وزیراعظم کا دفتر
وزیراعظم نریندرمودی ا وربرطانیہ کے وزیراعظم عزت مآب جناب بورس جانسن کے درمیان فون پربات چیت
Posted On:
22 MAR 2022 9:56PM by PIB Delhi
وزیراعظم جناب نریندرمودی نے آج برطانیہ کے وزیراعظم عزت مآب جناب بورس جانسن کے ساتھ فون پربات چیت کی ۔
دونوں رہنماؤں نے یوکرین کے بحران پرتفصیل سے تبادلہ خیال کیا۔ وزیراعظم جناب نریندرمودی نے مخاصمت ختم کرنے اورمذاکرات اورسفارت کاری کے راستے پرواپس آنے سے متعلق بھارت کی مسلسل اپیل کا اعادہ کیا۔ انھوں نے عصری منظرنامہ کی بنیاد کے طورپر بین الاقوامی قوانین اورتمام ملکوں کی علاقائی سالمیت اور اقتداراعلیٰ کے احترام میں بھارت کے اعتماد پرزوردیا۔
دونوں قائدین نے دوطرفہ اورباہمی مفاد کے امورپربھی تبادلہ ٔ خیال کیااورتجارت ، ٹیکنولوجی ، سرمایہ کاری ، دفاع اورسکیورٹی اورعوام سے عوام کے درمیان روابط سمیت تمام مختلف شعبوں میں تعاون میں مزید اضافے کے امکانات پررضامندی کا اظہار کیا۔ وزیراعظم مودی نے دوطرفہ آزادانہ تجارتی سمجھوتے سے متعلق جاری مذاکرات میں مثبت پیش قدمی پراپنے اطمینان کا اظہارکیا۔ انھوں نے گذشتہ برس دونوں لیڈروں کے درمیان ورچوئل سربراہ کانفرنس کے دوران منظورکئے گئے ‘‘انڈیا –یوکے روڈمیپ 2030’’ پرعمل درآمد میں کی گئی پیش رفت کی بھی ستائش کی۔
وزیراعظم نے باہمی رضامندی کے ساتھ وزیراعظم جانسن کے جلد ہی بھارت کا دورہ کرنے سے متعلق اپنی خواہش کا بھی اظہارکیا۔
*****
ش ح ۔ ع م۔ ع آ
U-3034
(Release ID: 1808515)
Visitor Counter : 116
Read this release in:
Malayalam
,
English
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada