সিবিল এবিয়েসন মন্ত্রালয়
অখন্নবা ফ্লাইতশিংনা য়ুক্রেনগা য়ুমলোন্নবা লৈবাকশিংদগী ভারত মচা ১০,৮০০গী ময়া ভারত্তা পুরকখ্রে
মথংগী পুং ২৪দা সিভিলিয়ান ফ্লাইত ১১ অমসুং আই.এ.এফ. ফ্লাইত ৪না নাগরিক খরা অমগা পুরক্লগনি
Posted On:
04 MAR 2022 5:37PM by PIB Imphal
ভারতকী নাগরিকশিংবু রেসক্যু তৌনবা ‘ওপরেসন গঙ্গা’গী মখাদা য়ুক্রেনগা য়ুমলোন্নবা লৈবাকশিংদগী ঙসি অখন্নবা ফ্লাইত ১৭ লৈবাক অসিদা হল্লকখ্রে, মসিদা সিভিলিয়ান ফ্লাইত ১৪ অমসুং সি.-১৭ আই.এ.এফ. ফ্লাইত ৩ য়াওরি। সিভিলিয়ান ফ্লাইত অমসু ঙসি অথেংবদা য়ৌরক্লবা য়ানা লৈরি। সিভিলিয়ান ফ্লাইতশিংনা মীওই ৩১৪২ পুরকখি অদুগা সি-১৭ ফ্লাইতশিংনা পেসেঞ্জর ৬৩০ হোন্দোরকখি। হৌজিক ফাওবদা, অখন্নবা সিভিল ফ্লাইত ৪৩না ভারত মচা ৯৩৬৪ হেন্না পুথোরকখ্রে। সি-১৭গী ফ্লাইত ৭না হৌজিক ফাওবদা পেসেঞ্জর ১৪২৮ হোন্দোরকখ্রে অমদি রিলিফ মেতরিএল তন ৯.৭ পুখ্রে। ঙসিগী সিভিল ফ্লাইতশিংদা বুচারেস্ততগী ৪, কোসিসতগী ২, বুদাপেস্তদগী ৪, জেসজোদগী ৩ অমসুং সুসিএভাদগী ২ য়াওরি, অদুগা আই.এ.এফ.না বুচারেস্ততগী ২ অমসুং বুদাপেস্ততগী ১ য়াওরি।
হয়েং, অখন্নবা সিভিলিয়ান ফ্লাইত ১১না ভারত মচা ২২০০ হেন্না পুরদুনা য়ৌরক্লবা য়ারি, মদুগী মনুংদা ১০না নই দিল্লীদা অদুগা অমনা মুম্বাইদা তারগনি। ফ্লাইত ৫না বুদাপোস্ততগী পাইরক্কনি, ২না জেসজোদগী অমসুং ৪না সুসিএভাদগী পায়রক্কনি। সি-১৭ এয়ারক্রাফ মরি রোমানিয়া, পোলেন্দ অমসুং স্লোভাকিয়াগীদমক পায়খ্রে, মখোয় অহিং অথেংবা অমসুং হয়েং অয়ুক ঙন্না য়ৌরবা য়ারি।
***
(Release ID: 1803452)
Visitor Counter : 136