পুৱারি শেমদুনা, গুজরাতকী গান্থিনাগরদা পাংথোকখিবা ভারতকী অহানবা আয়ুশ ইনভেস্তমেন্ত এন্দ ইনোভেশন সম্মিত ২০২২দা মরু ওইবা কেতেগোরীশিং খুদম ওইনা এফ.এম.জি.জি., মেদিকেল ভেল্যু ত্রাভেল (হীল ইন ইন্দিয়া), ফার্মা, তেক্নোলোজী অমসুং দাইগ্নোস্তিক অমসুং লৌমীশিং অমসুং লৌউ-শিংউদা লুপা করোর ৯০০০ হেনবা লেতর ওফ ইন্তেন্তশিং(এল.ও.আই.শিং) লাকখিবা থেংনখি।

আয়ুশ সেক্তরদা খ্বাইদগী অহানবা অচৌবা থৌরম অসিনা ইন্তর্নেস্নেল, অমসুং নেস্নেল অমসুং অতোপ্পা সেক্তর কয়া অমাগা এগ্রীমেন্তশিং ইনবগী খুদোংচাবা পীখি, ফাইনান্সিয়েল কনসিদেরেশনশিংবু থৌগৎপা, ম্যুচুৱল রিসর্চ অমসুং মালেমগী থাক্তা আয়ুশ অসিবু হেন্না য়ৌহনখি।

ইনভেস্তমেন্তকী থাজবা পীরিবশিং অদুদা এফ.এম.চি.জি.দগী লুপা করোর ৭০০০, মেদিকেল ভেল্যু ত্রাভেল (এম.ভি.তি.)দগী লুপা করোর ১০০০, ফারআ সেক্তরদগী লুপা করোর ৩৪৫, লৌমীশিং অমসুং লৌ্-শিংউ কেতেগোরীদগী লুপা করোর ৩০০ অমসুং তেক্নোলোজী অমসুং দাইগ্নোস্তিক কেতেগোরীদা লুপা করোর ৬০ ময়া নক্না ওইখি।

২০২২গী এপ্রিল ২০দা ইনোগুরেল সেসন মনুংদা প্রধান মন্ত্রী, শ্রী নরেন্দ্র মোদীগী মমাংদা মরু ওইবা এম.ও.য়ু. মঙা খুৎয়েক পীনখ্রে।

থৌরম অদুদা, সেন্ত্রেল কাউন্সিল ওফ রিসর্চ ইন আয়ুরবেদ সাইন্সেস (সি.সি.আর.এ.এস.), আয়ুশ মন্ত্রালয় অমসুং লৈবাক অসিদা লৈরিবা মমিং লেরবারিসর্চ ইন্সতিত্যুতশিংগা এম.ও.য়ু. ১২দা খুৎয়েক পীনখ্রে। ইন্সতিত্যুতশিং অদুদা আই.আই.তি গুৱাহাতি, আ.সি.এম.আর এন.তি.এম., এ.আই.আই.এম.এস., সি.এস.আই.আর, এন.আই.পি.ই.আর., নিমহান্স, জে.এন.য়ু. আই.সি.জি.বি, এভি.পি., তি.দি.য়ু.  য়াওরি।

জি.আই.আই. এস.কী অহানবা পন্দুপতা অমুল, দাবর, কামা আয়ুরবেদ, আয়ুর ভি.এ.আই.দি., নেচরেল রেমেদিশিং, অম্ব্রো ফার্মা অমসুং পতাঞ্জলি য়াওনা এফ.এম.সি.জি. কমপনী ৩০ হেন্নদগী পুক্নিং থৌগৎনিংঙাই ওইবা মওংদা শরুক য়ারকখি। মসিনা থবক লাখ ৫.৫ ময়া নক্না পীরগনি, মসিনা লাখ ৭৬দগীসু হেনবা মীশিংগী পুনশিদা কান্নবা পীরগনি।

আয়ুশ মন্ত্রালয়গী নেস্নেল মেদিসিনেল প্লান্ত বোর্দ (এন.এম.পি.বি.)না ফেসিলিতেত তৌদুনা লৌমীশিংগী কাংলুপ অমসুং ইন্দস্ত্রীগী মরক্তা এম.ও.য়ু. ৫০ হেন্না পীথোক-পীশিন তৌনখি। মসিদা লৌমী ৬৩০০ হেন্না য়াওগনি অমসুং মসিগী এগ্রীমেন্ত অসিগী খুত্থাংদা মখোয়গী পোত্থোকশিং অদু চাউরাক্না মেত্রিক তন লিশিং ৪.৫ ওইরগনি।

খুৎয়েক পীনখীবা ইন্তর্নেস্নেল এম.ও.য়ু.শিংগী মরক্তা অমদি “দ এস্তাব্লিশমেন্ত ওফ এন একাদেমিয়া কোলাবোরেশন ইন আয়ুরবেদ”গী লমসিদা আয়ুশ মন্ত্রালয়গী রাস্ত্রিয়া আয়ুরবেদ বিদ্যাপীথ (আর.এ.ভি.) অমসুং অর্জেন্তিনাগী ফুন্দাস্যোন দে সালুদ আয়ুরবেদ প্রেমা (আয়ুরবেদ প্রেমা হেল্থ ফাউন্দদেশন)গী মরক্তা ওইখি। মসিনা এক্রেদিতেশনগীদমক্তা অমসুং তোঙান-তোঙানবা আয়ুরবেদ কোর্সতা করিক্যুলম দেবেলপমেন্ততা লেপ্তনা ফগৎহন্নবগীদমক্তা শিজিন্নবা ওদিত সার্তিফিকেশন বোদীশিং শেম্বদা মতেং পাংগনি।

