কেমিকেল্স অমসুং ফর্তিলাইজর মন্ত্রালয়
“ওপরেসন গঙ্গা”গী শরুক ওইনা মহৈরোই অমসুং ইন্দিয়া মচা ২০০ য়ুক্রেনদগী দিল্লীদা য়ৌরকখ্রে
শ্রী ভাগৱন্ত খুবা, এম.ও.এস. (কেমিকেল & ফর্তিলাইজর মন্ত্রালয়)না মীরমদগী পুরক্লবশিংবু তরাম্না ওকখি
ভারত সরকারনা য়ুক্রেনদগী ভারত মচা পুম্নমক পুরক্নবা ৱাফম থম্লি হায়না মখোয়দা থাজবা পীখি
Posted On:
03 MAR 2022 12:07PM by PIB Imphal
ভারত সরকারগী ওপরেসন গঙ্গাগী শরুক ওইনা য়ুক্রেনদগী মহৈরোই অমসুং ভারত মচা ২০০ য়ুক্রেনদগী ভারত্তা অমুক হন্না পুরকখ্রে।
কেমিকেল & ফর্তিলাইজর মন্ত্রালয়গী রাজ্য মন্ত্রী শ্রী ভাগৱন্ত খুবানা মহৈরোইশিংনা অয়াম্বা ওইবা মীরমদগী পুরক্লবশিং অদু ইন্দিরা গান্ধি ইন্তরনেস্নেল এয়রপোর্ত্তা তরাম্না ওকখি। অখন্নবা ইন্দিগো ফ্লাইত অসি ঙসি অয়ুক দিল্লীদা তাখি।
হল্লক্লবা পুম্নমকপু তরাম্না ওক্লদুনা য়ুনিয়ন মিনিস্তরনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র সরকারনা ভারতমচা পুম্নমকপু য়ুক্রেনদগী অশোয় অঙাম য়াওদনা পুথোরক্নবা ৱাশক্লি। মহাক্না মহৈরোইশিংদা থাজবা পীখি মদুদি মখোয়গী মরুপ মপাংশিংসু অথুবা মতমগী মনুংদা পুথোরক্লগনি।
ভারত্তা য়ৌরবা অমদি ইমুং মনুংগা উনরবা মতুং মহৈরোইশিংনা কেন্দ্র সরকারগী মায়কৈদা তৌবিমল খংবা ফোংদোকখি। ফ্লাইত্তা তোংলকখিবা নহা ওইরিবা মহৈরোই অমনা হরাওবগী পিরাংগা লোয়ননা ফোংদোকখি মদুদি লান মায়োক্নরিবা লৈবাক অমদগী খুদোং থিবা য়াওদনা পুথোরকপা অসি মিরেকল নত্তে, প্রধান মন্ত্রী শ্রী নরেন্দ্র মোদীনা ওইথোকহনবনি।
ইন্দিগো ফ্লাইত অসি য়ুমশাকৈশা নুমিৎতা ইস্তানবুল ইন্তরনেস্নেল এয়ারপোর্ত্তগী নুমিদাং পুং ১০.৩৫ (আই.এস.তি.) তাবদা পাইরকখি অমদি ঙসি অয়ুক পুং ৮.৩১দা নই দিল্লী য়ৌরকখি।
এয়র ইন্দিয়া, এয়র ইন্দিয়া এক্সপ্রেস, ইন্দিগো অমসুং স্পইসজেৎনা য়ুক্রেনগী য়ুমলোন্নবা লৈবাকশিংদগী দিল্লী অমসুং মুম্বাইগীদমক ফ্লাইত কয়া ওপরেৎ তৌরিবা ওপরেসন গঙ্গা মিসনদা শরুক য়ারি।
*****
(Release ID: 1803402)
Visitor Counter : 131
Read this release in:
Marathi
,
Punjabi
,
Telugu
,
Kannada
,
Urdu
,
Hindi
,
Bengali
,
Tamil
,
English
,
Gujarati
,
Malayalam