প্রধান মন্ত্রী, শ্রী নরেন্দ্র মোদীনা ঙসি পুনেদা পুনে মেত্রো রেল প্রোজেক্ত শঙ্গাখ্রে অমসুং তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তমখি অমসুং শঙ্গাখি। মহারাস্ত্রগী রাজ্যপাল, শ্রী ভগত সিংহ কোশ্যারি, উপ মুখ্য মন্ত্রী শ্রী অজিৎ পাৱর, কেন্দ্রগী মন্ত্রী শ্রী রামদাস অথাৱালে, মেম্বর ওফ পার্লিয়ামেন্ত শ্রী প্রকাশ জাবদেকরনা থৌরম অসিদা শরুক য়াখি।

থৌরম অসিদা ৱা ঙাংলদুনা প্রধান মন্ত্রীনা পুনেনা নীংতম ইহৌদা শরুক তমখিবা অদু নীংশিংখি অমসুং লোকমান্যা তিলক, চপেকর মচিল-মনাও, গোপাল গনেশ অগর্কার, সেনাপতি বাপৎ, গোপাল কৃষ্ণ দেশমুখ, আর.জি. ভন্দরাকর অমসুং মহাদেব গোবিন্দ রানাদে অসিগুম্বা নীংতম লান্মীশিংদা ইকাই খুম্নবা উৎখি। মহাক্না রমভো মহলগী অমসুং বাবা সাহেব পুরন্দারেদা মকোক নোন্না খুরুমখি।

অঙনবা শরুক্তা পুনে ম্যুনিসিপাক কোর্পোরেসন মনুংদা ছত্রপতি শিবাজী মহারাজকী মীতম মাইখুম হাংখিবা প্রধান মন্ত্রীনা অথৌবা লান্মী ওইরিবা নীংথৌ অসিদা ইকাই খুম্নবা উৎখি। “ঐখোয় পুম্নমক্কী থমোয়দা লৈরিবা, শিবাজী মহারাজকী মীতম অসিনা হৌগৎলক্লিবা মীরোন্দা লৈবাকনীংবগী ৱাখল্লোন পোকহল্লগনি”, হায়না মহাক্না ফোঙদোকখি।

মহাক্না অঙনবা শরুক্তা শঙ্গাখিবা পুনে মেত্রো প্রোজেক্ত অদু পল্লদুনা প্রধান মন্ত্রীনা হায়খি, “পুনে মেত্রোগী উরেপ-উয়ুং তম্নবা ঐহাকপু বর্তন তৌবীরকখিবা ঐহাক্কী য়াম্না লাইবক ফবনি অমসুং হৌজিক অদোমদা ঐঙোন্দা মসি শঙ্গানবা খুদোংচাবা পীবীরি। মসিনা থৌরাংশিং মতম চানা লোইশিল্লি হায়বগী পাউজেলসু পীরি”। শ্রী মোদীনা মখা তারদুনা হায়খি “পুনেনা এজুকেসন, রিসর্চ অমসুং দিবেলপমেন্ত, আই.তি. অমসুং ওতোমোবাইলগী লমশিংদা মশাগী মশক তাকপা লেপ্তনা হেনগৎলক্লি। অসিগুম্বা ফীভম অমদা পুনেগী মীয়ামগীদমক মোদর্ন ফেসিলিতীশিং য়াম্না মথৌ তাই অমসুং সরকারনা মসি খঙলদুনা পুনে মীয়ামগী মথৌ তাবা অসি থুংহন্নবা হোৎনরি”।

প্রধান মন্ত্রীনা ২০১৪ ফাওবদা শহর খরক্তদা মেত্রপ সর্ভিসশিং লৈরমখি অদুবু ঙসিদি শহর ২৪ হেনবদা মেত্রো সর্ভিসশিংগী কান্নবা ফংহনখ্রে নত্ত্রগা কান্নবা ফংগদৌরে হায়না ফোঙদোকখি। মহাক্না মহারাস্ত্রদা করিগুম্বা ঐখোয়না মুম্বাই, থানে, নাগপুর অমসুং পিমপ্রি চিঞ্চৱাদ পুনে অসি য়েংলবদি মসিগী এক্সপান্সন অসিগী অচৌবা শিয়র অমা উবা ফংই হায়খি। “মেত্রো অসিনা পুনেদা মোবিলিতীদা খুদোংচাহল্লগনি, পোলুসন অমসুং জেমশিংদগী কোকহল্লগনি, পুনে মীয়ামগী ইজ ওফ লিবিং হেনগৎহল্লগনি”, হায়না প্রধান মন্ত্রীনা ফোঙদোকখি। মহাক্না পুনেগী মীয়ামদা মরু ওইনা খুদোংচাবা ফংলবা মীওইশিংদা মেত্রো অমসুং অতোপ্পা পব্লিক ত্রান্সপোর্ত শীজিন্নবগী হৈনবী থম্নবা হায়খি।
প্রধান মন্ত্রীনা হায়খি খুমাং চাউশিল্লক্লিবা অর্বান পোপুলেসন অসি খুদোংচাবা অমসুং শীংনবা অনিমক ওইরি। ঐখোয়গী শহরশিংদা হেনগৎলক্লিবা মীশিং অসিগা লোয়ননা চৎপা য়ান্নবা মাস ত্রাঞ্জিৎ সিস্তেম সিবেলপ তৌবা হায়বা অসিনা মরু ওইবা পাউখুম ওইরি। মহাক্না লৈবাক অসিগী চাউখৎলক্লিবা শহরশিংদা সরকারনা গ্রীন ত্রান্সপোর্ত, ইলেক্ত্রিক বসশিং, ইলেক্ত্রিক কারশিং অমসুং ইলেক্ত্রিক তু হ্বীলর হেন্না ফংহন্নবা হোৎনরিবা সরকারগী বিজন অমা থমখি। অমসুং “শহর খুদিংমক্তা স্মার্ত মোবিলিতী লৈবদা মীয়াম্না ত্রান্সপোর্ত ফেসিলিতীশিংগীদমক সিঙ্গল কার্দ শীজিন্নৈ। ফেসিলিতী স্মার্ত ওইনবা শহর খুদিংমক্তা ইন্তিগ্রেতেদ কম্মান্দ এন্দ কন্ত্রোল সেন্তর লৈহনবা তাই। শহর খুদিংমক্তা সর্ক্যুলর ইকনোমী মপাঙ্গল কনখৎহন্নবা মোদৱেস্ত মেনেজমেন্ত সিস্তেম অমা থম্বা তাই। শহর খুদিংমক ৱাতর প্লস ওইহন্নবা মোদর্ন সিৱেজ ত্রীৎমেন্ত প্লান্তশিং মরাং কাইনা লৈহনবা তাই, ৱাতর সোর্সেসশিং কঞ্জর্ভেসন তৌনবা নীংথিনা শিল-লাংবা তাই”, হায়না প্রধান মন্ত্রীনা শন্দোক্না থমখি। মহাক্না অসিগুম্বা শহরশিং অসিদা গোবরধন অমসুং বাইওগ্যাস প্লান্তশিং থমদুনা ৱেস্ততগী ৱেল্থ লৈহন্নবা অপাম্বা অদুসু ফোঙদোকখি। শহরশিং অসিদা এল.ই.দি. বল্ব অসিগুম্বা ইনর্জী ইফিসিএন্সী ওইবা খোঙথাংশিং পাইখৎোনা হোলমার্ক ওইহনগদবনি। অমৃত মিসন অমসুং রেরা লো অসিনা অর্বান লেন্দস্কেপতা অনৌবা পাঙ্গল হাপ্পি, হায়না মহাক্না ফোঙদোকখি।

প্রধান মন্ত্রীনা শহরশিংগী পুন্সিদা তুরেলগী মরু ওইবশিং থমখি অমসুং মরু ওইবা লাইফলাইনশিং অসিগী কান্নবা অমদি মসি কন্নবগী মরমদা অনৌবা এৱের্নেস পীনবা অসিগুম্বা উরেল মনাক্তা লৈবা শহরশিংদা রিভর ফেস্তিবেলশিং তৌনবা হায়খি।

লৈবাক অসিদা ইনফ্রাস্ত্রকচরনা পুরকপা গ্রোথকী অনৌবা এপ্রোচ অসিগী মতাংদা প্রধান মন্ত্রীনা হায়খি “লৈবাক অমা হেক্তদা মোদর্ন ইনফ্রাস্ত্রকচরগী চাউখৎ-থৌরাংদা খ্বাইদগী মরু ওইবা ৱাফম অসি স্পীদ অমসুং স্কেলনি। অদুবু দিকেদ কয়া ঐখোয়না প্রোজেক্তশিং লোইশিনবদা মতম শাংনা চংবা অদুগুম্বা সিস্তেমশিংদা লৈরমখি। মসিগী অতনবা মতৌ অসিনা লৈবাক অসিগী চাউখৎ-থৌরাংদা অকাইবা ওইহল্লি”। প্রধান মন্ত্রীনা মখা তারদুনা হায়খি, “ঙসিগী য়াংনা খুমাং চাউশিল্লিবা ভারত অসিদা ঐখোয়না খোঙজেল অমসুং স্কেলদা মীৎয়েং চংবা তাই। মরম অসিনা ঐখোয়গী সরকারনা পি.এম.-গতিশক্তি নেস্নেল মাস্তর প্লান শেমখি”। গতিশক্তি প্লান অসিদা স্তেকহোল্দর পুম্নমক্না ই-পাউ মপুং ফানা ফাওনদুনা অমসুং নীংথিনা মতেং পীনদুনা ইন্তিগ্রেতেদ ওইবা মীৎয়েং অমা চংবা ঙমহনগনি হায়না মহাক্না ফোঙদোকখি।

অরোইবদা প্রধান মন্ত্রীনা “মোদর্নিতীগা লোয়ননা পুনেগী অরিবা চৎনবী অমসুং মহারাস্ত্রগী মীংচৎ অসিবু অর্বান প্লান্নিংদা চপ চানা মফম পীরিবা” অসিদা অপেনবা ফোঙদোকখি।‘

পুনে মেত্রো রেল প্রোজেক্ত অসিনা পুনেদা অর্বান মোবিলিতীগীদমক মালেমগী থাক্কী ইনফ্রাস্ত্রকচর লৈহন্নবা পান্দম অমা থমখি। প্রোজেক্ত অসি প্রধান মন্ত্রীনা ২০১৬গী দিসেম্বর ২৪দা উরেপ-উয়ুং তমখি। প্রধান মন্ত্রীনা পুন্না কি.মি. ৩২.২ শাংবা পুনে মেত্রোল রেল প্রোজেক্তকী কি.মি.১২কী স্ত্রেচ শঙ্গাগনি। অপুনবা প্রোজেক্ত অসি লুপা করোর ১১,৪০০ হেন্না চংনা শারি। মহাক্না গরৱারে মেত্রো স্তেসন্দা লৈরিবা এগজিবিন শঙ্গাগখি অমসুং য়েংশিনখি অমসুং মফম অদুদগী অনন্দনগর মেত্রো স্তেসন ফাওবা মেত্রো তোংদুনা চৎখি।

মহাক্না মুলা-মুথা রিবর প্রোজেক্তশিংগী রিজুবনেসন অমসুং পোলুসন এবেৎমেন্তগী উরেপ-উয়ুংসু তমখি। রিজুবনেসন অসি লুপা করোর ১০৮০ হেনবা প্রোজেক্ত কোস্ত অমদা তুরেল অসিগী কি.মি. ৯ শাংবা স্ত্রেচতা চত্থগনি। মসিদা রিবর এদজ প্রোতেক্সন, ইন্তরসেপ্তর সিৱেজ নেৎৱর্ক, পব্লিক এমেনিতীজ, বোতিং এক্তিবিতী অসিনচিংবা থবকশিং য়াওগনি। মুলা-মুথা রিবর পোলুসন এবেৎমেন্ত প্রোজেক্ত অসি লুপা করোর ১৪৭০ চংনা “ৱান সিতী ৱান ওপরেতর” হায়বা ৱাখল্লোন্দা ইমপ্লিমেন্ত তৌগনি। প্রোজেক্ত অসিগী মখাদা ‌এম.এল.দি. ৪০০ রোমগী অপুনবা কেপাসিতী অমগা লোয়ননা পুন্না সিৱেজ ত্রীৎমেন্ত প্লান্ত ১১ শাগনি। প্রধান মন্ত্রীনা ই-বস ১০০ অমসুং বানেরদা শাবা ই-বস দিপোৎ শঙ্গাখি।

প্রধান মন্ত্রীনা পুনেগী বালেৱাদীদা শাবা আর.কে. লক্ষ্মন আর্ত গেলরী-ম্যুজিয়ম শঙ্গাখি। ম্যুজিয়ম অসিগী মপুং ওইবা মীৎয়েংফমদি ওদিও-বিজ্যুএল ইফেক্তশিংগী খুত্থাংদা হিংগৎহনগদৌরিবা মালগুদী খুঙ্গংদা য়ুম্ফম ওইবা মেনিএচর মোদেল অমনা ওইরগনি। ম্যুজিয়ম অসিদা কার্তুনিস্ত আর.কে. লক্ষ্মননা য়েংবা কার্তুনশিং শোকেস তৌগনি।

প্রোগ্রাম অসিগী মমাংদা প্রধান মন্ত্রীনা পুনে ম্যুনিসিপালিতী কোর্পোরেসনগী মনুং শ্রী ছত্রপতি শিবাজী মহারাজকী মীতম মাইখুম হাংখি। মীতম অসি গন মেতেল কে.জি. ১৮৫০না শাখি অমসুং ফুত ৯.৫ রোম ৱাংই।

On landing in Pune, PM @narendramodi unveiled a statue of Chhatrapati Shivaji Maharaj. pic.twitter.com/0zKyhORNRI

— PMO India (@PMOIndia) March 6, 2022

A boost to urban infra Pune. Watch. https://t.co/9X3mvgEpYm

— Narendra Modi (@narendramodi) March 6, 2022

मुझे छत्रपति शिवाजी महाराज जी की भव्य प्रतिमा का लोकार्पण करने का सौभाग्य मिला है।

हम सभी के हृदय में बसने वाले शिवाजी महाराज जी की ये प्रतिमा, युवा पीढ़ी में राष्ट्रभक्ति की प्रेरणा जगाएगी: PM @narendramodi

— PMO India (@PMOIndia) March 6, 2022

ये मेरा सौभाग्य है कि पुणे मेट्रो के शिलान्यास के लिए आपने मुझे बुलाया था और अब लोकार्पण का भी आपने मुझे अवसर दिया है।

इसमें ये संदेश भी है कि समय पर योजनाओं को पूरा किया जा सकता है: PM @narendramodi

— PMO India (@PMOIndia) March 6, 2022

2014 तक देश के सिर्फ दिल्ली-NCR में ही मेट्रो का एक व्यापक विस्तार हुआ था।

बाकि इक्का-दुक्का शहरों में मेट्रो पहुंचनी शुरु ही हुई थी।

आज देश के 2 दर्जन से अधिक शहरों में मेट्रो या तो ऑपरेशनल हो चुकी है या फिर जल्द चालू होने वाली है: PM @narendramodi

— PMO India (@PMOIndia) March 6, 2022

हमारी सरकार का प्रयास है कि हर शहर में ज्यादा से ज्यादा ग्रीन ट्रांसपोर्ट हो, इलेक्ट्रिक बसें हों, इलेक्ट्रिक कारें हों, इलेक्ट्रिक दोपहिया वाहन हों।

हर शहर में स्मार्ट मोबिलिटी हो, लोग ट्रांसपोर्ट सुविधाओं के लिए एक ही कार्ड का इस्तेमाल करें: PM @narendramodi

— PMO India (@PMOIndia) March 6, 2022

किसी भी देश में आधुनिक इंफ्रास्ट्रक्चर के विकास के लिए जो चीज सबसे जरूरी है वो है स्पीड और स्केल।

लेकिन दशकों तक हमारे यहां ऐसी व्यवस्थाएं रहीं कि अहम परियोजनाओं को पूरा होने में काफी देर हो जाती थी।

ये सुस्त रवैया, देश के विकास को भी प्रभावित करता रहा है: PM @narendramodi

— PMO India (@PMOIndia) March 6, 2022

*********