কেন্দ্রগী হেল্থ অমসুং ফেমিলী ৱেলফেয়রগী মন্ত্রী দা. মনসুখ মন্দাবিয়ানা ঙসি নই দিল্লীদা লৈবা নেস্নেল ইন্সতিত্যুৎ ওফ হেল্থ এন্দ ফেমিলী ৱেলফেয়রদা পাংথোকপা ইন্তরনেস্নেল ৱুমেন্স দে থৌরমদা লৈবাক পুম্বদগী খ্বাইদগী ফবী নুপী কোবিদ-১৯ ভেক্সিনেতরশিং ইকায় খুম্নখ্রে।

থৌরম অসি ভারতকী কোবিদ-১৯ ভেক্সিনেসন প্রোগ্রাম মায় পাক্না ইমপ্লিমেন্ত তৌবদা চোকথবা নায়দনা হোৎনখিবশিং অদু সেলেব্রেত অমসুং রিকোগনাইজ তৌনবা শিনখিবনি। নুপী ভক্সিনেতরশিং অসিনা মসিগী অপুনবা খোংচৎ অসিদা অহোংবা পুরক্লি। চহি অসিগী ইন্তরনেস্নেল ৱুমেন্স দেগী থিমদি “জেন্দর ইক্বেলিতী তুদে ফোর এ সস্তেনেবল তুমোরো”নি।

কেন্দ্রগী হকশেল মন্ত্রীনা হেল্থ সেক্তরগী দিবলপমেন্তদা ঐখোয়গী নুপী লানমীশিংনা হোৎনরিবশিং অদু থাগৎখি। মহাক্না হায়খি, “হেল্থ সেক্তরগী দিবলপমেন্ত অসি নুপীগী থৌদাং য়াওদনা মপুং ফাদে। ঐখোয়গী অশা অমসুং এ.এন.এম. ৱার্করশিং অসি হেল্থ সেক্তর দিবলপমেন্তকী য়ুম্বীশিংনি। ঐখোয়গী অশা ৱার্করশিংনা লৈবাক অসিগী থৌদাংগীদমক চোকথবা নায়দনা থবক তৌরি। হর ঘর দস্তক কেম্পেনগী মখাদা ঐখোয়গী অশা ৱার্করশিংনা য়ুমথোং খুদিংদা য়ৌশিল্লি, তিকা থানবা প্রমোৎ তৌরি অমদি তিকা থাবগী নিংজিং মাংজিংনবা অদু কোকহল্লি। করিগুম্বা ঙসি ভারতনা কোবিদ-১৯ ভেক্সিনেসন প্রোগ্রামদা মালেমগী লুচিংবা অমা ওইরিবা অসিগী ক্রিদিৎ লৈবাক্কী মফম পুম্বদা লৈরিবা ঐখোয়গী নুপী ভেক্সিনেতরশিংদা চৎলি।”

দা. মনসুখ মন্দাবিয়ানা লৈবাক পুম্বগী নুপী ভেক্সিনেতরশিংগী কত্থোকখিবা অদুবু থাগৎখি অমদি ইকায় খুম্নবা উৎখি। মহাক্না হায়খি, “ঐখোয়গী ইকায় খুম্নরবা প্রধান মন্ত্রীনা মালেমগী খ্বাইদগী চাউবা ভেক্সিনেসন প্রোগ্রাম হৌদোকখিবা অসি ২০২১গী জনুৱারী ১৬তনি অমদি মদুগী মতুং ভারতনা তুংহন্নবা তৌখিদ্রি। ভারতনা কোবিদ লাইচৎ মায় পাক্না মেনেজ তৌরিবা অসি নুপী ভেক্সিনেতর খুদিংমক্না জাতিদা মশাগী ওইজবা থিদনা থবক তৌরিবা অদুননি। করেন্ত থর্দ সর্জকী ভারতকী মেনেজমেন্ত অসি গ্লোবেল কেস স্তদী অমনি অমসুং নুপী কোবিদ ৱারিয়রশিং অসিনা মসিগী পুৱারী ওইরবা মায় পাকপা অসিগী মরম ওইরি,” মহাক্না মখা তাখি।

মহাক্না হায়খি মদুদি নিংশিবা থোক্তবা মতমদগী নুপীবু ইকায় খুম্নবগী ত্রেদিসি অমসুং কলচর অদু ভারতকী লৈরি। “পান্দম অসিগী মায়কৈদা কলেক্তিব দিবলপমেন্ত ফংনবগীদমক ঐখোয়না মতম পুম্নমক্তা পুন্না থবক তৌরি। ঐখোয়গী ইকায় খুম্নরবা প্রধান মন্ত্রী শ্রী নরেন্দ্র মোদী জীনা ‘সবকা সাথ সবকা বিকাস’ হায়বা মতমদা, নুপীনা মসিগী দিবলপমেন্ত আইদিওলোজী অসিগী মরুওইবা য়ুম্বী ওইরি।”

কেন্দ্রগী রাজ্য মন্ত্রী দা. ভারতি প্রবিন পৱারনা লৈবাক পুম্বগী নুপী ভেক্সিনেতর পুম্নমকপু নুংঙাইবা ফোংদোকখি। মহাক্না হায়খি “মসি ইকায় খুম্নরবা প্রধান মন্ত্রীগী মিৎয়েং অমসুং লৈবাক পুম্দবা লৈরিবা নুপী ভেক্সিনেতর পুম্নমক্কী চোকথবা নায়দবা হোৎনবশিং অদুনা জন অন্দোলন ওইরে।” মহাক্না মখা তাখি মদুদি মসিগী নুপী ভেক্সিনেতরশিং অসি ভারতকী ভেক্সিনেসন প্রোগ্রামগী লুচিংবনি।

য়ুনিয়ন হেল্থ সেক্রেতরীনা ফোংদোকখি, “মসি চহি অসিগী ইন্তরনেস্নেল ৱুমেন্স দেগী ধর্মদা মায় ওন্সিনবা মীৎয়েং অমনি – ‘জেন্দর ইক্বেলিতী তুদে ফোর এ সস্তেনেবল তুমোরো’, মদুনা ঙসি ঐখোয়গী হেল্থ প্রোগ্রাম পুম্নমক পুদুনা চৎলি। ”

রাজ্য অমসুং য়ুনিয়ন তেরিতোরী ৩৬তগী নুপী ভেক্সিনেতর ৭২দা ঙসি মনা লান্থোকখি।

এৱার্দ ফংলবা পুম্নমক্কী লিঙ্ক মখাদা লৈরে: https://drive.google.com/file/d/1GSBTq0vQjkTmxwiPgAcbKUxgjU51aN45/view?usp=sharing

মীফম অসিদা দবল্যু.ঐচ.ও.দা ভারতকী মীহুৎ দা. রোদেরিকো ঐচ. ওফ্রিন, এদিস্নেল সেক্রেতরী & এম.দি. (এন.ঐচ.এম.) শ্রী বিকাস শীল, দি.জি. আই.সি.এম.আর, দা. বলরাম ভারগাভা, দাইরেক্তর দি.জি.ঐচ.এস. দা. সুনিল কুমার, তোঙান-তোঙানবা রাজ্যশিংদগী এম.দি., এন.ঐচ.এম., দাইরেক্তরশিং, আর.সি.ঐচ.কা লোয়ননা হেল্থ অমসুং ফেমিলী ৱেলফেয়র মন্ত্রালয়দগী অতোপ্পা শক্নাইরবা ওফিসিএলশিং শরুক য়াখি। 

****