মাইন তৌখিবা নত্রগা কোল মাইনিংগীদমক্তা শিজিন্নবা য়াদবা লমশিং শিজিন্নবা য়ানবগীদমক্তা অমসুং কোল সেক্তরদা থবক পীনবগী পান্দমদা, প্রধান মন্ত্রী, শ্রী নরেন্দ্র মোদীনা থৌবুরেল ওইবা কেন্দ্রগী কেবিনেতনা কোল ব্যরিং এরিয়াস (এক্বিজিশন অমসুং দেবেলপমেন্ত) এক্ত, ১৯৫৭ (সি.বি.এ. এক্ত.)কী মখাদা লৌশিনখিবা লম শীজিন্ননবগীদমক্তা ওইবা পোলিসী অদু অয়াবা পীখ্রে। পোলিসী অসিনা অসিগুম্বা লমশিং অসিবু কোল অমসুং ইনর্জীগা মরী লৈনবা দেবেলপমেন্ত অমসুং ইনফ্রাস্ত্রকচর শেমগৎনবগীদমক্তা শিজিন্নবগীদমক্তা অয়াবা পীরি।

সি.বি.এ. এক্ত অসিনা কোইলা থৌকপা লমশিং লৌশিনবদা অমসুং মখোয়না সরকারগী কমপনীগী মপান তাংবদা এনকমবরেন্স অমত্তা লৈহন্দে। অয়াবা পীরবা পোলিসী অসিনা সি.বি.এ. এক্তকী মখাদা লৌশিনখিবা মখাদা পীরিবা লমশিংগী মখল অসি শিজিন্ননবগীদমক্তা ময়েক শেংবা পোলিসী ফ্রেমৱার্ক অমা পীরি:

ক. কোল মাইনিং এক্তিবিতিশিংগীদমক্তা মতিক চাদ্রবা নত্রগা শেনমিৎলোনগী মতাংদা য়েংনবদা খুদোংচারোইদবা লমশিং; নত্রগা

খ.  কোইলা লৌথোকখ্রবা/দি-কোলদ তৌখ্রবা লমশিং অমসুং অসিগুম্বা লমশিং অসি অমুক হন্না লৌশিনখিবা।

সরকারগী কোল কমপনীশিং, খুদম ওইনা কোল ইন্দিয়া লিমিতেদ (সি.আই.এল.) অমসুং মসিগী সবসিদরিশিংনা সি.বি.এ. এক্ত অসিগী মখাদা লৌশিনখিবা লমশিং অসিগী মপু ওইগনি অমসুং পোলিসী অসিনা পোলিসী অসিদা পীরিবা অকক্নবা মরমশিংগীদমক্তা লম অসি শানবগী অয়াবা পী। সরকারগ কোল কমপনীশিংনা কোল অমসুং ইনর্জীগা মরী লৈনবা ইনফ্রস্ত্রকচর দেবেলপমেন্ত এক্তিবিতিশিংগীদমক্তা জোইন্ত প্রোজেক্তশিংদা লনাইগী ওইবা কেপিতল থাজিনবা য়াগনি।

লম অদুগী মপু ওইরিবা সরকারগী কমপনীনা অসিগুম্বা লম অসিবু পোলিসী অসিগী মখাদা পীরিবা অকক্নবা মতমগীদমক্তা শান্দোক্কনি অমসুংত্রান্সপরেন্ত ওইবা, ফেয়র অমসুং কমপিতিতিব ওইবা বিদ প্রোসেসঅমসুং ওপ্তিমল ভেল্যু ফংনবা মেকানিজম অমগী খুত্থাংদা শান্দোক্কদবাশিং অদুবু খনগনি। লমশিং অদু মখাগী থবক-থৌওশিং গীদমক্তা খণ্নরগনি:

1. কোল ৱাশরীশশিং থম্নবা;
2. কনভেয়র সীস্তেমশিং থম্নবা;
3. কোল হেন্দলিং প্লান্তশিং লিংখৎনবা;
4. রেলৱে সাইদিংশিং শানবা;
5. সি.বি.এ. এক্ত নত্রগা অতোপ্পা লেন্দ এক্বিজিশন লোগী মখাদা লম লৌশিনখিবনা মরম ওইরগা প্রোজেক্তনা শোকহল্লবা ইমুংশিং অদুগী রিহেবিলিতেশন অমসুং রিসেতলমেন্ত;
6. থর্মল অমসুং নিন্যুৱল পাৱর প্রোজেক্তশিং;
7. কমপেন্সেতরী এফোরেস্তেশন য়াওনা কোল দেবেলপমেন্তকা মরী লৈনবা ইনফ্রস্ত্রকচরগীদমক্তা থম্নবা নত্রগা পীনবা;
8. রাইত ওফ ৱে পীনবা;
9. কোল গ্যাসিফিকেশন অমসুং কেমিকেল প্লান্তশিংদা কোল পীবা; অমসুং
10. ইনর্জীগা মরী লৈনবা ইনফ্রাস্ত্রকচরগীদমক্তা থম্নবা অমসুং পীনবা।

মাইন তৌথোকখ্রবা নত্রগা তশেংনা কোল মাইনিংগীদমক্তা মতিক চাদ্রবা লমশিংদা মতম অয়াম্বদা অয়াবা য়াওদনা লম খোপচিনখিবা অমসুং সেক্যুরিতী অমসুং মেন্তিনেন্সতা হিকতোকপা য়াররোইদবা চাদিংশিং তিংই। মসিগী অয়াবা পীখ্রবা পোলিসী অসিগী মখাদা,  সরকারগী কমপনীশিংদগী ওনরশীপ ত্রান্সফর তৌদনা কোল অমসুং ইনর্জীগা  মরী লৈনবা ইনফ্রাস্ত্রকচর কয়া অমা শেমগৎপনা দাইরেক্ত অমসুংইনদাইরেক্ত এমপ্লোইমেন্ত কয়া অমা জেনরেত তৌহল্লগনি।

অতোপ্পা মরমগীদমক্তা মাইন তৌবা য়াদবা লমশিং অনলোকিং তৌবনা সি.আই.এল.বু ওপরেশনদা শেল চংবা হন্থহনগনি, মরমদি মসিনা কোলগা মর লৈনবা ইনফ্রস্ত্রকচর অমসুং অতোপ্পা প্রোজেক্তশিং খুদম ওইনা প্রাইভেত সেক্তরগা খুৎশম্নদুনা তোঙান-তোঙানবা বিজনেস মোদেলশিং শিজিন্নদুনা মশাগী লমশিংদা সোলর প্লান্তগুম্বা লিংখৎপা ঙমগনি। কোলশিং অদু অথাপ্পা মফমশিংদা পুগদবা নত্তবনিনা মসিনা কোল গ্যাসিফিকেশন প্রোজেক্তশিংদা খুদোংচাহনগনি।

রিহেবিলিতেশনগা মরী লৈনবা থবক-থৌরমশিংগীদমক্তা লম শিজিন্নবগী প্রোপোজল অদুনা লম নিংথিজনা শিজিন্নহনগনি অমসুং মরু ওইবা লমগী রিসোর্সশিং মাংহনবা থিংগনি, প্রোজেক্তনা শোকহল্লবা ইমুং-মনুংশিংগী রিহেবিলিতেশনগীদমক্তা অনৌবা লম অমুক লৌশিহল্লরোই, প্রোজেক্ত অদুদা শেলগী ওইবা অহেনবা পোৎলুম লৈহল্লরোই অমসুং শেন্দোং হেনগৎহল্লগনি। মসিনা দিসপ্লেস তৌরবা ইমুংশিংগী দিমেন্দ অদুবু মপুং ফাহল্লগনি মরমদি মখোয়না মখোয়গী হান্নগী অশেংবা লৈফম অদুগী মনাক্তা য়ারিবমখৈ নক্না লৈবা পাম্মি। মসিনা কোল প্রোজেক্তশিংগীদমক্তা লোকেল সপোর্ত ফংবদা মতেং পাংগনি অমসুং কোল মাইনিংগীদমক্তা শিজিন্নখিবা ফোরেস্তকী লমশিং অদুগী মহুৎ ওইনা এফোরেস্তেশনগীদমক্তা রাজ্য সরকারদা লমসু পীরি।

পোলিসী অসিনা দোমেস্তিক মেন্যুফেকচরিং থৌগত্তুনা, ইমপোর্তকী মপাল তাংবা হন্থহনবা, জোব ক্রিয়েশন অসিনচিংবা কয়া অসিনা আত্মানির্ভর ভারতকী পান্দম অদুবু মপুং ফাহনবদা মতেং পাংগদৌরিবনি। পোলিসী অসিনা লৈবাক অসিগী শোত্থদুনা লৈহৌরবা মফমশিংদা ইনভেস্তমেন্ত তৌবা থৌগৎকদবা কোল অমসুং ইনর্জী ইনফ্রাস্ত্রকচর কয়া অমগী দেবেলপমেন্তকী ওইবা থবক-থৌওংশিংগীদমক্তা লম অনলোক তৌরগনি। হান্নদগী লৌশিল্লবা লমশীং শিজিন্নবনা অনৌবা লম লৌশিনবা অমসুং মসিগা মরী লৈননা দিসপ্লেসমেন্ত তৌবা থিংগনি অমসুং লোকল মেন্যুফেকচরিং অমসুং ইন্দস্ত্রীশিংবু প্রোমোত তৌগনি।

*****