مرکزی وزیر داخلہ جناب امت شاہ کی رہنمائی میں ایک اعلیٰ سطحی کمیٹی نے پانچ  ریاستوں اور مرکز کے انتظا م والے ایک علاقے کے لئے قومی آفات کے بندوبست  فنڈ این ڈی آر ایف کے تحت  مرکز کی اضافی امداد کو منظوری دے دی ہے۔ اس سے ظاہر  ہوتا ہے کہ وزیر اعظم جناب نریندر مودی کی قیادت میں مرکز ی حکومت  پانچ ریاستوں اور مرکز کے زیر انتظام ایک علاقے کے عوام کی مدد کے تئیں  پر عزم  ہے ،  جنہوں نے ان قدرتی  آفات کا سامنا کیا۔

اعلیٰ سطحی  کمیٹی نے  این ڈی آر ایف سے  ان پانچ ریاستوں کے لئے 1664.25  کروڑروپے کی  مرکزکی اضافی امداد کو منظوری دی ہے اور مرکز کے زیر انتظام ایک علاقے کے لئے  17.86  کروڑروپے کی منظوری دی ہے۔ باقی ریاستوں کے لئے منظور کی گئی رقم حسب ذیل ہے:

1. آندھرا پردیش کے لئے 351.43 کروڑروپے ۔
2. ہماچل پردیش کے لئے 112.19 کروڑروپے ۔
3. کرناٹک کے لئے 492.39  کروڑروپے ۔
4. مہاراشٹر کے لئے 355.39 کروڑروپے ۔
5. تمل ناڈو کے لئے  352.85  کروڑروپے اور
6. پڈوچیری کے لئے 17.86  کروڑروپے۔

یہ اضافی امداد ایس ڈی آر ایف سے  مرکز کی جانب سے ریاستوں کو جاری کئے گئے فنڈ کے علاوہ ہے، جو پہلے ہی ان ریاستوں  کو دے دی گئی ہے۔22-2021 کے مالی سال کے دوران  مرکزی حکومت نے  اپنے   ایس ڈی آر ایف  سے  28 ریاستو ں کو 17747.20 کرکوڑروپے اور این ڈی آر ایف سے 8 ریاستوں کو 4643.92  کروڑروپے جاری کئے ۔

مرکزی حکومت  نے  میمورنڈم  حاصل کرنے  کا انتظار کئے   بغیر  آفات  کے  فوراََ بعد  ان  پانچ ریاستوں اور مرکز کے زیر انتظام  ایک علاقے کے  لئے بین وزارتی مرکزی ٹیمیں تعینات کی ہیں۔

*************

ش ح۔ح ا ۔رم

U-2181