প্রধানমন্ত্রীগী লোইশঙ
থবক্তগী পোত্থারগদবা রাজ্য সভাগী মেম্বরশিংদা প্রধান মন্ত্রীনা ফেয়রৱেল পীখ্রে
“খঙ-হৈরবা মেম্বরশিংনা থাদোক্তুনা চৎখিবদা, হাউসনা করি মাঙজবগে হায়বা খঙই”
“হাউস অসিদা লৈবাক পুম্বগী মীওইবগী পুক্নিং খঙবা, ইথিল, নুংঙাইতবা অমসুং নুংঙাইবগী মমি তাই”
Posted On:
31 MAR 2022 1:12PM by PIB Imphal
প্রধান মন্ত্রী, শ্রী নরেন্দ্র মোদীনা রাজ্য সভাগী থবক্তগী পোথারগদবা মেম্বরশিংনা তেংবাংলম্বশিংবু ঙসিগী নুমিত্তা থাগৎপা ফোংদোকখ্রে অমসুং মখোয়গী তুংগী পুন্সিদা য়াইফবা ওইয়ু হায়না য়াইফ পাউজেল পীখ্রে। প্রধান মন্ত্রীনা থবক্তগী পোথাখ্রিবা মেম্বরশিংগী এক্সপেরিএন্সকী মগুনগী মতাংদা হায়রদুনা মখোয়না চৎখিবা মতমদা, লৈহৌরিবা মেম্বরশিংনা চৎখ্রিবা মেম্বরশিংগী থবক মখা চত্থহনগদা ওইবনা থৌদাং য়াম্না হেনগৎলগনি হায়না ফোংদোকখি।
প্রধান মন্ত্রীনা হাউস অসিদা লৈবাক পুম্বগী মীওইবগী পুক্নিং খঙবা, ইথিল, নুংঙাইতবা অমসুং নুংঙাইবগী মমি তাই হায়না ফোংদোকখি। ঐখোয়না মেম্বর অমা ওইনা হাউস অসিদা মতেং য়াম্না পাংলি হায়বসি অচুম্বা অইরবসু, ভারতকী তোঙানবা মগুন চেনবা খুন্নাইগী চৎনবী অমসুং পথাপ কয়াগী ৱারোল কয়া খঙনবা নুমিৎ খুদিংগী খুদোংচাবা হাউস্না পীবনা হাউস অসিনা ঐখোয়দসু য়াম্না তেংবাংই হায়না শ্রী মোদীনা হায়খি।
মেম্বর খরনা হাউসতগী পোত্থারগনি, অদুবু মখোয়না মখোয়গী এক্সপেরিএন্সশিংবু লৈবাক্কী কাচিন-কোয়া খুদিংদা পুগনি হায়না প্রধান মন্ত্রীনা ফোংদোকখি।
মেম্বরশিংনা মখোয়না থেংনরকখিবশিংবু তুংগী চারোন শুরোন্না পাজদুনা কান্নবা ফংজনবগীদমক্তা ইথোক্কদবনি হায়না প্রধান মন্ত্রীনা ৱাহৌদোক থমখি। মেম্বরশিংনা লৈবাক্কী মওং-মতৌ অমসুং মাইকৈ শেম্মি, মখোয়গী ৱারোলশিং অসি ইন্সতিত্যুসনগী মওংদা শেম-শাদুনা লৈবাক্কী চাউখৎ-থৌরাংগীদমক্তা শিজিন্নবা য়াগনি হায়না মহাক্না মখা তাখি।
পোত্থারগদবা মেম্বরশিংনা মীয়াম্বু নীংতম্বগী অমৃত মহোৎসবকী হরাওবা ফোংদোক্লিবা অসিদা মীয়ামদা ইথিল পীবীয়ু হায়না প্রধান মন্ত্রীনা হায়জখি।
*********
(Release ID: 1811879)
Visitor Counter : 143
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam