ফুদ অমসুং পব্লিক দিস্ত্রিব্যুসনগী দিপার্তমেন্ত (দি.এফ.পি.দি.)না মখোয়গী ‘ৱান নেসন ৱান রাসন কার্দ’ (ও.এন.ও.আর.সি.) হায়রিবা স্কীম অসিদা মীয়াম লৈঙাক্কীদমক থোইদোক হেন্দোকপা থৌওং পাংথোকপগী, ২০২০গী প্রধান মন্ত্রীগী লেমজনিংঙাই ওইরবা মনা ফংখ্রে। ইকাই খুম্নজরিবা প্রধান মন্ত্রী শ্রী নরেন্দ্র মোদীনা ২১.০৪.২০২২দা নই দিল্লীদা পাংথোকখিবা ১৫শুবা সিভিল সর্ভিসেস নুমিত্তা মীয়াম লৈঙাক্কীদমক থোইদোক হেন্দোকপা থৌওং পাংথোকপগীদমক প্রধান মন্ত্রীগী মনা অসি পীখি। মনা অসি ইনোভেসন (জেনেরেল)-সেন্ত্রেল কেতগরীগী মখাদা খুৎশিন্নখি।

ও.এন.ও.আর.সি.গী লেন্দমার্ক ওইবা থৌরাং অসি লৈবাক পুম্বগী থুংনা অনৌবা অমনি মসিনা এন.এফ.এস.এ. বেনিফিসরীশিং মরুওইনা মাইগ্রেন্ত বেনিফিসরীশিংবু বাইওমেত্রিক/আধার কার্দ ওথেন্তিকেসনগা লোয়ননা হান্ননা লৈখিবা রাসন কার্দকী খুত্থাংদা অয়েৎপা য়াওদনা লৈবাক অসিদা অপাম্বা ফেয়র প্রাইস শোপ (এফ.পি.এস) অমদগী চেং-হৱাই মপুং ওইনা নত্ত্রগা শরুক খরা ক্লেম তৌবগী অয়াবা পীরি।

 (সেক্ত্রেতরী সুধানশু পান্দে (ওইরোমদগী অনিশুবা), জোইন্ত সেক্রেতরী এস. জগন্নাথন (ময়াই), অমসুং ফুদ অমসুং পব্লিক দিস্ত্রিব্যুসন দিপার্তমেন্তগী অতৈ ওফিসিএলগা লোইননা পি.এম. এৱার্দ ত্রোফী অমসুং স্ক্রোল – ২০২০)

দিপার্তমেন্ত অসিনা অতৈ অতোপ্পা মন্ত্রালয়শিং/দিপার্তমেন্তশিং হায়বদি নেস্নেল হেলথ ওথোরিতী (এন.ঐচ.এ.), হাউসিং অমসুং আর্বান দিবলপমেন্ত মন্ত্রালয় (এম.ও.ঐচ.য়ু.এ.), লেবর অমসুং এমপ্লোইমেন্ত মন্ত্রালয় (এম.ও.এল.ই.) অমসুং এগ্রীকলচর অমসুং ফার্মর ৱেলফিয়রগী দিপার্তমেন্ত (দি.ও.এ.এফ.দবল্যু.) অসিনচিংবশিংগা লোয়ননা লৈবাক শিনবা থুংনা নাগরীকশিংগীদমক ওইবা সরকারগী স্কীমশিং হেন্না য়ৌশিন্নবা ও.এন.ও.আর.সি. দেতাবেজ হেনগৎনবগীদক পুন্না থবক তৌমিন্নরি।   

২০১৯গী ওগস্ততা অহানবা ওইনা রাজ্য ৪দা হৌদোকখিবা ও.এন.ও.আর.সি. অসিনা ২০২০গী দিসেম্বর ফাওবদা য়াম্না তেনবা মতমদা রাজ্যশিং/য়ু.তি.শিং ৩২দা য়াম্না থুনা হৌদোকখি। মদুদগী হৌদুনা, ফেজ নাইনা মথং-মথং চংশিন্দুনা, ও.এন.ও.আর.সি. থৌরাং অসিনা লৈবাক অসিদা ২০২২গী ফেব্রুৱারী ফাওবদা রাজ্যশিং/য়ু.তি.শিং ৩৫দা অয়েৎপা য়াওদনা চাওরাক্না বেনিফিসরী করোর ৭৭ লোম য়ৌশিনবা ঙমখ্রে।   

ও.এন.ও.আর.সি.না কোবিদ-১৯ লায়চৎ মনুংদা এন.এফ.এস.এ. বেনিফিসরীশিং মরুওইনা মাইগ্রেন্তশিংদা চান-থক্নবগী সবসীদিশিং পীখি হায়রিবা অসিদা লোকদাউন্দ মনুংদা লৈবাক অসিদা ফেয়র প্রাইস শোপশিং লাখ ৫রোম কান্নবা ফংহনখি। ২০১৯গী ওগস্ততগী ও.এন.ও.আর.সি. হেক লাকপদগী, হৌজিক ফাওবা চান-থক্নবগী সবসিদীদা চাওরাক্না লুপা করোর ৩৬,০০০ মান্নবা ইন্তর-স্তেত অমসুং ইন্ত্রা-স্তেত পোর্তেবিলিতী ত্রান্সেক্সনগী খুত্থাংদা চাওরাক্না চেং-হৱাই মেত্রিক তোন লাখ ১২১লোম পীদুনা রাজ্যশিং/য়ু.তি.শিংদা পোর্তেবিলিতী ত্রান্সেক্সন করোর ৬৫ হেন্না পীখিবগী রেকোর্দ লৈরি। মরুওইবা ইন্দিকেতর অমা ওইনা, হৌজিক্কী ওইনা চাওরাক্না পোর্তেবিলিতী ত্রান্সেক্সন করোর ২.৭ (চাং-নাইবা এন.এফ.এস.এ. অমসুং পি.এম.-জি.কে.এ.ৱাই. চেং-হৱাইগী ত্রান্সেক্সন য়াওনা) অসি ও.এন.ও.আর.সি.গী মখাদা রাজ্যশিং/য়ু.তি.শিংদা রেকোর্দ তৌরি। কোবিদ-১৯গী মতম (২০২০গী এপ্রিলদগীনা হৌজিক ফাওবা)গী মনুংদা পোর্তেবিলিতী ত্রান্সেক্সন চাওরাক্না করোর ৫৮ বেনিফিসরীশিংনা তৌখি।  

ও.এন.ও.আর.সি.গী অখন্ননা শেম্বা এন্দ্রোইদ মোবাইল এপ অমসু লোল ১৩দা ফংহল্লি অমসুং লাখ ২০লক দাউন্দলোদ তৌখ্রে। মসিগী মথক্তা, দিজিৎ ৫গী ‘১৪৪৫’ তোল-ফ্রী নম্বর অমা ও.এন.ও.আর.সি.গী মখাদা রাজ্যশিং/য়ু.তি.শিংদা মাইগ্রেন্ত এন.এফ.এস.এ. বেনিফিসরীশিংদা ফংহল্লি।

***********