পঞ্চায়তি রাজ মন্ত্রালয়না জন-ভাগীদারিগী ৱাখল্লোন্দা জন-উৎসব অমা ওইনা আজাদী কা অমৃত মহোৎসব (এ.কে.এ.এম.) পালন তৌনবা এপ্রিল ১১দগী এপ্রিল ১৭, ২০২২ ফাওবা আইকনিক ৱীক পাঙথোক্কদৌরি। “হোল-ওফ-সোসাইতী” অমসুং “হোল-ওফ-গভর্নমেন্ত” এপ্রোচ তুং ইন্দুনা অফবা ৱাখল্লোনগা লোয়ননা মসিগী মরু ওইবা থৌরম অসি পাঙথোক্নবা পঞ্চায়তি রাজ মন্ত্রালয়না পঞ্চায়তি রাজ ইন্সতিত্যুসনশিংগী খুত্থাংদা লোকেলাইজেসন ওফ সস্তেনেবল দিবেলপমেন্ত গোলশিং (এস.দি.জি.শিং)গী মাইকৈদা স্তেকহোল্দর পুম্নমক্কী পুনশিল্লবা ৱাখল্লোনশিং, শেম-শারিবা, তেক্নোলোজীগী ওইনা খোঙথাংশিং, খ্বাইদগী ফবা প্রেক্তিস অমসুং কত্তিস-এদজ ইনসাইৎশিং উৎথোক্নবা “পঞ্চায়তো কে নবনির্মান কা সঙ্কলপোৎসব” হায়বা থিমদা আইকনিক ৱীক্কীদমক থিমেতিক কনফরেন্সশিংগী সিরিজ অমা কনসেপচুএলাইজ তৌখ্রে।

চয়োল অমা চুপ্না পাঙথোক্কদবা থৌরমশিং অসি নিই দিল্লীগী বিজ্ঞান ভবন্দা এপ্রিল ১১, ২০২২দা নেস্নেল স্তেকহোল্দর্স কনফরেন্স ওন লোকেলাইজেসন ওফ সস্তেনেবল দিবেলপমেন্ত গোলস পাথোক্তুনা হৌদোক্কনি। থৌরম অসিদা ভারতকী উপ রাস্ত্রপরিনা অথোইবা মীথুংলেন ওইগদবা অমসুং নেস্নেল স্তেকহোল্দর কনফরেন্সতা ৱা ঙাংগদবা অসিনা মসিবু হেন্না মগুন হাপলি। উপ রাস্ত্রপতিনা লোকেলাইজেসন ওফ সস্তেনেবল দিবেলপমেন্ত গোলশিংগী লোগো, লোকেলাইজেসন ওফ সস্তেনেবল দিবেলপমেন্ত গোলশিংগী ওপরেস্নেলাইজেসনগী মতাংদা রাজ্যশিংদা জোইন্ত এদভাইজরীশিংগী কম্পেন্দিয়ম, হৌদোকপগী সেসন্দা গ্রাম পঞ্চায়ৎশিংনা শীজিন্ননবা থিমেতিক প্রসেন্তেসনশিংগী কম্পেন্দিয়ম ফোঙগনি। খুঙ্গং চাউখৎ-থৌরাং অমসুং পঞ্চায়তি রাজকী কেন্দ্র মন্ত্রী, শ্রী গীরিরাজ সিংহ, নুপী অমসুং অঙাংশিংগী চাউখৎ-থৌরাংগী কেন্দ্র মন্ত্রী শ্রী স্মৃতি জুবিন ইরানি, জল শক্তিগী কেন্দ্র মন্ত্রী শ্রী গজেন্দ্র সিংহ সেখাৱাত, পঞ্চায়তি রাজকী কেন্দ্রগী রাজ্য মন্ত্রী শ্রী কপিল মোরেশ্বর পতিল, খুঙ্গং চাউখৎ-থৌরাংগী কেন্দ্রগী রাজ্য মন্ত্রী শ্রী ফগগন সিংহ কুলাস্তংনা শরুক য়াদুনা থৌরম অসিবু মগুন হাপকনি। রাজ্যগী পঞ্চায়তি রাজ মন্ত্রীশিং, রাজ্যশিং/য়ু.তি.শিংগী পঞ্চায়তি রাজ বিভাগকী মকোক থোংবা ওফিসরশিং, এন.আই.আর.দি. এন্দ পি.আর., এস.আই.আর.দি এন্দ পি.আর.শিং অমসুং পঞ্চায়ৎশিংগী খল্লবা মীহুৎশিং অমসুং ফঙ্কসনরীশিংসু নেস্নেল স্তেকহোল্দর্স কনফরেন্স অসিদা শরুক য়ান্নবা বর্তন তৌখি। নুমিৎ তরেৎনিগী থিমেতিক কনফরেন্সশিংগী অকুপ্পা মরোলশিং মখাদা পীরি:

আইকনিক ৱীক মনুংদা নেস্নেল কনফরেন্সশিং অসি ইন্তেক্তিব অমসুং বাইব্রেন্ত ওইবা মওংদা শিনগনি। থাক পুম্নমক্তা পঞ্চায়ৎশিংগী পরফোর্মেন্স হেনগৎহন্নবা লৈবাক শিনবা থুংবদা লৈরিবা খুঙ্গংগী মফমশিংদা গ্রাসরুৎ দেমোক্রেসী অমসুং গ্রাসরুৎ গভর্নান্সকী য়ুম্বীশিং মপাঙ্গল কনখৎহনবগী থৌদাং লৌরদুনা, পঞ্চায়তি রাজ মন্ত্রালয়না জাতিগী থাক্তা কান্নবা পীনবা অমসুং লোং-তর্ম ইমপ্লিকেসন লৈহন্নবা মওং অমদা আইকনিক ৱীক পালন তৌনবা হোৎনরি, মসিগী মরমদা কনফরেন্সশিং অসিনা পঞ্চায়তি রাজ ইন্সতিত্যুসনশিংগী খুত্থাংদা লোকেলাইজেসন ওফ সস্তেনবেল দিবেলপমেন্ত গোলশিং (এস.দি.জি.শিং)গী মাইকৈদা স্তেকহোল্দর পুম্নমক্কী মরক্তা ৱারী-ৱাতায় শানবা, লৌশিং অমসুং ৱাখল্লোনশিং শিয়র অমদি একচেঞ্জ তৌনবা কান্নরবা ফম্পাক অমা ওইরগনি অমসুং পি.আর.আই.শিংগী খোঙথাংশিংনা এস.দি.জি.শিং অসি থুংহনবগা লোয়ননা মোবিলাইজ তৌবা য়াবা সপ্পোর্ত বেজ অমসুং রিসোর্সশিং ফংবা ঙমহনগনি। আইকনিক ৱীক (এপ্রিল ১১-১৭, ২০২২) মনুংদা শিনবা নেস্নেল কনফরেন্সশিং অসিনা এস.দি.জি.শিংগী খোঙজেল হেনগৎহন্নবা মতেং পীনবা অফবা খন্ন-নৈনবা অমসুং কান্নবা আউৎপুৎশিং পীবা উবা ফংগনি, অমসুং লৈবাক অসিগী শরুক পুম্নমক্তগী তিল্লিবা পার্তিসিপেন্ত পুম্নমক্কী এক্সপরিয়েন্স হেনগৎহল্লগনি।

আইকনিক ৱীক পাঙথোকপা অসিনা সস্তেনেবল দিবেলপমেন্ত গোলশিং ফংনবা মাইকৈদা খোঙজেল য়াংশিনহন্নবা অমসুং মতম চানা ঐখোয়গী লৈবাক্না মাগী এস.দি.জি.গী থাজবা পীখিবশিং অদু থুংহনবদা মতেং পাংনবা স্তেকহোল্দর পুম্নমক্তা মখা তানা ইথিল পীগদবা খোঙজং অমা চত্থবদা মতেং পাংগনি। আইকনিক ৱীক প্রোগ্রামশিংনা সস্তেনেবল দিবেলপমেন্ত গোলশিং ফংনবা পঞ্জায়ৎশিংগী থৌদাংগী মরু ওইবা অদু উৎকনি অমসুং কম্ম্যুনিতী এৱের্নেস লৈহন্নবা অমসুং শরুক য়ান্নবা মথৌ তাবা এৱের্নেস পীগনি। নুমিৎ তরেৎনিগী ইন্তরেক্তিব কনফরেন্সশিং অসিনা ৱাখল্লোনশিং অমসুং এক্সপরিয়েন্সশিং একচেঞ্জ তৌনবগী থৌরম অমসুং ফম্পাক অমা ওইরগনি। নুমিৎ তরেৎনিগী থৌরমশিং অসি পঞ্চায়ৎশিং অমসুং অতোপ্পা মরু ওইবা স্তেকহোল্দরশিংদা চাউনা কান্নবা ফংহন্নবা মওংদা দিজাইন তৌখি।

মপাঙ্গল কনবা হোল-ওফ-সোসাইতী অমসুং হোল-ওফ-গভর্নমেন্ত এপ্রোচ অসি তুংইন্দুনা পঞ্চায়তি রাজ  ইন্সতিত্যুসনশিং, লাইন মন্ত্রালয়শিং/ বিভাগশিং, রাজ্য সরকারশিং/ য়ু.তি. এদমিনিস্ত্রেসনশিং, সিভিল সোসাইতী, কম্ম্যুনিতীশিং, আই.আই.তি./ আই.আই.এম. একাদেমিয়া, এন.জি.ও./ সি.বি.ও.শিং. ইন্তর্নেস্নেল এজেন্সীশিং অসিনচিংবা তোঙান-তোঙানবা স্তেকহোল্দরশিংনা কান্নবা মওংদা শরুক য়াবগী অহেনবা থাক অমা ফংহনবা হোৎনরি। মখাদা পীরিবশিং অসি ফংবা ঙম্নবা গ্রাম পঞ্চায়ৎশিংগী খঙদোক্লবা থিম মাপলদা মীৎয়েং থম্বগা লোয়ননা মন্ত্রালয়/ লাইন মন্ত্রালয়শিং অমসুং অতোপ্পা স্তেকহোল্দরশিংনা এস.দি.জি.শিং ফংহন্নবা তোঙান-তোঙানবা থৌরাংশিং/ থবক-থৌরমশিং/ শেম-শারিবশিং অসিগী মতাংদা প্রজেন্ত তৌগনি অমসুং খন্ন-নৈনগনি: (i) পোভর্তী লৈতবা অমসুং খুঙ্গংগী হিংনবগী পাম্বৈশিং হেনগৎহনবা (থিম ১), (ii) হেল্দী ভিলেজ (থিম ২), (iii) চাইল্দ ফ্রেন্দলী ভিলেজ (থিম ৩), (iv) ৱাতর সফিসিএন্ত ভিলেজ (থিম ৪), (v) ক্লীন অমসুং গ্রীন ভিলেজ (থিম ৫), (vi) খুঙ্গংদা সেল্ফ সফিসিএন্ত ইনফ্রাস্ত্রকচর লৈবা (থিম ৬), (vii) সোসিএল্লী সেক্যুর্দ ভিলেজ (থিম ৭), (viii) গুদ গভর্নান্স লৈবা খুঙ্গং (থিম ৮) অমসুং (ix) খুঙ্গংদা এনজেন্দর দিবেলপমেন্ত (থিম ৯.)।

তোঙান-তোঙানবা স্তেকহোল্দরশিংগী ৱাখল্লোনশিং অসি একচেঞ্জ তৌগনি অমসুং তুংলমচৎকী রোদমেপ অমসুং মথৌ তাবা এক্সনগীদমক দোক্যুমেন্ত তৌগনি। কনফরেন্সশিং অসিদা কেন্দ্রগী মন্ত্রীশিং, পঞ্চায়তি রাজকী মন্ত্রীশিং অমসুং অতোপ্পা স্তেকহোল্দরশিংনা খোঙথাং অসিগী মাইকৈদা মখোয়গী ৱাখল্লোনশিং অমসধং মন্ত্রালয়শিং/রাজ্যশিংনা শেম-শারিবা অসি শিয়র তৌগনি। এস.দি.জি.শিংগী ২০৩০গী এজেন্দা থিংহন্নবা মখোয়গী ৱাশক অদু চেৎশিনহন্নবা থৌরম অসিদা মরু ওইবা স্তেকহোল্দরশিংসু শরুক য়াগনি। থৌরম অসিগী মরু ওইবা শরুক অসি সর্ভিসশিংগী তার্গেৎ তৌরিবা দেলিবরী অমসুং মীয়াম অমসুং পঞ্চায়তি আজ ইন্সতিত্যুসনশিংনা থৱায় য়াওনা শরুক য়াবগা লোয়ননা খুঙ্গংগী মফমশিংদা নীংথিনা য়াৎথোক্লবা পান্দম থুংহনবদা মীৎয়েং থম্বগা লোয়ননা মন্ত্রালয়শিংগী হোলিস্তিক অমসুং কনভর্জেন্স এপ্রোচকী মতাংদা মনুং হঞ্জিন্না নৈনবা অসিনা ওইরি।

জাতিগী থাক্তা মথৌ তৌবগী মথক্তা, রাজ্য/য়ু.তি.শিংদা খঙহনখ্রবা এস.দি.জি.গী থিম মাপল অসিদা খন্ন-নৈনবা অমসুং ২০২২-২৩দা অহেনবা মীৎয়েং চংনবা থিমশিং অসিগী মনুংদা অমা নত্ত্রগা অহেনবা পাইখৎপা হায়বা অসিদা মীৎয়েং চংদুনা আইকনিক ৱীক (এপ্রিল ১১-১৭, ২০২২) অসিগী মনুংদা পঞ্চায়ৎকী মীফমশিং পাঙথোক্নবা গ্রাম পঞ্চায়ৎশিংদা পাউতাক পীনবা খঙহনখি। রাজ্য/য়ু.তি.শিংদা চুনবা মওং অমদা আজাদী কা অমৃত মহোৎসব পালন তৌনবা আইকনিক ৱীক (এপ্রিল ১১-১৭, ২০২২) মনুংদা রাজ্য, জিলা অমসুং গ্রাম পঞ্চায়ৎকী থাক্তা থৌরমশিং পাঙথোক্নবা খঙহনখ্রে।

বেকগ্রাউন্দ:

মার্চ ১২, ২০২১দা আজাদী কা অমৃত মহোৎসবকী ওফিসিএল ওইবা খোঙচৎ অসি মার্চ ১২, ২০২১দগী ভারতকী নীংতম্বা নুমিৎকী ৭৫শুবা কুমওনগী চয়োল ৭৫ ফাওবা চথবা হৌখিবা অসিগা লোয়ননা পঞ্চায়তি রাজ মন্ত্রালয়া পঞ্চায়তি রাজ ইন্সতিত্যুসনশিংনা থৱায় য়াওনা শরুক য়াবা ঙমহন্নবা রাজ্য/য়ু.তি.শিংগী পঞ্চায়তি রাজ বিভাগশিংগা থবক তৌমিন্নবগী খুত্থাংদা আজাদী কা অমৃত মহোৎসবকী মতাংদা খুঙ্গংগী মীয়ামশিংদা এৱের্নেস পীনবা থমোয় শেংনা হোৎনরি।

আজাদী কা অমৃত মহোৎসব পালন তৌবগী শরুক অমা ওইনা পঞ্চায়ৎকী থাক্তা পাইখৎপা থৌরমশিং/ থবক-থৌরমশিংগী মতাংদা প্রোগ্রেস উৎনবা দেদিকেতেদ দেশবোর্দ [https://IndiaAt75.nic.in/] অমা শেমখি অমসুং হায়রিবা India@75 দেশবোর্ত্তা অসিদা মরী লৈণবা মেতরিএলশিং (ফোতোশিং, ভিদিওশিং, ন্যুজ-ক্লিপিং অসিনচিংবা) অপলোদ তৌগনি। পঞ্চায়তি রাজ ইন্সতিত্যুসনশিংনা আজাদী কা অমৃত মহোৎসবকী শরুক ওইনা পাঙথোকপা তোঙান-তোঙানবা থবক-থৌরমশিং অসিদা থৱায় য়াওনা শরুক য়াবগা লোয়ননা মসিনা খুঙ্গংগী মীয়ামদা য়ৌশিনবা অমসুং আজাদী কা অমৃত মহোৎসবকী মরু ওইবা অমসুং পান্দমশিংগী মতাংদা সেন্সিতাইজ তৌবা ঙমহল্লি।

*****