প্রধান মন্ত্রী এমপ্লোইমেন্ত জেনেরেসন প্রোগ্রাম (পি.এম.ই.জি.পি.) চৎনবদা খাদি অমদি ভিলেজ ইন্দস্ত্রীস কম্মিসন (কে.ভি.আই.সি.) গী ইতিহাসিক ওইবা মহৈ ফংলিবা চহি অমা মপুং ফারক্লে৷  মমাংগী মতমদা অমুক্তা থোকখিদ্রিবা মওংদা অনৌবা মেনুফেকচরিং অমদি সর্ভিস য়ুনিত লাখ ১.০৩ শেমগৎলক্তুনা অমদি থবক লাখ ৮.২৫ হেন্না ফংহন্দুনা, কোবিদ-১৯ লাইনা-লাইচৎকী অনিশুবা ৱেবকী মতমদা চহি অসিগী অহানবা থা ৩দা লৈবাক অসিদা লোক দাউন খরা খরা চৎথখ্রবা ফাওবা পি.এম.ই.জি.পি.না ২০২১-২২ চহি অসিদা সেল্ফ-সস্তেনেবিলিতীগীদমক সরকারগী লৈরিবা খ্বাইদগী শক্তি লৈরবা তুল অমা ওইখ্রে৷

কে.ভি.আই.সি.না শেনবা চহি অমদা অনৌবা য়ুনিত লাখ অমা হেন্না শেমগৎপা ঙমখিবা অসিদা ২০০৮দা পি.এম.ই.জি.পি. লিংখৎখিবদগী য়েংবা মতমদা মসিনা অহানবা ওইরি৷ হায়রিবা য়ুনিত ১,০৩,২১৯ অসি পুন্না লুপা কোতি ১২,০০০রোমগী কেপিতেল থাদদুনা শেমগৎখিবনি, মসিগী মনুংদা কে.ভি.আই.সি.না লুপা কোতি ২৯৭৮গী মার্জিন মনী সবসিদী অমা কাইথখি অদুগা বেঙ্ক ক্রেদিৎ ফ্লোনা লুপা কোতি ৯,০০০রোম ওইখি৷ কে.ভি.আই.সি.না ২০২১-২২ চহিদা পীখিবা লুপা কোতি ২৯৭৮গী মার্জিন মনী সবসিদী অসিসু ২০০৮দগী য়েংবাম মতমদা৩ মসিনা খ্বাইদগী ৱাংই৷  লৈবাক অসিদা চাওনা অনৌবা থবক ৮,২৫,৭৫২ পীখ্রে, মসিনা হৌজিক ফাওবগী ওইনদি পি.এম.ই.জি.পি.গী মখাদা পীখিবা খ্বাইদগী ৱাংবা ওইরি৷

হৌখিবা চহি, হায়বদি ২০২০-২১গা চাংদম্নবা মতমদা, পি.এম.ই.জি.পি.গী মখাদা শেমখিবা য়ুনিত অমদি এমপ্লোইমেন্তগী মশিং অসি অনিমক্তা ৩৯% হায়গৎলকখ্রে, অদুগা এফ.ৱাই. ২০২১-২২দা মার্জিন মনী দিস্ত্রিব্যুসন (সবসিদী) অদুসু ৩৬%দা হায়গৎলকখ্রে৷

হেন্না চাওবা পর্সপেক্তিবতা, ২০১৪-১৫দগী য়েংবা মতমদা পি.এম.ই.জি.পি.গী মখাদা শেমগৎখিবা য়ুনিতশিংগী মশিং অসি ১১৪% হেনগৎলকখ্রে, থবক পীবগী চাংনা ১৩১% য়ৌনা হেনগৎলকখ্রে অমদি মার্জিন মনী দিস্ত্রিব্যুসন অসি ২০২১-২২ চহিদা ১৬৫% হেনগৎলকপা থেংনখ্রে৷

মশা মরোমদোম লেপচবা ঙম্নবা প্রধান মন্ত্রীনা লমদম অসিদা পোৎ-চৈ পুথোকপদা শাফু পীরকপা অসিনা থবক পীবগী চাং অসি চাওনা হেনগৎলকপা ঙমখিবনি হায়না কে.ভি.আই.সি.গী চিয়রমেন শ্রী বিনাই কুমার সক্সেনানা ফোংদোকখি৷“কোবিদ-১৯ লাইনা-লাইচৎ হৌরকপা মতমদা লৈবাক অসিদা পোৎ-চৈ পুথোকচবা অমদি মশানা মশাবু থবক পীজবদা অচৌবা শাফু পীজদুনা ফজবা মশক কয়া পুরকখ্রে৷ মশিং য়াম্লবা নহাশিং, নুপীশিং অমদি মাইগ্রেন্তশিংনা পি.এম.ই.জি.পি.গী মখাদা সেল্ফ-এমপ্লোইমেন্ত এক্তিবিতীশিং পাংথোক্নবা খঙহনখি৷ মখাতানা, পি.এম.ই.জি.পি.গী মখাদা প্রোজেক্তশিং চৎনবগী খোংজেল অসি য়াংখৎনবা এম.এস.এম.ই. মন্ত্রালয় অমদি কে.ভি.আই.সি.না পোলিসী দিসিজনশিং লেপ্প-লৈদতনা লৌখৎলকখিবা অসিনা ঙসি ফাওবদা খ্বাইদগী ফবা পর্ফোমেন্স ফংবা ঙমখিবনি,” হায়না সক্সেনানা ফোংদোকখি৷

হৌখিবা চহি খরা অসিদা কে.ভি.আই.সি.না পি.এম.ই.জি.পি. অসি ইফেক্তিব ওইনা চৎনহন্নবগীদমক ইনিসিয়েতিব কয়া অমা লৌখৎখ্রে৷ ২০১৬তা, কে.ভি.আই.সি.না পি.এম.ই.জি.পি.গীদমক ওনলাইন পোর্তেল অমা হৌদোকখি৷  ২০১৬কী মমাংদা, এপ্লিকেসনশিং থাজিনবা অসি মেনুএল্লী তৌরমখি অমদি চাংচৎতা এপ্লিকেসন ৭০,০০০ খক্তমক চহি খুদিংগী ফংখি৷ অদুবু, ওনলাইনা পোর্তেল অসি লাকখিবদগী, চহি খুদিংগী চাংচৎতা এপ্লিকেসন লাখ ৪রোম ফংখি৷ ওনলাইন সিস্তেম অসিনা হেন্না ত্রান্সপরেন্সী লৈহনখ্রে৷ পি.এম.ই.জি.পি. পোর্তেল অসিনা হ্যুমেন ইন্তরবেন্সন অমতা তৌদনা এপ্লিকেন্তশিংনা মশা মশাগী এপ্লিকেসনশিং অদু ত্রেক তৌজবা য়াহল্লি৷

অতোপ্পা অচৌবা খোংথাংদা, কে.ভি.আই.সি.না মতম অমা হেক্তদা য়ুনিতশিংগী একচুএল ফিজিকেল স্তেতস অমদি মখোয়গী পর্ফোমেন্স অসি বেরিফাই তৌজনবগীদমক পি.এম.ই.জি.পি. পুম্নমক জি-তেগ্গিং তৌবা হৌখ্রে৷ হৌজিক ফাওবগী ওইনা, পি.এম.ই.জি.পি. য়ুনিত লাখ ১ হেন্না জিও-তেগ তৌখ্রে৷  মসিনা মীওই অমনা মোবাইল এপ অমা শিজিন্নদুনা পি.এম.ই.জি.পি. য়ুনিতশিং অসি তাকপা ঙমহল্লি৷

মখাতানা, কে.ভি.আই.সি.না পীখিবা ইনপ্যুতশিংদা বেজ তৌদুনা এম.এস.এম.ই. মন্ত্রালয়না  পি.এম.ই.জি.পি. প্রোজেক্তশিং অসি অয়াবা পীনবা লৈরিবা দিস্ত্রিক লেবেল তাস্ক ফোর্স কম্মিতীগী রোল অদু লৌথোকখ্রে অমদি প্রোজেক্তশিংগী এপ্রুবেল লৌননবগীদমক কে.ভি.আই.সি.গী দাইরেক্তরশিং ওথোরাইজ তৌখি অমদি মদুবু ফাইনান্সিয়েল বেঙ্কশিংনা হকথেননা থাখি৷

কে.ভি.আই.সি.না এপ্লিকেসনশিং অদু মশাগী স্তেত দাইরেক্তরশিংনা স্ক্রুতিনী তৌবদা অমদি এপ্লিকেসনশিং অদু বেঙ্কশিংদা থাবদা চংলিবা মতম অদু নুমিৎ ৯০দগী শুপনতগী নুমিৎ ২৬নিদা  হন্থহনখি৷ মখাতানা, বেঙ্কশিংগা লোইননা থা খুদিংগী কোওর্দিনেসন মীতিংশিংসু তোঙান তোঙানবা লেবেলশিংদা পাংথোকপা হৌখি, মসিনা লোনশিং অসি বেনিফিসরীশিংদা মতম চানা পীথবা ঙমহনখিবনি৷

******