ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ବିଶ୍ୱ ସ୍ୱାସ୍ଥ୍ୟଦିବସ ଅବସରରେ ପ୍ରଧାନମନ୍ତ୍ରୀଙ୍କ ଅଭିନନ୍ଦନ ଓ ସମସ୍ତଙ୍କ ଉତ୍ତମ ସ୍ୱାସ୍ଥ୍ୟ ନିମନ୍ତେ ପ୍ରାର୍ଥନା
प्रविष्टि तिथि:
07 APR 2022 9:18AM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବିଶ୍ୱ ସ୍ୱାସ୍ଥ୍ୟ ଦିବସ ଅବସରରେ ଅଭିନନ୍ଦନ ଜଣାଇବା ସହ ସମସ୍ତଙ୍କ ଉତ୍ତମ ସ୍ୱାସ୍ଥ୍ୟ କାମନା କରିଛନ୍ତି । ସ୍ୱାସ୍ଥ୍ୟ କ୍ଷେତ୍ର ସହ ସଂଶ୍ଳିଷ୍ଟ ସମସ୍ତଙ୍କୁ ସେ କୃତଜ୍ଞତା ଜ୍ଞାପନ କରିଛନ୍ତି । ଆୟୁଷ୍ମାନ ଭାରତ ଓ ପିଏମ ଜନଔଷଧୀ ଯୋଜନା ଆମ ନାଗରିକମାନଙ୍କ ନିମନ୍ତେ କମ ବ୍ୟୟ ସାପେକ୍ଷ ଓ ଗୁଣାତ୍ମକ ସ୍ୱାସ୍ଥ୍ୟସେବା ଯୋଗାଇବାରେ ଏକ ପ୍ରମୁଖ ଭୂମିକା ଗ୍ରହଣ କରିଥିବା ସେ କହିଛନ୍ତି । ସେ ଆହୁରି କହିଛନ୍ତି ଯେ ଗତ ଆଠ ବର୍ଷ ମଧ୍ୟରେ ଡାକ୍ତରୀ ଶିକ୍ଷା କ୍ଷେତ୍ରରେ ବିରାଟ ଅବସ୍ଥାନ୍ତର ଦେଖାଦେଇଛି । ଅନେକ ମେଡିକାଲ କଲେଜ ପ୍ରତିଷ୍ଠା ହୋଇଛି । ସରକାର ସ୍ଥାନୀୟ ଭାଷାରେ ଭେଷଜତତ୍ତ୍ୱ ପଢ଼ାଇବା ପାଇଁ ଚେଷ୍ଟା କରୁଛନ୍ତି ଓ ଏହା ଦ୍ୱାରା ଅନେକ ଯୁବକଯୁବତୀ ସେମାନଙ୍କ ଉଚ୍ଚାଭିଳାଷ ପୂରଣ କରିପାରିବେ ।
କେତେଟ ଟୁଇଟ ଜରିଆରେ ପ୍ରଧାନମନ୍ତ୍ରୀ କହିଛନ୍ତି ଯେ -
“ଆରୋଗ୍ୟଂ ପରମ ଭାଗ୍ୟଂ ସ୍ୱାସ୍ଥ୍ୟଂ ସର୍ବାର୍ଥସାଧନମ୍ । ।
ବିଶ୍ୱ ସ୍ୱାସ୍ଥ୍ୟ ଦିବସ ଅବସରରେ ଶୁଭେଚ୍ଛା ।
ପ୍ରତ୍ୟେକ ବ୍ୟକ୍ତି ଉତ୍ତମ ସ୍ୱାସ୍ଥ୍ୟ ଓ ନିରୋଗ ଜୀବନଯାପନ କରନ୍ତୁ । ସ୍ୱାସ୍ଥ୍ୟକ୍ଷେତ୍ର ସହ ସଂଶ୍ଳିଷ୍ଟ ପ୍ରତ୍ୟେକଙ୍କୁ ଆଜି କୃତଜ୍ଞତା ଜ୍ଞାପନ କରିବାର ଦିନ । ସେମାନଙ୍କ କଠିନ ପରିଶ୍ରମ ଯୋଗୁଁ ଆଜି ଆମର ପୃଥିବୀ ସୁରକ୍ଷିତ ରହିଛି ।”
“ଭାରତ ସରକାର ଦେଶର ସ୍ୱାସ୍ଥ୍ୟ ଭିତ୍ତିଭୂମି ଉନ୍ନତ କରିବା ନିମନ୍ତେ ଆକ୍ଳାନ୍ତ ଉଦ୍ୟମ କରୁଛନ୍ତି । ଆମର ନାଗରିକମାନଙ୍କୁ ଉନ୍ନତମାନ ଓ କମ ବ୍ୟୟ ସାପେକ୍ଷ ସ୍ୱାସ୍ଥ୍ୟସେବା ଯୋଗାଇବା ପାଇଁ ଉଦ୍ୟମ କରାଯାଉଛି । ବିଶ୍ୱର ବୃହତ୍ତମ ସ୍ୱାସ୍ଥ୍ୟଯତ୍ନ ଯୋଜନା ଆୟୁଷ୍ମାନ ଭାରତ ଆମ ଦେଶରେ ଅଛି ଓ ଏଥିପାଇଁ ପ୍ରତ୍ୟେକ ଭାରତୀୟ ଗର୍ବିତ ।”
“ପିଏମ ଜନଔଷଧୀ ଯୋଜନାର ହିତାଧିକାରୀମାନଙ୍କ ସହ ଯେତେବେଳେ ମୁଁ ଭାବର ଆଦାନପ୍ରଦାନ କରେ ତାହା ମତେ ବେଶ ଖୁସୀ ଦେଇଥାଏ । କମ ବ୍ୟୟସାପେକ୍ଷ ସ୍ୱାସ୍ଥ୍ୟ ସେବା ପାଇଁ ଆମର ଗରୀବ ଓ ମଧ୍ୟବିତ୍ତ ଶ୍ରେଣୀ ବେଶ ଉପକୃତ ହେଉଛନ୍ତି । ଏହାଛଡା ସାମଗ୍ରୀକ ସୁଧାର ନିମନ୍ତେ ଆମେ ଆମର ଆୟୁଷ ବ୍ୟବସ୍ଥାକୁ ମଧ୍ୟ ମଜଭୁତ କରୁଛୁ ।”
“ଗତ ଆଠ ବର୍ଷ ମଧ୍ୟରେ ଡାକ୍ତରୀ ଶିକ୍ଷା କ୍ଷେତ୍ରରେ ଦୃତ ପରିବର୍ତ୍ତନ ଘଟିଛି । ଅନେକ ନୂତନ ମେଡିକାଲ କଲେଜ ସ୍ଥାପିତ ହୋଇଛି । ସ୍ଥାନୀୟ ଭାଷାରେ ଡାକ୍ତରୀ ଶିକ୍ଷା ପ୍ରଦାନ ପାଇଁ ଆମର ଉଦ୍ୟମ ଯୋଗୁଁ ଏହା ଅଗଣିତ ଯୁବକ ଯୁବତୀଙ୍କ ଆକାଂକ୍ଷା ପୂରଣରେ ସହାୟକ ହେବ ।”
SM/DD
(रिलीज़ आईडी: 1814435)
आगंतुक पटल : 255
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam