પ્રધાનમંત્રીનું કાર્યાલય
પ્રધાનમંત્રીએ વિશ્વ આરોગ્ય દિવસ પર શુભેચ્છા પાઠવી અને દરેકના સારા સ્વાસ્થ્ય અને સુખાકારી માટે પ્રાર્થના કરી
प्रविष्टि तिथि:
07 APR 2022 9:18AM by PIB Ahmedabad
પ્રધાનમંત્રી શ્રી નરેન્દ્ર મોદીએ વિશ્વ આરોગ્ય દિવસ પર તેમની શુભેચ્છાઓ આપી છે અને દરેકના સારા સ્વાસ્થ્ય અને સુખાકારી માટે પ્રાર્થના કરી છે. તેમણે આરોગ્ય ક્ષેત્ર સાથે સંકળાયેલા તમામ લોકોનો આભાર વ્યક્ત કર્યો હતો. તેમણે કહ્યું કે આયુષ્માન ભારત અને પીએમ જન ઔષધિ યોજનાઓ આપણા નાગરિકોને સારી ગુણવત્તા અને સસ્તું આરોગ્યસંભાળ સુનિશ્ચિત કરવા માટે મહત્વપૂર્ણ ભૂમિકા ભજવી રહી છે. તેમણે એમ પણ કહ્યું કે છેલ્લા 8 વર્ષમાં મેડિકલ એજ્યુકેશન સેક્ટરમાં ઝડપી પરિવર્તન જોવા મળ્યું છે. અનેક નવી મેડિકલ કોલેજો આવી છે. તેમણે માહિતી આપી હતી કે ભારત સરકાર સ્થાનિક ભાષાઓમાં દવાના અભ્યાસને સક્ષમ બનાવવાના પ્રયાસો કરી રહી છે જે અસંખ્ય યુવાનોની આકાંક્ષાઓને પાંખો આપશે.
ટ્વીટ્સની શ્રેણીમાં પ્રધાનમંત્રીએ ટ્વીટ કર્યું;
"आरोग्यं परमं भाग्यं स्वास्थ्यं सर्वार्थसाधनम् ॥
વિશ્વ આરોગ્ય દિવસની શુભેચ્છાઓ. દરેક વ્યક્તિ સારા સ્વાસ્થ્ય અને તંદુરસ્તી સાથે રહે એવી આશા. આજનો દિવસ આરોગ્ય ક્ષેત્ર સાથે સંકળાયેલા તમામ લોકો પ્રત્યે કૃતજ્ઞતા વ્યક્ત કરવાનો પણ દિવસ છે. તે તેમની મહેનત છે જેણે આપણી પૃથ્વીને સુરક્ષિત રાખી છે."
"ભારત સરકાર ભારતના સ્વાસ્થ્ય માળખાને વધારવા માટે અથાક મહેનત કરી રહી છે. આપણાં નાગરિકોને સારી ગુણવત્તા અને પરવડે તેવી આરોગ્ય સંભાળ સુનિશ્ચિત કરવા પર ધ્યાન કેન્દ્રીત કરવામાં આવ્યું છે. દરેક ભારતીય ગર્વ અનુભવે છે કે આપણું રાષ્ટ્ર વિશ્વની સૌથી મોટી આરોગ્ય સંભાળ યોજના, આયુષ્માન ભારતનું ઘર છે."
"જ્યારે હું પ્રધાનમંત્રી જન ઔષધિ જેવી યોજનાઓના લાભાર્થીઓ સાથે વાર્તાલાપ કરું છું ત્યારે મને ખૂબ આનંદ થાય છે. સસ્તા આરોગ્ય સંભાળ પર અમારું ધ્યાન ગરીબ અને મધ્યમ વર્ગ માટે નોંધપાત્ર બચત સુનિશ્ચિત કરે છે. તે જ સમયે અમે સમગ્ર સુખાકારીને વધુ વેગ આપવા માટે અમારા આયુષ નેટવર્કને મજબૂત બનાવી રહ્યા છીએ. "
"છેલ્લાં 8 વર્ષોમાં, તબીબી શિક્ષણ ક્ષેત્રમાં ઝડપી પરિવર્તન આવ્યું છે. ઘણી નવી મેડિકલ કોલેજો આવી છે. સ્થાનિક ભાષાઓમાં દવાનો અભ્યાસ સક્ષમ કરવાના અમારી સરકારના પ્રયાસો અસંખ્ય યુવાનોની આકાંક્ષાઓને પાંખો આપશે."
SD/GP/NP
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(रिलीज़ आईडी: 1814344)
आगंतुक पटल : 392
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Manipuri
,
Bengali
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam