প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদীনা নই দিল্লীদা য়ুরোপিয়ন কম্মিসনগী প্রসিদেন্ত উর্সুলা ৱান দের লেয়েনগা লোয়ননা ৱারী শাখ্রে
Posted On:
25 APR 2022 4:49PM by PIB Imphal
প্রধান মন্ত্রী শ্রী নরেন্দ্র মোদীনা ঙসি য়ুরোপিয়ন কম্মিসনগী প্রসিদেন্ত হর এক্সিলেন্সী উর্সুলা ৱান দের লেয়েনবু ওকখ্রে।
প্রধান মন্ত্রীনা চহি অসিগী রাইসিনা দাইলোগতা হৌদোকপগী ৱারোল পীবদা অয়াবা পীবীরকপগীদমক ই.সি.গী প্রসিদেন্তবু থাগৎপা ফোঙদোকখ্রে অমসুং মহাক্না নুমিৎ অসিদা মহাক্না ৱারোল পীগদবা অদু তানবগীদমক খৌরাংনা ঙাইরি হায়না ফোঙদোকখি।
লুচিংবশিংনা অচৌবা অমসুং নীংথিজরবা দেমোক্রেতিক সোসাইতীশিং ওইনা ভারত অমসুং য়ুরোপনা মালেমগী ওইবা সমস্যা কয়াগী মতাংদা লৈরিবা ৱাখল্লোনশিং অসি মান্নৈ হায়না য়ানখি।
মখোয়না ফ্রী ত্রেদ এগ্রীমেন্ত এন্দ ইনভেস্তমেন্ত এগ্রীমেন্ত অমা অমুক হন্না হৌনবগী ৱারী শানগদৌরিবা অসি য়াওনা ভারত-ই.য়ু. স্ত্রেতেজিক পার্তনরশিপকী থবক্কী খোঙজেল অদু য়েংশিনখি। ভারত-ই.য়ু.গী মরীগী হীরম পুম্নমক রাজনিতীগী থাক্তা য়েংশিন্নবা অমসুং কোওপরেসন পীনবগী তোঙান-তোঙানবা লমশিংগী মরক্তা কোওর্দিনেসন পীনবা অৱাংবা থাক্কী ত্রেদ অমসুং তেক্নোলোজী কম্মিসন অমা শেম্বদা য়ান্নখি।
লুচিংবশিংনা গ্রীন হাইদ্রোজেন অসিগুম্বা লমশিংদা ভারত অমসুং ই.য়ু.গী মরক্তা চুংশিন্নবা য়াবশিং য়াওনা, ক্লাইমেৎকা মরী লৈনবা সমস্যশিংদা কুপ্না খন্নখি। মখোয়না কোবিদ-১৯গী লেপ্তনা পীরিবা শীংনবশিংগী মতাংদসু খন্নখি অমসুং মালেমগী শরুক পুম্নমক ভেক্সিনশিং অমসুং থেরাপ্যুতিক্স অসিদা ইক্বিতেবল এক্সেস ফংহন্নবা হোৎনবগী মতাংদা অকনবা ৱাফম থমখি।
মসিগী মথক্তা, য়ুক্রেনদা ওরিবা ফীভম অমসুং ইন্দপ-পেসিফিক রিজনগী দিবেলপমেন্তশিং য়াওনা মীফম অদুদা হৌজিক্কী ওইনা মরু ওইরিবা জিও-পোলিতিকেল ইস্যু কয়ামরুমগী মতাংদা খন্নখি।
****
(Release ID: 1819965)
Visitor Counter : 168
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam