ରାମନବମୀ ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୧୦.୦୪.୨୦୨୨)ଗୁଜରାଟର ଜୁନାଗଡ ଅନ୍ତର୍ଗତ ଗାଥିଲା ଠାରେ ଥିବା ଉମିଆମାତା ମନ୍ଦିରର ଚତୁର୍ଦ୍ଧଶ ପ୍ରତିଷ୍ଠା ଦିବସ ସମାରୋହରେ ଦୃଶ୍ୟଶ୍ରାବ୍ୟ ଜରିଆରେ ଉଦ୍‌ବୋଧନ ଦେଇଛନ୍ତି । ଗୁଜରାଟର ମୁଖ୍ୟମନ୍ତ୍ରୀ ଶ୍ରୀ ଭୂପେନ୍ଦ୍ରଭାଇ ପଟେଲ, କେନ୍ଦ୍ରମନ୍ତ୍ରୀ ଶ୍ରୀ ପୁରୁଷୋତ୍ତମ ରୂପାଲା ଅନ୍ୟମାନଙ୍କ ମଧ୍ୟରେ ଉପସ୍ଥିତ ଥିଲେ ।

ପ୍ରଧାନମନ୍ତ୍ରୀ ସମବେତ ଜନତାଙ୍କୁ ମନ୍ଦିର ପ୍ରତିଷ୍ଠା ଦିବସ ଓ ରାମନବମୀ ଅବସରରେ ଅଭିନନ୍ଦନ ଜଣାଇଥିଲେ। ଚୈତ୍ର ନବରାତ୍ରୀର ପବିତ୍ର ଅବସରରେ ପ୍ରଧାନମନ୍ତ୍ରୀ ଶୁଭେଚ୍ଛା ଦେବା ସହ ମା ସିଦ୍ଧିଦାତ୍ରୀ ସମସ୍ତଙ୍କ ମନସ୍କାମନା ପୂରଣ କରିବେ ବୋଲି କହିଥିଲେ । ସେ ମଧ୍ୟ ଗିରନାରର ପବିତ୍ର ଭୂମିକୁ ନତମସ୍ତକ ହୋଇ ପ୍ରଣାମ ଜଣାଇଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ସେ ସବୁବେଳେ ଭାବନ୍ତି, ସମ୍ମିଳିତ ଶକ୍ତି ଓ ଦେଶ ତଥା ରାଜ୍ୟର ହିତସାଧନ କରିଥାଏ । ରାମନବମୀ ଅଯୋଧ୍ୟା ଏବଂ ସମଗ୍ର ଦେଶରେ ସମାରୋହ ପୂର୍ବକ ପାଳନ କରାଯାଉଛି। ୨୦୦୮ ମସିହାରେ ମନ୍ଦିରର ପ୍ରତିଷ୍ଠା ନେଇ ତାଙ୍କୁ ସୁଯୋଗ ମିଳିଥିବାରୁ ତଥା ମା ଉମିଆଙ୍କୁ ବହୁଦିନ ଧରି ପୂଜାର୍ଚ୍ଚନା କରିଥିବା ଯୋଗୁ ସେ ସମସ୍ତଙ୍କୁ କୃତଜ୍ଞତା ଜଣାଇଥିଲେ ।

ପ୍ରଧାନମନ୍ତ୍ରୀ ଖୁସି ପ୍ରକଟକରି କହିଥିଲେ ଯେ ଗାଥିଲାର ଉମିଆ ସୀତା ମନ୍ଦିର ଆଧ୍ୟାତ୍ମିକ ଓ ଦୈବୀ ଶକ୍ତି ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ହେବା ସହିତ ଏହା ଏକ ସାମାଜିକ ସଚେତନତା ଓ ପର୍ଯ୍ୟଟନର ସ୍ଥଳୀ ହୋଇଯାଇଛି । ମା ଉମିଆଙ୍କ କୃପାରୁ ସମାଜ ଓ ଭକ୍ତଗଣ ଅନେକ କାର୍ଯ୍ୟ ହାତକୁ ନେଇ ପାରିଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ।

ପ୍ରଧାନମନ୍ତ୍ରୀ ଦର୍ଶାଇଥିଲେ ଯେ ମା’ ଉମିୟାଙ୍କ ଭକ୍ତଭାବେ କେହି ମଧ୍ୟ ଧରିତ୍ରୀ ମାତାର କୌଣସି କ୍ଷତି କରିବ ନାହିଁ । ଆମେ ମା’କୁ ଯେପରି ଅଦରକାରୀ ଔଷଧ ଖୁଆଉ ନାହୁଁ, ଆମର ଭୂମିରେ ମଧ୍ୟ ଅନାବଶ୍ୟକ ରାସାୟନିକ ପଦାର୍ଥ ବ୍ୟବହାର କରିବା ନାହିଁ ବୋଲି ସେ କହିଥିଲେ । ଜଳ ସଂରକ୍ଷଣ ଯୋଜନାରେ ପାଣିକୁ ସଂରକ୍ଷିତ ରଖିବା ଭଳି ଜମିକୁ ମଧ୍ୟ ସେଭଳି ସୁରକ୍ଷିତ ରଖିବାକୁ ପଡିବ । କାରଣ ବୁନ୍ଦାଏ ଜଳ ଅର୍ଥ ଅଧିକ ଶସ୍ୟ ବୋଲି ସେ କହିଥିଲେ । ତାଙ୍କର ଗୁଜରାଟରେ ମୁଖ୍ୟମନ୍ତ୍ରୀତ୍ୱ କାଳରେ କିପରି ଜନ ଆନ୍ଦୋଳନ ମୁଣ୍ଡ ଟେକି ଉଠିଥିଲା, ତାହାର ସେ ସ୍ମୃତିଚାରଣ କରିଥିଲେ ।  ଜଳସଂରକ୍ଷଣ ଅଭିଯାନର ଆମେ ନିଜକୁ ଦୂରେଇ ରଖିପାରିବ ନାହିଁ ବୋଲି ସେ କହିଥିଲେ । ସେ ମଧ୍ୟ କହିଥିଲେ ଯେ ଧରିତ୍ରୀ ମାତା ରାସାୟନିକ ପଦାର୍ଥ କବଳରୁ ସୁରକ୍ଷିତ ରଖିବା ଆବଶ୍ୟକ । ସେ ପ୍ରାକୃତିକ କୃଷି ଉପରେ ଜୋର ଦେଇଥିଲେ । ସେ ଓ କେଶୁଭାଇ ଯେପରି ପାଣି ପାଇଁ କାର୍ଯ୍ୟ କରିଥିଲେ ବର୍ତ୍ତମାନର ମୁଖ୍ୟମନ୍ତ୍ରୀ ଧରିତ୍ରୀ ମାତାର ସୁରକ୍ଷା ପାଇଁ ସେଭଳି କାର୍ଯ୍ୟ କରୁଛନ୍ତି ।

ପ୍ରଧାନମନ୍ତ୍ରୀ ଖୁସି ପ୍ରକଟ କରି କହିଥିଲେ ଯେ ମା’ ଉମିଆ ଓ ଅନ୍ୟାନ୍ୟ ଦେବଦେବୀଙ୍କ କୃପାରୁ ଓ ସରକାରଙ୍କ ଉଦ୍ୟମ ଯୋଗୁଁ ଲିଙ୍ଗଗତ ଅନୁପାତରେ ଉନ୍ନତି ଘଟିଛି ଓ ବେଟି ବଚାଓ ଆନ୍ଦୋଳନ ଭଲ ଫଳ ଦେଖାଇଛି ।

ପ୍ରଧାନମନ୍ତ୍ରୀ କହିଥିଲେ ଯେ ଗୁଜରାଟରୁ ଅନେକ ଝିଅ ଅଲିମ୍ପିକ୍ସରେ ଦେଶରେ ପ୍ରତିନିଧିତ୍ୱ କରୁଛନ୍ତି । ଶିଶୁ ଓ ଝିଅମାନଙ୍କ ପୁଷ୍ଟିହୀନତା ପାଇଁ ସ୍ୱତନ୍ତ୍ର ପଦକ୍ଷେପ ନେବା ଉପରେ ସେ ଗୁରୁତ୍ୱ ଆରୋପ କରିଥିଲେ । ଆସନ୍ନ ପ୍ରସବା ମାଆମାନଙ୍କ  ପୁଷ୍ଟିହୀନତା ସମସ୍ୟା ପ୍ରତି ବିଶେଷ ଧ୍ୟାନ ଦେବା ଉପରେ ମଧ୍ୟ ସେ ଗୁରୁତ୍ୱ ଆରୋପ କରିଥିଲେ । ଅପପୁଷ୍ଟିର ଯନ୍ତ୍ରଣା ସମ୍ପୂର୍ଣ୍ଣ ଦୂରୀଭୂତ ହେବା ଉପରେ ସେ ଗୁରୁତ୍ୱ ଦେଇଥିଲେ । ମନ୍ଦିର ନ୍ୟାସ ଜରିଆରେ ସ୍ୱାସ୍ଥ୍ୟବାନ ଶିଶୁ ପ୍ରତିଯୋଗିତା ପାଇଁ ଶ୍ରୀ ମୋଦୀ କହିଥିଲେ । ଗରିବ ଛାତ୍ରଛାତ୍ରୀମାନଙ୍କ ନିମନ୍ତେ ପ୍ରଶିକ୍ଷଣ ପାଇଁ ସେ ଅନୁରୋଧ କରିବା ସହ ମନ୍ଦିରରେ ଥିବା ଉନ୍ମୁକ୍ତ ସ୍ଥାନ ଯୋଗ  ଶିବିର ଓ ଶ୍ରେଣୀ ପାଇଁ ବ୍ୟବହାର କରିବାକୁ ମଧ୍ୟ ସେ ଅନୁରୋଧ କରିଥିଲେ ।

ପ୍ରଧାନମନ୍ତ୍ରୀ ମଧ୍ୟ ଆଜାଦୀ କା ଅମ୍ରିତ  ମହୋତ୍ସବ ଏବଂ ଅମୃତ କାଳର ମହତ୍ୱ ଉପରେ ଗୁରୁତ୍ୱଆରୋପ କରିଥିଲେ । ସେ ସମବେତ ଜନତାଙ୍କୁ ସଚେତନତା ସୃଷ୍ଟି ସହ ସମାଜ, ଗ୍ରାମ ଓ ଦେଶ ଗଠନର ପରିପାଟୀ ନିଜ ହୃଦୟ ମଧ୍ୟରେ ରଖିବାକୁ କହିଥିଲେ । ସେ ମଧ୍ୟ ତାଙ୍କ ଦୂରଦୃଷ୍ଟି  ଥିବା ୭୫ଟି ଅମୃତ ସରୋବର ପ୍ରତ୍ୟେକ ଜିଲ୍ଲାରେ ଖୋଳାଇବା ଉପରେ କହିଥିଲେ । ସେ କହିଥିଲେ ଯେ ଗୁଜରାଟର ଜନସାଧାରଣ ଯେତେବେଳେ ହଜାର ହଜାର ଆଡିବନ୍ଧ ତିଆରି କରିଛନ୍ତି, ଏହା ସେମାନଙ୍କ ପାଇଁ କିଛି ବଡ କଥା ନୁହଁ ଓ ଏହି ଉଦ୍ୟମର ଫଳ ବେଶ୍ ସୁଦୂର ପ୍ରସାରୀ ହେବ । ଏହି କାର୍ଯ୍ୟ ୨୦୨୩ ଅଗଷ୍ଟ ପୂର୍ବରୁ ସମ୍ପୂର୍ଣ୍ଣ ହେବା ଦରକାର ବୋଲି ସେ କହିଥିଲେ । ଏଥିପାଇଁ ସାମାଜିକ ଆନ୍ଦୋଳନ ଦରକାର । ସାମାଜିକ ସଚେତନତା ମଧ୍ୟ ଏକ ପ୍ରୋତ୍ସହନଜନିକ ବଳ ଯୋଗାଇବ ବୋଲି ସେ କହିଥିଲେ ।

ରାମନବମୀଙ୍କୁ ନେଇ ପ୍ରଧାନମନ୍ତ୍ରୀ କହିଥିଲେ ଯେ ଆମେ ଯେତେବେଳେ ପ୍ରଭୁ ଶ୍ରୀରାମଚନ୍ଦ୍ରଙ୍କ କଥା ଭାବୁ, ସେତେବେଳେ ଶବରୀ, କୈବର୍ତ ଓ ନିଶାଦରାଜଙ୍କ କଥା ମନେ ପଡିଯାଏ । ସେମାନେ ଯୁଗ ଯୁଗ ଧରି ଲୋକମାନଙ୍କ ହୃଦୟରେ ବସା ବାନ୍ଧି ସାରିଛନ୍ତି । ଏହା କାହାକୁ ବି ଅଣଦେଖା ନ କରିବା ଶିକ୍ଷା ଆମକୁ ଦେଇଥାଏ ବୋଲି ପ୍ରଧାନମନ୍ତ୍ରୀ କହିଛନ୍ତି ।

 ବୈଶ୍ୱିକ ମହାମାରୀ କାଳରେ ହୋଇଥିବା କାର୍ଯ୍ୟର ଅବତାରଣା କରି ପ୍ରଧାନମନ୍ତ୍ରୀ କହିଛନ୍ତି ଯେ ଭୂତାଣୁ ଖୁବ୍ ପ୍ରତାରଣାତ୍ମକ ଓ ଏଥିପାଇଁ ଆମକୁ ଖୁବ୍ ସତର୍କ ରହିବାକୁ ପଡିବ । ଭାରତ ଏପର୍ଯ୍ୟନ୍ତ ୧୮୫କୋଟି ମାତ୍ରା ଟିକା ପ୍ରଦାନ କରି ଏକ ବିସ୍ମୟକର କାର୍ଯ୍ୟ କରିପାରିଛି । ସେ ସାମାଜିକ ସଚେତନତାକୁ  ଏଥିପାଇଁ ଦାୟୀ କରିବା ସହ ସ୍ୱଚ୍ଛତା ଓ ଏକକ ବ୍ୟବହାରକ୍ଷମ ପ୍ଲାଷ୍ଟିକ ଭଳି ଅଭିଯାନର ମଧ୍ୟ ନଜିର ଦେଇଥିଲେ । ଆଧ୍ୟାତ୍ମିକ ଭାବନା ସହ ବିଶ୍ୱାସଭାବ ମଧ୍ୟ ସାମାଜିକ ସଚେତନତା ପ୍ରସାରରେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ ବୋଲି ସେ କହିଛନ୍ତି ।

ଉମିଆ ମା’ ମନ୍ଦିରର ଉଦ୍‌ଘାଟନ ମଧ୍ୟ ଶ୍ରୀ ମୋଦୀ ଗୁଜରାଟ ମୁଖ୍ୟମନ୍ତ୍ରୀ ଥିବାବେଳେ ୨୦୦୮ ମସିହାରେ ହୋଇଥିଲା । ମୁଖ୍ୟମନ୍ତ୍ରୀଙ୍କ ପ୍ରସ୍ତାବ କ୍ରମେ ୨୦୦୮ ମସିହାରେ ମନ୍ଦିର ନ୍ୟାସ, ମନ୍ଦିରର ଅନେକ ସାମାଜିକ ଓ ସ୍ୱାସ୍ଥ୍ୟଗତ କାର୍ଯ୍ୟକଳାପ ଯେପରିକି ମୋତିଆବିନ୍ଦୁ ଅସ୍ତ୍ରୋପଚାର,ଆର୍ଥିକ ଦୃଷ୍ଟିରୁ ଦୁର୍ବଳ ରୋଗୀମାନଙ୍କୁ ମାଗଣା ଆୟୁର୍ବେଦ ଔଷଧ ଇତ୍ୟାଦି ପ୍ରଦାନ କରୁଥିଲେ ।

ଉମିଆ ମା’ଙ୍କୁ କାଡଭା ପାଟିଦାରମାନଙ୍କ କୁଳଦେବୀ ଭାବେ ବିବେଚନା କରାଯାଏ ।

****

SM /SLP