وزیر اعظم جناب نریندر مودی 12-11 مارچ، 2022 کو گجرات کا دورہ کریں گے۔ 11 مارچ کو شام 4 بجے کے قریب وزیر اعظم گجرات پنچایت مہاسمیلن میں شرکت کریں گے اور اجتماع سے خطاب کریں گے۔ وزیر اعظم 12 مارچ کو صبح 11 بجے راشٹریہ رکھشا یونیورسٹی (آرآریو) کی عمارت کو قوم کے نام وقف کریں گے۔ وہ مہمان خصوصی کی حیثیت سے آر آر یو کے پہلے کنووکیشن سے خطاب بھی کریں گے۔ شام تقریباً 6:30 بجے، وزیر اعظم 11ویں کھیل مہاکمبھ کے آغاز کا اعلان کریں گے اور اس موقع پر خطاب کریں گے۔

گجرات میں تین درجاتی  پنچایتی راج ڈھانچہ ہے، جس میں 33 ضلع پنچایتیں، 248 تعلقہ پنچایتیں اور 14,500 گرام پنچایتیں ہیں۔ ’’گجرات پنچایت مہا سمیلن: آپنو گام، آپنو گورو‘‘ ریاست میں تینوں  پنچایتی راج اداروں  کے ایک  لاکھ سے زیادہ نمائندے  کی شرکت کریں گے۔

راشٹریہ رکھشا یونیورسٹی (آرآریو) پولیسنگ، فوجداری انصاف اور اصلاحی انتظامیہ کے مختلف شعبوں میں اعلیٰ معیار کی تربیت یافتہ افرادی قوت کی ضرورت کو پورا کرنے کے لیے قائم کی گئی تھی۔ حکومت نے رکشا شکتی یونیورسٹی کو اپ گریڈ کر کے راشٹریہ رکھشا یونیورسٹی کے نام سے ایک قومی پولیس یونیورسٹی قائم کی جسے 2010 میں حکومت گجرات نے قائم کیا تھا۔ یونیورسٹی، جو کہ قومی اہمیت کا حامل  ایک ادارہ ہے، نے یکم اکتوبر 2020 سے اپنا کام شروع کیا۔ یونیورسٹی صنعت سے علم اور وسائل کا فائدہ اٹھا کر نجی شعبے کے ساتھ ہم آہنگی پیدا کرے گی  اور پولیس اور سیکورٹی سے متعلق مختلف شعبوں میں سنٹرز آف ایکسیلنس بھی قائم کرے گی۔

آرآر یوپولیسنگ اور داخلی سلامتی کے مختلف شعبوں میں ڈپلومہ سے لے کر ڈاکٹریٹ کی سطح تک تعلیمی پروگرام پیش کرتی ہے جیسے پولیس سائنس اور مینجمنٹ ، فوجداری قانون اور انصاف، سائبر سائیکولوجی ، انفارمیشن ٹیکنالوجی، مصنوعی ذہانت اور سائبر سیکیورٹی، جرائم کی تحقیقات، اسٹریٹجک لینگویجز، داخلی  دفاع اور حکمت عملی، فزیکل ایجوکیشن اور کھیل، ساحلی اور سمندری سلامتی۔ فی الحال، 18 ریاستوں کے 822 طلباء ان پروگراموں میں داخلہ لیے ہوئے  ہیں۔

گجرات میں 2010 میں اس وقت کے وزیر اعلیٰ جناب نریندر مودی کی صاحب بصیرت  قیادت میں 16 کھیلوں اور 13 لاکھ شرکاء کے ساتھ شروع ہوا کھیل مہاکمبھ آج 36 جنرل کھیلوں اور 26 پیرا کھیلوں کا احاطہ  کرتا ہے۔ 45 لاکھ سے زیادہ کھلاڑیوں نے 11ویں کھیل مہاکمبھ کے لیے رجسٹریشن کرایا ہے۔

کھیل مہاکمبھ نے گجرات میں کھیلوں کے ماحولیاتی نظام میں انقلاب برپا کر دیا ہے۔ اس میں عمر کی کوئی بندش نہیں ہے  ، اور  پوری ریاست  سے لوگ شامل ہوتے ہیں  جو ایک ماہ تک  مختلف مقابلوں میں حصہ لیتے ہیں۔ یہ روایتی کھیلوں جیسے کبڈی، کھو کھو، رسہ کشی ، یوگ آسن ، ملاکھمبھ اور جدید کھیلوں جیسے آرٹسٹک اسکیٹنگ، ٹینس اور تلواربازی  کا انوکھا سنگم ہے۔ اس نےزمینی سطح  پر کھیلوں میں نوآموزکھلاڑیوں  کی نشاندہی کرنے میں اہم کردار ادا کیا ہے۔ اس نے گجرات میں پیرا اسپورٹس بھی زور دیا ہے۔

************

ش ح ۔ ف ا  ۔  م  ص

 (U:2420)