భారతీయ పౌరులను రక్షించే క్రమంలో 'ఆపరేషన్ గంగా' కింద, ఉక్రెయిన్ పొరుగు దేశాల నుండి 14 పౌర విమానాలు 3 C-17 భారత వైమానిక దళ విమానాలతో సహా 17 ప్రత్యేక విమానాలు ఈ రోజు దేశానికి తిరిగి వచ్చాయి. మరో పౌర విమానం ఈ రోజు తర్వాత వచ్చే అవకాశం ఉంది. పౌర విమానాలు 3142 మందిని తీసుకురాగా, C-17 విమానాలు 630 మంది ప్రయాణికులను తరలించాయి. ఇప్పటివరకు, 43 ప్రత్యేక పౌర విమానాల ద్వారా 9364 మంది భారతీయులను తరలించారు. C-17కి చెందిన 7 విమానాలు ఇప్పటివరకు 1428 మంది ప్రయాణికులను తరలించి, 9.7 టన్నుల రిలీఫ్ మెటీరియల్‌ని తీసుకెళ్లాయి. నేటి పౌర విమానాలలో బుకారెస్ట్ నుండి 4, కోసిస్ నుండి 2, బుడాపెస్ట్ నుండి 4, ర్జెస్జో నుండి 3  సుసెవా నుండి 2 ఉన్నాయి, అయితే భారత వైమానిక దళవిభాగం బుకారెస్ట్ నుండి 2  బుడాపెస్ట్ నుండి 1 విమానాలను నడిపింది.

రేపు, 11 ప్రత్యేక పౌర విమానాలు 2200 కంటే ఎక్కువ సంఖ్యలో భారతీయులను తిరిగి తీసుకు వస్తాయని భావిస్తున్నారు, 10 విమానాలు న్యూఢిల్లీలో  ఒకటి ముంబైలో దిగుతాయి. 5 విమానాలు బుడాపెస్ట్ నుండి, 2 ర్జెస్జో నుంచి  4 సుసెవా నుంచి బయలుదేరుతాయి. నాలుగు C-17 విమానాలు రోమానియా, పోలాండ్  స్లోవేకియాల నుంచి వాయుమార్గాన ఉన్నాయి, ఇవి రాత్రి ఆలస్యంగా  రేపు తెల్లవారుజామున మన దేశానికి చేరుకోవచ్చని భావిస్తున్నారు.

***