আয়ুরবেদতা একাদদেমিক কোলাবোরেশন থম্নবগী মতাংদা ওল ইন্দিয়া ইন্সতিত্যুত ওফ আয়ুরবেদ (এ.আই.আই.এ.), ফেদরেল য়ুনিভর্সিতি ওফ রিও দে জানীরো (য়ু.এফ.আর.জে.), ব্রাজিল অমসুং ব্রাজিলিয়ন একাদেমিক কন্সোর্তিয়ম ফোর ইন্তিগ্রেতিব হেল্থ (সি.এ.বি.এস.আই.এন.), ব্রাজিলগী মরক্তা অতোপ্পা ত্রিপার্তিতাইত এম.ও.য়ু. অমা খুৎয়েক পীনখ্রে। মসিনা রিসর্চকী মতাংদা কোলাবোরেশনপ্রোমোত তৌরগনি, বরাজিলা আয়ুরবেদ শিজিন্নবগী মতাংদা খুদোংথিবা নংদনবা তাকপীবা।

মেদিকেল দোক্তরশিং অমসুং েলাইদ হেল্থ প্রোফেস্নেলশিং অসিনচিংবগী ত্রেনিংগীদমক্তা ফেলোশিপ অমসুং গ্রেজুৱেত স্তুদেন্ত ত্রেনিং অমসুং ম্যুচুৱল কোলাবোরেশনশিং এক্সপ্লোর তৌনবা আয়ুশ মন্ত্রালয়গী ওল ইন্দিয়া ইন্সতিত্যুত ওফ আয়ুরবেদ অমসুং কেনাদাগী তোরোন্তো (য়ু.ঐচ.এন.)গী য়ুনিভর্সিতী হেল্থ নেতৱার্ককী মরক্তা এম.ও.য়ু. অমা খুৎয়েক পীনখ্রে।

মরিশুবা এম.ও.য়ু. অসি মেক্সিকোগী য়ুনিভর্সিদাদ ওতোনোমা দে নুএবো লিওন (য়ু.এ.এন.এল.)দা আয়ুরবেদ চেয়র লিংখৎনবগীদমক্তা আয়ুশ মন্ত্রালয়গা খুৎয়েক পীনখি। মসিগী এগ্রীমেন্ত অসিগী খুত্থাংদা, য়ুনিভর্সিতী অসিদা আয়ুরবেগী দোক্তর অমা থারগনি। ব্রাজিলদা আয়ুরবেদকা মরী লৈনবা ই-পাউগী ক্রেদিবল সোর্স অমা ওইনা মথৌ তৌনবা আয়ুরবেদ অমসুং অতোপ্পা ত্রেদিস্নেল সীস্তেম ওফ মেদিসিনগী লমসিদা খুৎশম্ননা থবক তৌনবা ফিলিপিন্সকী ফিলিপিন ইন্সতিত্যুত ওফ ত্রেদিস্নেল এন্দ অল্তর্নেতিব হেল্থ কিয়র (পি.আই.তি.এ.ঐচ.সি.) অমসুং আয়ুশ মন্ত্রালয়গী মখাদা লৈবা ওতোনোমস বোদী এন.আই.এ., জয়পুরগী মরক্তা এগ্রীমেন্ত অমা ইনখ্রে।

ইন্তর্নেস্নেল এক্সচেঞ্জ নত্তনা, ভারত শিনবা থুংনা কেন্তনমেন্ত ৩৫দা আয়ুশ ফেসিলিতীশিং হৌনবা আয়ুশ মন্ত্রালয় অমসুং দিফেন্স মন্ত্রালয়গী মরক্তা এম.ও.য়ু. অমা খুৎয়েক পীনখ্রে। থৌরম অসিদা মন্ত্রালয় অসিনা আয়ুশতা জোইন্ত পি.ঐচ.দি. প্রোগ্রামশিং অমসুং মেকানিস্তিক স্তদীশিংগীদমক্তা সি.এস.আই.আর.গা ক্রোস কোলাবোরেশন প্রোমোত তৌনবা সাইন্স অমসুং তেক্নোলোজী মন্ত্রালয়গা লোইননা খুৎশম্নবসু য়ানখি।

থৌরম অদু আয়ুশ সেক্তর অসিবু অপুনব আওইনা ওইথোকপা য়াবা খুদোচাবশিং অমসুং পোতেন্সিয়েল অদুবু এক্সপ্লোর তৌবদা মীশিংগী পুক্নিং চিংশিন্নবা শিনখিবনি অমসুং মসিনা নেস্নেল অমসুং ইন্তর্নেস্নেল সেক্তর অনিমক্তা চাউখৎনবগী লম্বি শেম্বদা কদাই ফাওবা ইমপেক্ত পীবগে হায়বদু উৎখ্রে।

******