پوسٹ کرنے کی تاریخ:
03 MAR 2022 12:07PM by PIB Delhi
حکومت ہند کے ‘‘آپریشن گنگا ’’ کے حصے کے طورپر لگ بھگ دوسو طلباء اوربھارتی شہریوں کو یوکرین سے بحفاظت نکال کربھارت واپس لایا گیاہے ۔
کیمیاوی اشیااورکھاد کے محکمے کے وزیرمملکت جناب بھگونت کھوبا نے اندراگاندھی بین الاقوامی ہوائی اڈے پران افراد کا جن میں سے زیادہ ترطلباء ہیں ، استقبال کیا۔ انڈیگو کی ایک خصوصی پرواز آج صبح دہلی پہنچی ۔
وطن واپس پہنچنے والے افراد کا استقبال کرتے ہوئے مرکزی وزیرنے کہاکہ وزیراعظم جناب نریندرمودی کی قیادت میں مرکزی حکومت ، یوکرین سے سبھی بھارتی افراد کی وطن واپسی کویقینی بنانے کے تئیں عہد بندہے ۔ انھوں نے طلباء کو یقین دلایاکہ ان کے دوستوں اورساتھیوں کو بھی جلد ہی یوکرین سے بحفاظت نکال کروطن واپس لایاجائے گا۔
بھارت واپس پہنچ کراور اپنے اہل خانہ سے ملنے کے بعد، طلباء نے مرکزی حکومت کے تیئں اظہارتشکرکیا۔ پرواز پرایک نوجوان طالب علم نے نم آنکھوں کے ساتھ کہاکہ جنگ سے متاثرہ ملک سے بحفاظت واپسی کوئی معجزہ نہیں ہے اوروزیراعظم جناب نریندرمودی نے اسے ممکن بنادیا ہے ۔
انڈیگوپرواز نے بدھ کو رات 10بج کر 35منٹ پراستنبول ہوائی اڈے سے اڑان بھری تھی اوروہ آج صبح 8بج کر 31منٹ پرنئی دہلی پہنچی ۔ ایئرانڈیا ، ایئرانڈیا ایکسپریس ، انڈیگو اوراسپائس جیٹ ‘‘ آپریشن گنگا ’’ مشن میں شاملک ہوگئی ہیں اور وہ یوکرین کے پڑوسی ملکوں سے دہلی اور ممبئی کے لئے متعدد پروازیں چلارہی ہیں ۔
*****
ش ح ۔ع م ۔ ع آ
U-2186