প্রধান মন্ত্রী, শ্রী নরেন্দ্র মোদীনা ঙসি অকক্নবা মতমগী মনুংদা বজেতকী থীমশিং অসিবু মপুং ফানা থবক ওইনা পাইখৎনবা স্তেকহোলদরশিংগা তান্ননবা অমসুং পুক্নিং থৌগৎনবা বজেত মতুংগী ৱেবিনারশিংগী সিরিজতা তরেতশুবা ৱেবিনারদা ৱা ঙাংখ্রে। “ মসি বজেত অসিগী মতাংদা য়েংলগা মসিগী প্রোভিজনশিং অসিবু করম্না য়াম্না য়াংনা, শোইহন্দনা অমসুং খ্বাইদগী হেন্না ফবা আউতকমগা লোইননা করম্না থবক ওইনা পাংথোক্কদে হায়বগী মতাংদা খুৎশম্নদুনা হোৎনবা অমনি”, হায়না মসিগী ৱেবিনার অসিগী মতাংদা হায়রদুনা মহাক্না হায়খি।

সরকার অসিগী ওইনদি, সাইন্স অমসুং তেক্নোলোজী অসি তোখাইনা লৈবা সেক্তর নত্তে হায়না প্রধান মন্ত্রীনা মরু ওইনা পনখি। ইকোনোমীগী লমদা, ভিজন অসি দিজিতেল ইকোনোমী অমসুং ফিনতেকগুম্বা লমশিং অসিগা মরী লৈনৈ। অসিগা চপ মান্ননা ইনফ্রস্ত্রকচর অমসুং পব্লিক সার্বিস দিলিভরীগা মরী লৈনবা ভিজনদা এদভান্স তেক্নোলোজীগী য়াম্না চাউরবা থৌদাং লৈ। “ঐখোয়গীদমক্তদি তেক্নোলোজী হায়বসি লৈবাক অসিগী মীশিংবু এমপাৱর তৌনবগী পাম্বৈ অমনি। ঐখোয়গী ওইনদি তেকওলোজী অসি লৈবাক অসিবু মরোমদোম লেপচবা ঙম্নবগী পাম্বৈনি। মসিগা চপ মান্নবা ভিজন অসি হন্দক্কী বজেত্তসু উবা ফংলি”, হায়না প্রধান মন্ত্রীনা হায়খি। মহাক্না আত্মানির্ভরতাগী মরু ওইবা অদুবু উৎনবা প্রেসিদেন্ত বাইদেনগী খ্বাইদগী নৌনা থমখিবা ৱারোলশিং অদুগী মতাংদা হায়খি মরমদি চাউখৎলবা লৈবাকশিং খুদম ওইনা য়ু.এস.এ.নসু মসিগী মতাংদা ৱারী তৌনরি। “নৌনা থোরক্লিবা গ্লোবল সীস্তেমশিং অসিগী মতাংদা য়েংলগা, ঐখোয়না আত্মানির্ভর্তাগী মতাংদা মিৎয়েং থমদুনা খোং থাংজিনবা হায়বসি য়াম্না মরু ওই”, হায়না মহাক্না হায়খি।   

শ্রী মোদিনা নৌনা ফাওগৎলক্লিবা সেক্তরশিং খুদম ওইনা আর্তিফিসিয়েল ইন্তেলিজেন্স, জিও-স্পেসিয়েল সীস্তেমশীং, দ্রোনশিং, সেমি কন্দক্তরশিং, স্পেস তেক্নোলোজী, জিনোমিক্স, ফার্মস্যুতিকেলস অমসুং ক্লীন তেক্নোলোজীশিংদগীনা ৫জি.গী মতাংদা বজেত অসিনা মরু ওইবা থম্লিবা অসিগী মতাংদা পনখি। মহাক্না হায়খি মদুদি বজেতনা ৫জি. স্পেক্ত্রম ওক্সনগীদমক্তা ময়েক শেংলবা রোদমেপ অমা পুথোক্লি অমসুং য়াম্না লিংবা ৫জি ইকো-সীস্তেমগা মরী লৈননা দিজাইনগী মতুং ইন্না মেন্যুফেকচর তৌনবগীদমক্তা পি.এল.আই. স্কীমশিং প্রোপোস তৌখ্রে। মহাক্না প্রাইভেত সেক্তরদা মসিগী লমশিং অসিদা মখোয়না খরা হেন্না হোৎননবা হায়খ্রে।

‘সাইন্স ইস য়ুনিভর্সেল এন্দ তেক্নোলোজী ইস লোকল’ হায়বা দিক্তম অসিবু পল্লদুনা, প্রধান মন্ত্রীনা হায়খি “ঐখোয়না সাইন্সকী প্রিন্সিপলশিং অদুবু মশক খঙই, অদুবু ঐখোয়না ইজ ওফ লিবিংগীদমক্তা তেক্নোলোজিবু খ্বাইদগী হেন্না ফবা মওংদা করম্না শিজিন্নগনি হাববসিদা হেন্না মরু ওইনা লৌগদবনি।” মহাক্না য়ুম শাবদা , রেলৱেদা, এয়রৱেজদা, ৱাতরৱেজদা অমসুং ওপ্তিকেল ফাইবর ইনভেস্তমেন্ত তৌবগী মতাংদা পনখি। মহাক্না মসিগুম্বা মরু ওইবা হিরমশীং অসিদা তেক্নোলোজী শিজিন্নবগী মতাংদা ৱাখল্লোনশিং পুথোরক্নবা হায়খি।

