রোদ ত্রান্সপোর্ত অমসুং হাইৱে মন্ত্রালয়
অতোপ্পা লৈবাকশিংদা রেজিস্তর তৌবা নন-ত্রান্সপোর্ত (লনাই) গারীশিং ভারতকী ঙমখৈ মনুংদা চঙলকপা অমদি থৌনবা মতমদা চত্থোক চৎশিনগী থৌওং ফোর্মেলাইজ তৌনবা দ্রাফ্ত নোতিফিকেসন থোকখ্রে
Posted On:
17 MAR 2022 11:01AM by PIB Imphal
রোদ ত্রান্সপোর্ত এন্দ হায়ৱেজ মন্ত্রালয়না ইন্তর-কন্ত্রী নন-ত্রান্সপোর্ত (পর্সনেল) ভেহিকল রুল্স, ২০২২ কৌবা দ্রাফ্ত নোতিফিকেসন অমা ১৬.০৩.২০২২দা থোকখ্রে। হায়রিবা রুল্স অসিনা অতোপ্পা লৈবাকশিংদা রেজিস্তর তৌবা নন-ত্রান্সপোর্ত (লনাই) গারীশিং ভারতকী ঙমখৈ মনুংদা চঙলকপা অমদি থৌনবা মতমদা চত্থোক চৎশিনগী থৌওং ফোর্মেলাইজ তৌনবা ৱাফম থম্লি।
ইন্তর-কন্ত্রী নন-ত্রান্সপোর্ত ভেহিকল রুল্সকী মখাদা শীজিন্নরিবা গারীশিংনা লৈবাকসিদা লৈরিঙৈ মনুংদা মখাদা পীরিবা চে-চাংশিং অসি লোয়নদুনা চৎকদবনি:-
(১) চৎনরিবা রেজিস্ত্রিসন সর্তিফিকেৎ অমা
(২) চৎনরিবা দ্রাইভিং লাইসেন্স নৎত্রগা ইন্তরনেসনেল দ্রাইভিং পর্মিৎ অমা, মথৌ তাবা অমা হেক্তা
(৩) চৎনরিবা ইন্সুরেন্স পোলিসী অমা
(৪) চৎনরিবা পোলুসন অন্দর কন্ত্রোল সর্তিফিকেৎ অমা (হৌরকফম লৈবাক্তুদা চৎনরবদি)
করিগুম্বা মথক্তা পল্লিবা চে-চাংশিং অসি ইংলিস নত্তবা লোল অমদা ওইরবদি, পীরিবা ওথোরিতীদুনা অচুম্বনি হায়না তাক্লবা ইংলিস ত্রান্সলেসন অমা অশেংবা চে-চাংদুগা লোয়নগদবনি।
ভারত নত্তবা অতোপ্পা লৈবাক অমা হেক্তদা রেজিস্তর তৌবা মোতোর ভেহিকলশিং ভারতকী ঙমখৈ মনুংদা পেসেঞ্জর অমসুং পোৎ-চৈ পুথোক পুশিন তৌবা য়ারোই।
ভারত নত্তবা অতোপ্পা লৈবাক অমা হেক্তদা রেজিস্তর তৌবা মোতোর ভেহিকলশিং ভারতকী মোতোর ভেহিকল্স এক্ত, ১৯৮৮গী সেক্সন ১১৮ মখাদা পীরিবা চৎন-কাঙলোন অমসুং চৎন-পথাপশিং ঙাক্না চৎপা মথৌ তাই।
গেজেত নোতিফিকেসন য়েংনবগীদমক মফমসিদা নম্বিয়ু
***
(Release ID: 1806906)