প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং য়ুনাইতেদ কিংদমগী প্রধান মন্ত্রী দি রাইৎ ওনরেবল বোরিস জোন্সন এম.পি.গা লোয়ননা ফোন্দা ৱারী শাবা
प्रविष्टि तिथि:
22 MAR 2022 9:56PM by PIB Imphal
প্রধান মন্ত্রী শ্রী নরেন্দ্র মোদীনা ঙসি য়ুনাইতেদ কিংদমগী প্রধান মন্ত্রী দি রাইৎ ওনরেবল বোরিস জোন্সন এম.পি.গা লোয়ননা ফোন্দা ৱারী শাখ্রে
লুচিংবা অনিনা য়ুক্রেন্দা ওইরিবা ফীভম অসিগী মতাংদা কুপ্না খন্নখি। প্রধান মন্ত্রী মোদীনা ভারতনা লেপ্পা লৈতনা লান অসি লেপ্নবা অমসুং দাইলোগ অমসুং দিপ্লোমেসীগী লম্বেলদা অমুক হন্না হল্লক্নবা আপীল তৌরি হায়না নৌহৌনা ফোঙদোকখি। ভারতনা ইন্তর্নেস্নেল লো অমসুং তেরিতোরিএল ইন্তিগ্রিতী অমসুং লৈবাক পুম্নমক্কী সোভরেন্তী অসিনা কনতেম্পোররী ৱর্ল্দ ওর্দর অসিগী য়ুম্ফম ওই হায়না থাজবা অদুগী মতাংদা মহাক্না ফোঙদোকখি।
লুচিংবা অনিনা বাইলেতরেল ইন্তরেস্তশিংগী হীরমশিং খন্নখি অমসুং ত্রেদ, তেক্নোলোজী, ইনভেস্তমেন্তশিং, দিফেন্স অমসুং সেক্যুরিতী, অমসুং পিপল-তু-পিপল রিলেসনশিং য়াওনা তোঙান-তোঙানবা লমশিংদা মখা তানা কোওপরেসন পীনবা হেনগৎহন্নবা পোতেন্সিএল অসিগী মতাংদা য়ান্নখি। প্রধান মন্ত্রী মোদীনা বাইলেতরেল ফ্রী ত্রেদ এগ্রীমেন্তদা হৌজিক চত্থরিবা নেগোসিএসনশিং অসিনা অফবা মাইকৈদা চংশিল্লকপা অসিদা অপেনবা ফোঙদোকখি। মহাক্না মমাং চহিদা লুচিংবা অনিমক্কী মরক্তা ভর্চ্যুএল সম্মিত্তা পাইখৎখিবা ‘ইন্দিয়া-য়ু.কে. রোদমেপ ২০৩০’ ইমপ্লিমেন্ত তৌবদা খোঙজেল য়াংশিল্লিবা অসিবু থাগৎপা ফোঙদোকখি।
প্রধান মন্ত্রীনা নাকল অনিমক্কী খুদোংচাবা য়েংলগা অথুবদা পি.এম. জোন্সননা ভারত্তা লাকপদা তরাম্না ওক্নীংবগী মহাক্কী অপাম্বা ফোঙদোকখি।
***
(रिलीज़ आईडी: 1808459)
आगंतुक पटल : 189
इस विज्ञप्ति को इन भाषाओं में पढ़ें:
Malayalam
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada