপরেতিব ফেদরেলিজমগী ৱাখল্লোন অসি হেন্না মরু ওই। মহাক্না মসি পেত্রোল অমসুং দিজলগী মমলশিং অসিগী মতাংদসু শন্দোক্না তাকখি।

প্রধান মন্ত্রীনা পেত্রোল অমসুং জিজলগী মমলশিং হন্থহন্নবা কেন্দ্র সরকারনা এক্সাইজ দ্যুতী হন্থহনখি অমসুং রাজ্যশিংদা তেক্সশিং হন্থহন্নবা হায়খি হায়না ফোঙদোকখি। রাজ্য খরদা তেক্সশিং হন্থহনখি অদুবু রাজ্য খরনা মসিগী কান্নবশিং অসি মীয়ামদা ফংহনখি, রাজ্যশিং অসিদা পেত্রোল অমসুং দিজলগী মমল অদুমক ৱাংলি। মসি রাজ্য অদিগী মীয়ামগী হক মাংহনবা খক্তা নত্তনা মসিনা য়ুমলোন্নরিবা রাজ্যশিংদা অকাইবা পীবনি। কর্নাতকা অমসুং গুজরাতগুম্বা রাজ্যশিংনা রিভেন্যুশিংদা মাংলবসু মীয়ামগী য়াইফনবগীদমক তেক্স হন্থহনখি অমরোমদনা য়ুমলোন্নরিবা রাজ্যশিংনা তেক্স হন্থহনবা তৌদনা রিভেন্যু তাল্লি হায়না মহাক্না ফোঙদোকখি।

মসিগা মান্ননা প্রধান মন্ত্রীনা হৌখিবা নবেম্বরদা ভি.এ.তি. হন্থহন্নবা হায়জখি অদুবু মহারাস্ত্র, ৱেস্ত বেঙ্গল, তেলঙ্গানা, অন্ধ্র প্রদেশ, তামিল নাদু, কেরলা, ঝারখন্দ মসি মরম খরদগী তৌখিদে হায়খি। প্রধান মন্ত্রীনা কেন্দ্রদা লাক্লিবা রিভেন্যুগী চাদা ৪২দি রাজ্য সরকারশিংদা চৎলি হায়খি। “ঐহাক্না রাজ্যশিংদা মালেমগী ওইবা খুদোংথিবা থোকপা মতমদা কোওপরেতিব ফেদরেলিজমগী ৱাখল্লোন অসি ঙাক্লগা তীম অমা ওইনা থবক তৌ”, হায়না প্রধান মন্ত্রীনা হায়খি।

প্রধান মন্ত্রীনা তেম্পরেচর হেনগৎলকপা, উমংদা লামৈ থাবা অমসুং বিল্দিংশিং শাগৎপা হেনগৎলকপা অসিগী মতাংদসু পুথোকখি। মহাক্না হোস্পিতালশিংদা ফায়র সেফতী ওদিৎশিং তৌনবা অখন্ননা হায়খি। শীংনবা অসি কোকহন্নবা ঐখোয়না শিল-লাংবা অসি কম্প্রিহেন্সিব ওইহনগদবনি অমসুং ঐখোয়গী রেস্পোন্স তৌবগী মতম অসি হন্থহনগদবনি হায়না মহাক্না ফোঙদোকখি।

***********