ইনফোর্মেসন অমসুং ব্রোদকাস্তিং মন্ত্রালয়
খেলো ইন্দিয়া য়ুনিভর্সিতী গেম্স দি.দি. স্পোর্তসতা লাইব থারি
Posted On:
23 APR 2022 11:30AM by PIB Imphal
ভারতনা খেলো ইন্দিয়া য়ুনিভর্সিতী গেম্স ২০২১ খৌরাংনা ঙাইবগা লোয়ননা শান্ন-খোৎনববু পামজবশিংগীদমক্তা নুংঙাইবা পাউ অমা ওইনা দি.দি. স্পোর্তসনা এপ্রিল ২৪, ২০২২দগী হৌরগা থৌরম অসিবু মীপুম খুদিংমক্কী তি.ভি. অমসুং মোবাইলদা লাইব ওইনা পুরক্কদৌরি।
ভারত্তা শান্ন-খোৎনবগী ইহৌবু অমুক হিংগৎহন্নবগীদমক খেলা ইন্দিয়া গেম্সকী শরুক ওইনা ২০২০দা হৌদোকখিবা খেলো ইন্দিয়া য়ুনিভর্সিতী গেম্সকী অনিসুবা ইদিসন অসি এপ্রিল ২৪দগী মে ৩, ২০২২ ফাওবা এপ্রিল ২৪দা হৌদোকপগী থৌরম অমদি মে ৩দা লোইশিনবগী থৌরম পাঙথোক্তুনা চত্থগনি।
ভারত্তা তোঙান তোঙানবা মশান্নশিংগী মপাঙ্গল কল্লবা ফ্রেমৱর্ক অমা শেমগৎনবগী পান্দমদা পাঙথোক্লিবা খেলো ইন্দিয়া য়ুনিভর্সিতী গেম্স অসি, লৈবাক শিনবা থুংবদগী শান্নরোইশিংনা তোঙান তোঙানবা মশান্নশিংদা শরুক য়াগদবা, লৈবাক্কী থাক্তা পাঙথোকপা মখল মথেল কয়াগী মশান্নশিংগী চহিগী ওইবা থৌরম অমনি। মসি চহি ১৮দগী ২৫ ফাওবগী কাঙলুপ্তা লৈবা শান্নরোইশিংবু মশক খঙদোক্তুনা ওলিম্পিক্স অমসুং এসিয়ন গেম্সকীদমক ত্রেন তৌনবগীদমক্তা য়ুনিভর্সিতীগী থাক্তা পাঙথোকপা শান্ন-খোৎনবগী অথোই অহেন তান্নবগী খ্বাইদগী চাউবা থৌরম্নি।
স্পোর্তস ওথোরিতী ওফ ইন্দিয়াগা খুৎশম্নদুনা দি.দি. স্পোর্তসনা য়ুনিভর্সিতী ১৭৫দগী শান্নরোই ৩৮০০না শরুক য়াগনি হায়না পারিবা ইদিসন অসিদা শান্নগদৌরিবা মখল মখা কয়াগী মশান্নশিং মপুং ফানা কভরেজ পীননবা নীংথিনা থৌরাং তৌরি। এথ্লেতিক্স, ভোলীবোল, ইরোইবা, বাস্কেতবোল, ৱেৎলিফ্তিং, রেস্লিং, কবদ্দি, করাতে অমসুং য়োগাসন দি.দি. স্পোর্তসতা লাইব ওইনা শন্দোক্কনি অদুগা জুদো, তেন্নিস, মল্লকম্ভ, তেন কাপ্পা, ফেন্সিং, ফুতবোল, তেবল তেনিস, বেদমিন্দন, হোক্কী, সুতিং অমসুং বোক্সিংনা রেকোর্দ তৌরগা শন্দোক্কনি। হন্দক্কী ইদিসন অসিদা লমদমসিগী ওইবা য়োগাসন অমসুং মল্লকম্ভ হায়রিবা মশান্না অনি অসি অহানবা ওইনা হাপচিল্লকপগা লোয়ননা অহানবা ইদিসন্দা মশান্ন ১৮দা পাঙথোক্লমবদুদগী হন্দক্কী ইদিসন অসিদা মশান্না ২০দা পাঙথোক্কনি।
তি.ভি.দা শন্দোকপগী মথক্তা, মশান্ন কয়া য়েংলিবশিংগী মফমদা লাইব ওইনা পুরক্নবগীদমক, দি.দি. স্পোর্তসকী লাইব স্ত্রীম ৪ খম্ব্রাংননা প্রসার ভারতি স্পোর্তস য়ুত্যুব চেনেলদা শন্দোক্কনি। শন্দোক্কদৌরিবা অসি ইংলিস অমসুং হিন্দি কম্মেন্তরীগা লোয়ননা অয়েংবশিংগী পুক্নিং চিংশিনগদবা গ্রাফিকশিংগা লোয়ননা শন্দোক্কনি।
মশান্নশিং অসি দি.দি. স্পোর্তসতা অয়ুক পুং ৯দগী নুমিদাংৱাইরম পুং ৬ ফাওবা নুমিৎ খুদিংগী লাইব/ দিফর্দ লাইবকী মওংদা শন্দোক্কনি। মসিগী মতুংদা পুংখায় অমগী হায়লাইত/ স্তেতিস্তিক্সতা য়ুম্ফম ওইবা সো অমসুং অতোপ্পা পুংখায় অমনা য়েংবা য়াবা নহা ওইরিবা হৈথোই শিংথোইরবশিংগী সো লৈগনি।
নুমিৎ খুদিংগী হায়লাইত অমসুং মরুওইবা থৌরমশিং দুরদর্সনগী রিজনেল চেনেলশিংদসু শন্দোক্কনি। হৌদোকপগী অমদি লোইশিনবগী থৌরমশিং দি.দি. স্পোর্তস অমসুং দি.দি. নেস্নেলদা লাইব ওইনা শন্দোক্কনি।
খেলো ইন্দিয়া য়ুনিভর্সিতী গেম্স ২০২১গী নুমিৎ খুদিংগী অপদেৎশিংগীদমক দি.দি. স্পোর্তসকী (@ddsportschannel) অমসুং ওল ইন্দিয়া রেদিও স্পোর্তসকী (@akashvanisports) ত্বীতর হেন্দলশিংদা চঙদুনা লৈবিয়ু।
মথক্তা পনখিবা প্রসার ভারতি স্পোর্তস য়ুত্যুব চেনেলদা শন্দোক্কদৌরিবা লাইব স্ত্রীম ৪ য়েংনবগীদমক মখাদা পীরিবা ক্যু.আর. কোদ অসি স্কেন তৌবিয়ু।
*****
(Release ID: 1819258)
Visitor Counter : 134