প্রধান মন্ত্রী, শ্রী নরেন্দ্র মোদীনা ৱর্ল্দ হেল্থ দেদা মীয়ামদা য়াইফ পাউজেল পীখ্রে অমসুং মীওই খুদিংগী হকশেল ফনা লৈনবা থৌনিজখ্রে। হেল্থ সেক্তরগা মরী লৈনবা মীওই খুদিংবু মহাক্না থাগৎখি। অয়ূশমান ভারত অমসুং পি.এম. জন ঐশধী স্কিম্না লৈবাক মীয়ামদা মগুন লৈবা অমসুং শেল চঙদবা হেল্থকেয়র ফংহনবদা মরু ওইবা থৌদাং য়ারি হায়না মহাক্না ফোংদোকখি। হৌখিবা চহি ৮দগী, মেদিকেল এজুকেসন সেক্তরদা খোঙজেল য়াঙনা অহোংবা লাক্লি হায়না মহাক্না হায়খি। মশিং থীঙমদ্রবা নহাশিংগী অপাম্বদা হেন্না তেংবাংগদবা থৌওং অমা ওইরিবা লোকেল লোলদা মেদিকেল এজুকেসন চত্থবা য়াহন্নবা ভারত সরকারনা য়াম্না কন্না হোৎনরি হায়না মহাক্না পাউদমখি।

প্রধান মন্ত্রীনা মহাক্কী ত্বীত পরিং অমদা অসুম্না ফোংদোকখিঃ

“আরোগ্যা পরম ভাগ্য স্বস্থায় সর্ৱার্থসাধনম।।

মীয়ামদা ৱর্ল্দ হেল্থ দেগী য়াইফ পাউজেল পীজরি। মীওই খুদিংনা হকশেল ফনা লৈবা ওইসনু। ঙসি অসিদি হকশেলগী সেক্তরগা মরী লৈনবা মীওই খুদিংদা তৌবীমল খঙবা উৎপা নুমিৎনি। মখোয়না কন্না হোৎনজবনা মরম ওইরগা ঐখোয়গী গ্রহনা তেক্ত-কায়দনা লৈরিবনি”।

“ভারত সরকারনা লৈবাক্কী হকশেলগী ইনফ্রাস্ত্রকচর হেন্না ফগৎহন্নবা কন্না হোৎনরি। মীওই খুদিংদা মগুন লৈবা অমসুং শেল চঙদবা হেল্থকেয়র ফংহনবা হায়বসিদা অহেনবা মিৎয়েং চঙলি। ঐখোয়গী লৈবাক অসিদা মালেমগী খ্বাইদগী চাউবা হকশেলগী পথাপ, অয়ুশমান ভারত লৈ হায়বসিনা ভারত মচা খুদিংবু চাউথোকচহল্লি”।

 “ঐহাক্না পি.এম. জন ঔশধী স্কিমগুম্বগী বেনিফিশরী উন্নবা মতমদা য়াম্না নুংঙাইবা ফাওই। ঐখোয়না শেল চঙদবা হেল্থকেয়রদা মিৎয়েং চঙবদগী লাইরবা অমসুং মিদ্দল ক্লাস মীওইশিংগী শেল য়াম্না তুংশিনহল্লে। মসিগা লোয়ননা, মীপুম খুদিংনা হকশেল ফবা হায়বসিবু হেন্না খুমাং চাউশিলহন্নবা ঐখোয়না ঐখোয়গী আয়ুশ নেতৱর্কপু মপাঙ্গল হেন্না কনখৎহল্লে”।

“হৌখিবা চহি ৮দগী, মেদিকেল এজুকেসন সেক্তরদা খোঙজেল য়াঙনা অহোংবা লাক্লি। মেদিকেল কোলেজ অনৌবা কয়া অমসু লৈরে। মশিং থীঙমদ্রবা নহাশিংগী অপাম্বদা হেন্না তেংবাংগদবা থৌওং অমা ওইরিবা লোকেল লোলদা মেদিকেল এজুকেসন চত্থবা য়াহন্নবা ভারত সরকারনা য়াম্না কন্না হোৎনরি”।

आरोग्यं परमं भाग्यं स्वास्थ्यं सर्वार्थसाधनम्॥

Greetings on World Health Day. May everyone be blessed with good health and wellness. Today is also a day to express gratitude to all those associated with the health sector. It is their hardwork that has kept our planet protected.

— Narendra Modi (@narendramodi) April 7, 2022

***