গেমিংগী মতাংদা চাউখৎলক্লিবা গ্লোবলগী মার্কেত অসিগী মতাংদা পল্লদুনা, প্রধান মন্ত্রীনা হায়খি মদুদি বজেত অসিনা এনিমেশন ভিজুৱল ইফেক্তস গেমিং কোমিক (এ.ভি.জি.সি.)গী মতাংদা মিৎয়েং থম্লি। অসিগা মান্ননা মহাক্না ভারতকী লৈরিবা ফিভম অমসুং তঙাইফদবশিং অদুগী মতুং ইন্না শান্নপোৎশিং শেম্বগী তঙাইফদবা অদুগী মতাংদসু মরু ওইনা পনখি। কম্যুনিকেশন সেন্তরশিং অমসুং ফিনতেক্কী সেন্ত্রেলিতীগী মতাংদা পল্লদুনা, প্রধান মন্ত্রীনা অনিমক অসিদা মপান লমগী মীপান তাদবা লমদম অসিগী ওইবা ইকোসীস্তেম অমা লৈহন্নবগীদমক্তা হায়খ্রে। প্রধান মন্ত্রীনা প্রাইভেত সেক্তরদা জিও-স্পেসিয়েল দেতা শিজিন্নবগী মতাংদা হোংলক্লিবা রুলশিং অমসুং পুরক্লিবা অহোংবশিং অসিনা মরম ওইরগা থোরক্লিবা খুদোংচাবশিং অসিবু খ্বাইদগী অঙম্বা থাক্তা খুদোংচাবা লৌননবা হায়খ্রে। “মালেম অসিনা কোবিদকী মতমদা ঐখোয় ইশানা ইরোমদোম লেপচবা ঙম্বদগীনা ভেক্সিন পুথোকপা ফাওবগী ঐখোয়গী রিলায়েবিলিতী অদু উবা ফংখি। ঐখোয়না মসিগী মাইপাকপা অসিবু সেক্তর খুদিংমক্তা মসিগী মতৌ অসি তমগদবনি”, হায়না প্রধান মন্ত্রী মোদীনা হায়খি।

প্রধান মন্ত্রীনা লৈবাক অসিগীদমক্তা য়াম্না লিংবা দেতা সেক্যুরিতী ফ্রেমৱার্ককী মরু ওইবা অদুবু মরু ওইনা পনখি অমসুং মীতিন অদুদা মসিগীদমক্তা লিংখৎনবগী স্তান্দার্দশিং অমসুং নোর্মশিংগীদমক্তা রোদমেপ শেম্নবা হায়খ্রে।

অহুমমশুবা খ্বাইদগী চাউবা স্তার্তঅপ, ভারতকী স্তার্তঅপ ইকোসীস্তেমগী মতাংদা পল্লদুনা, প্রধান মন্ত্রীনা সরকারগী মাইকৈদগী মফুং ফানা মতেং পীরগনি হায়না থাজবা পীরকখ্রে।  “বজেত অসিদা স্কিল্লিং, রি-স্কিল্লিং অমসুং অপ-স্কিল্লিংগীদমক্তা পোর্তল অমা প্রোপোস তৌখ্রে। মসিগী মতেংনা নহাশিংনা এ.পি.আই.দা য়ুমফম ওইবা ময়াম্না থাজনবা স্কিল ক্রিদেন্সিয়েলশিং, পেমেন্ত অমসুং দিসকোভরী লেয়রশিংগী খুত্থাংদা মখোয়গা চুনবা থবকশিং অমসুং খুদোংচাবশিং ফংলগনি”, হায়না প্রধান মন্ত্রীনা খঙহল্লকখি।

প্রধান মন্ত্রীনা লৈবাক অসিদা মেনভুফেকচরিং প্রোমোত তৌনবগীদমক্তা মরু ওইবা সেক্তর ১৪দা লুপা করোর লাখ ২গী স্কীমগী মতাংদসু হায়খি। প্রধান মন্ত্রীনা প্রজাশিংগী সেবা তৌবদা ওপ্তকেল ফাইবরশিং শিজিন্নবা, ই-ৱেস্ত মেনেজমেন্ত, সার্কুলার ইকোনোমী অমসুং ইলেক্ত্রিক মোবিলিতীগুম্বা হীরমশিং অসিদা চৎনবা য়াবা পাউতাকশিং পীনবা স্তেকহোল্দরশিংদা ঞয়েক শেংনা য়াথং পীখ্রে।

*****