কেন্দ্রগী শেল-থুম অমসুং কোর্পোরেত এফিয়র্স মন্ত্রী, শ্রীমতি নির্মলা সিতারামন্না ইন্তর্নেস্নেল মনিতরী ফন্দ (আই.এম.এফ.)কী মেনেজিং দাইরেক্তর, কুমারী কৃস্তালিনা জিওরজিবাগা ঙসি ৱাশিংতন দি.সি.দা ইন্তর্নেস্নেল মনিতরী ফন্দ-ৱর্ল্দ বেঙ্ক (আই.এম.এফ.-দবল্যু.বি.) স্প্রিংস মীফমগা লোয়ননা বাইলেতরেল মীফম অমসু ফমখ্রে।

কেন্দ্রগী শেল-থুম অমসুং কোর্পোরেত এফিয়র্স মন্ত্রী, শ্রীমতি নির্মলা সিতারামন অমসুং ইন্তর্নেস্নেল মনিতরী ফন্দ (আই.এম.এফ.)কী মেনেজিং দাইরেক্তর, কুমারী কৃস্তালিনা জিওরজিবাগা ৱাশিংতন দি.সি.দা উন্নবা

মন্ত্রী অমসুং মেনেজিং দাইরেক্তর অনিমকপু ভারত সরকারগী শেল-থুম মন্ত্রালয়গী চীফ ইকোনোমিক এদভাইজর, শ্রী অনন্ত ভি. নাগেস্বরন অসুং আই.এম.এফ.কী এফ.দি.এম.দি. কুমারী গিতা গোপিনাথকুম্বা সেনিয়র ওফিসিএলশিংনা লোয়নখি।

মখোয়না মীফমগী মনুংদা ভারতকী ওইনা মরু ওইবা হীরম কয়াগা লোয়ননা মালেম অমসুং রিজনেলগী শেন্মিৎলোন্না হৌজিক মাইয়োক্নরিবা তোঙানবা শিংনবা কয়াগী মতাংদা ৱারী শাখি।

কুমারী জিওরজিবানা কোবিদ-১৯ লাইচৎনা চৈথেং কয়া পীরবা ফাওবদা মালেম শিনবা থুংবগী খ্বাইদগী খোঙজেল য়াঙনা শাহৌ লৌবা লৈবাক ওইদুনা ভারতকী নীংহন্নদবা মতৌদা মিৎয়েং চঙখি। নীংথিনা পান্দম য়াৎলবা অমসুং মথৌ নীংথিনা পাংথোকপা পোলিসী কয়া ভারতনা ইনখিবগী মতাংদসু কুমারী জিওরজিবানা পনখি। মহাক্না ভারতনা আই.এম.এফ.কী কেপাসিতী দিভেলপমেন্ত তৌবগী থৌওংশিংদা তেংবাংবগীদমক্তা থাগৎপা ফোংদোকখি।

কুমারী জিওরজিবানা ভারতকী তিকা থাবগী খোঙজং অমসুং য়ুম্লোন্নবা অমদি অৱাবা নংলবা শেন্মিৎলোনশিংদা তেংবাংববু থাগৎখি। শ্রী লঙ্কানা থেংনরিবা মখোয়গী খ্বাইদগী লুরবা শেন্মিৎলোনগী ইরাং মরক্তা ভারতনা তেংবাংবগী থৌওংবু আই.এম.এফ. এম.দি.না অখন্ননা খন্দোক্তুনা পনখি। শ্রীমতি নির্মলা সিতারামন্নসু আই.এম.এফ.না শ্রী লঙ্কাদা অথুবা মতমদা শৌগত্তুনা শেলগী মতেং পীফম থোকই হায়না ফোংদোকখি। আই.এম.এফ.না শ্রী লঙ্কাদা লেপ্তনা তেংবাংগনি অমসুং মরী থমগনি হায়না মেনেজিং দাইরেক্তরনা শেল-থুম মন্ত্রীদা থাজবা পীখি।

শ্রীমতি সিতারামন অমসুং কুমারী জিওরজিবানানা খ্বাইদগী নৌবা জিওপোলিতিকেলগী ফিভম কয়াগী মতাংদা খন্নরদুনা মসিনা মালেমগী শেন্মিৎলোন্দা পীরিবা চৈথেং অমসুং মসিনা মরম ওইরগা ইনর্জীগী মমল লেপ্তনা হেনগৎলকপগী শিংনবগী মতাংদা ৱাফম কয়াসু খন্নখি।

শ্রীমতি সিতারামন্না ভারতকী পোলিসী পায়খৎপগী মতাংদা শন্দোক্না তাক্লদুনা বেঙ্ক্রপসী কোদ অমসুং এম.এস.এম.ই. অমদি অৱাবা নংবা য়াবা অতোপ্পা সেক্তরশিংদা পান্দম থমদুনা তেংবাংবগী থৌওং য়াওনা মরু ওইবা স্ত্রকচরেল রিফোর্ম কয়াগা লোয়ননা একোমোদেতিব ফিস্কেল স্তান্স অমা পায়খৎখি হায়না ফোংদোকখি।

হায়রিবা থৌওংশিং অসিবু মনিতরী ওথোরিতীনা মপুং ফানা শৌগৎপগা লোয়ননা একোমোদেতিব স্তান্স অমগা লোয়ননা থৌওংশিং অসিদা তেংবাংখি হায়না শ্রীমতি সিতারমন্না মখা তানা ফোংদোকখি।

কোবিদ লাইচৎকী মনুংদা ভারতপু অফবা মোন্সুন অমনা তেংবাংদুনা লৌউ-শিংউগী পোত্থোক নীংথিনা পুথোক্তুনা অমুক্কা হেন্না তেংবাংখি হায়না শেল-থুম মন্ত্রীনা মখা তানা পাউদমখি। অতোপ্পা এক্সপোর্তকা লোয়ননা লৌউ-শিংউগী এক্সপোর্তসু মশক থোক্না হেনগৎলে। ভারতনা শেন্মিৎলোনগী অনৌবা থবক-থৌরম কয়াগী মাইকৈদা চঙশিল্লি অমসুং মসিনা মালেমগী সপ্লাই চেনগী শিংবা খরগী ৱারোইশিন পুরক্লগনি হায়দুনা মহাক্না মশাগী ৱারোল লোইশিনখি।

****