প্রধানমন্ত্রীগী লোইশঙ
azadi ka amrit mahotsav

পি.এম.না তেক্নোলোজী-ইনেবল দিবেলপমেন্তগী মতাংদা পাঙথোকপা বজেৎ মতুংগী ৱেবিনারদা ৱা ঙাংবদা থমখিবা ৱারোল

Posted On: 02 MAR 2022 2:00PM by PIB Imphal

খুরুমজরি!

ময়াম পুম্নমক্না খঙবীরম্লগনি মদুদি হৌখিবা চহি অনি অসিদা ঐখোয়না অনৌবা চৎনবী অমা হৌদোকখি। অমনা ঐখোয়না বজেৎ অসি থা অমা ঙনখৎহনখি। অমসুং বজেৎ অদুনা এপ্রিল১ দগী চৎনবা হৌবা মতমদা মরক্তা ঐখোয়না শেম-শানবা থা অনি ফংই। অমসুং বজেৎ অসিদা ঐখোয়না প্রাইবেৎ, পব্লিক, রাজ্য সরকার, কেন্দ্র সরকার, সরকারগী তোঙান-তোঙানবা বিভাগশিং অসি পুনশিন্দুনা স্তেকহোল্দর পুম্নমক য়াওহন্নবা হোৎনরি। বজেৎ অসিগা লোয়ননা ঐখোয়না য়াম্না অথুবদা থবক ওইনা করম্না পাঙথোক্কনি, অপনবা লৈতনা আউতকম য়াম্না করম্না পুথোক্কনি, ঐখোয়না মদুদা করম্না মীৎয়েং চংগনি, মসি করম্না মাইপাকপা ঙমগনি হায়বা অসিগী মতাংদা অদোমদগী সজেসনশিং ফংগনি মসিনা সরকারনা মখোয়গী ৱারেপ লৌবগী থৌওং অসিবু লায়থোকহনবদা শোইদনা কান্নবা ফংগনি। ইমপ্লিমেন্তেসন তৌনবা রোদ মেপসু কান্নগনি। অমসুং করিগুম্বা মতমদা ফুল স্তোপ, কোম্মানা মরম ওইরগা কৈসু লৈতবা পোৎ অমা ফাইলশিংদা থা তরুক নমদুনা লৈ, পুম্নমক অসি কোহন্নবা ঐখোয়না নখোয়গী থবক তৌমিন্নবা পাম্মি। নখোয়গী সজেসনশিং লৌবা পাম্মি। খন্ন-নৈনবা অসি বজেৎ অদুদা য়াওগদবনি অদুবু মসি পার্লিয়ামেন্তগী থবক ওইবনা ওইথোক্তে। অদুবু ওইনীংবা ওইরবসু মীয়ামদা খ্বাইদগী ফবা কান্নবা অদু করম্না য়ৌহনগনি, লৈবাক অসিনা করম্না কান্নবা ফংগনি, ঐখোয়না পুন্না করম্না থবক তৌগনি হায়বা অসিগী মতাংদা ঐখোয়না ঙসি খন্ন-নৈনবা অসি পাঙথোক্লি। অদোম্না উবীরম্লগনি মদুদি হন্দক্তি বজেৎ অসিদা সাইন্স অমসুং তেক্নোলোজীগা মরী লৈনবা ৱারেপশিং য়াওরি। ৱারেপ পুম্নমক তশেংনা মরু ওই। বজেৎতা লাউথোকখিবশিং অসিসু চপ মান্ননা খোঙজেল য়াংনা ইমপ্লিমেন্ত তৌগদবনি, ৱেবিনার অসি মাইকৈ অসিদা চংশিল্লিবা চুংশিন্নবা খোঙথাং অমনি।

মরুপশিং,

সাইন্স অমসুং তেক্নোলোজী অসি ঐখোয়গী সরকারগী শুপ্নগী আইসোলেতেদ সেক্তর অমা নত্তে। ঙসি শেন্মীৎলোনগী হীরমদা লৈরিবা বিজন অসি দিজিতেল ইকনোমী অমসুং ফিনতেক অসিগুম্বগী য়ুম্ফমশিংগা মরী লৈনৈ। ইনফ্রাস্ত্রকচরগী ফিল্দদা লৈরিবা দিবেলপমেন্ত বিজন অসি এদভান্স তেক্নোলোজীদা য়ুম্ফম ওই। দেতাগী খুত্থাংদা পব্লিক সর্ভিসেস অমসুং লাস্ত মাইল দেলিবরী অসিবু দিজিতেল প্লেৎফোর্মশিংদসু হৌজিক কন্নেক্ত তৌরি। ঐখোয়গী ওইনা তেক্নোলোজী অসি লৈবাক অসিগী মীচম প্রজাশিংবু এম্পাৱর তৌনবা শক্তি লৈরবা পাম্বৈ অমনি। ঐখোয়গী ওইনা তেক্নোলোজী অসি লৈবাক অসিবু আত্মনির্ভর ওইহন্নবা মপুং ওইবা য়ুম্ফমনি। অমসুং ঐহাক্না ভারতকী আত্মনির্ভর ওইবগী মতাংদা ৱা ঙাংবা অসিদা ঙসিমকসু অয়ুক্তা য়ু.এস.কী প্রসিদেন্ত জো বাইদেন্না পীখিবা ৱারোল অদু অদোম্না তাবীরমগনি। মহাক্না অমেরিকাবু আত্মনির্ভর ওইহন্নবগী মতাংদা ফোঙদোকখি। মহাক্না অমেরিকাদা মেক ইন অমেরিকাদা চাউনা মীৎয়েং চংখি। অমসুং ঐখোয়না ঙসি মালেমদা অনৌবা সিস্তেমশিং শেম্মি হায়বসু খঙই। মসিদসু আত্মনির্ভর ওইরগা মাংদা চংশিনবা হায়বা অসি ঐখোয়গী ওইনা য়াম্না মরু ওই। অমসুং হায়রিবা আফমশিং অসি হন্দক্কী বজেৎ অসিনা মীৎয়েং থম্মি হায়বা ময়াম্না উবীরম্লগনি।

মরুপশিং,

ঐখোয়গী বজেৎতা হন্দক্তি সনরাইজ সেক্তরশিংদা অখন্নবা মীৎয়েং অমা চংলি। আর্তিফিসিএল ইন্তেলিজেন্স, জিওস্পাসিএল সিস্তেমশিং, দ্রোনশিংদগী সেমি-কন্দক্তরশিং অমসুং স্পেস তেক্নোলোজী, জিনোমিক্স, ফার্মাস্যুতিকেলশিং অমসুং ক্লীন তেক্নোলোজীশিংদগী ৫জি ফাওবা, সেক্তর পুম্নমক অসি ঙসি লৈবাক অসিনা মরু ওইবা মীৎয়েং চংলি। সনরাইজ সেক্তরশিং অসিগীদমক থেমেতিক ফন্দশিং প্রমোৎ তৌনবা বজেৎ অসিদা য়াওরি। চহি অসিগী বজেৎ অসি ৫জি স্পেক্ত্রমগী ওক্সনশিংগী য়াম্না ময়েক শেংনা রোদমেপ অমা য়াওই হায়বা ময়াম্না খঙবীরম্লগনি। লৈবাক অসিগী মপাঙ্গল কনবা ৫জি ইকো-সিস্তেম অসিনা মসি লৈনবা দিজাইন-লেদ মেন্যুফেকচরিংগীদমক বজেৎ অসিদা পি.এল.আই. স্কিম প্রপোজ তৌখি। ঐহাক্কী প্রাইবেৎ সেক্তরদা ৱারেপশিং অসিনা পুরক্লিবা অনৌবা ওইথোকপা য়াবশিং অসিগী মতাংদা কুপ্না খন্ন-নৈননবা অমসুং অফবা সজেসনশিং পুথোরক্তুনা চুংশিন্নদুনা হোৎরগা মাংদা চংশিন্নবা ঐহাক্না অখন্ননা হায়জনীংই।

মরুপশিং,

সাইন্সতি য়ুনিভর্সেল ওই অদুবু তেক্নোলোজীদি লোকেলনি হায়না হায়নবা লৈ। ঐখোয়না সাইন্সকী প্রিন্সিপলশিংদি খঙই, অদুবু ইজ ওফ লিবিংগীদমক তেক্নোলোজী শীজিন্নবা করম্না হেনগৎহনগনি হায়বা অসিদা ঐখোয়না মীৎয়েং চংবা তাই। ঙসি ঐখোয়না খোঙজেল য়াংনা য়ুমশিং শারি, রেল লম্বী, এয়রৱে অমসুং ৱাতরৱে অমদি ওপ্তিকেল ফাইবরদসু অমুক্তা থোকখিদ্রিবা মওংদা ইনভেস্তমেন্ত তৌখি। মসিদা হেন্না খুমাং চাউশিনহন্নবা ঐখোয়না পি.এম. গতিশক্তিগী বিজনগা লোয়ননা মাংদা চংশিল্লি। ঐখোয়না তেক্নোলোজীনা বিজন অসি মখা চত্থবদা করম্না মতেং পাংবা য়াবগে হায়বা অসিদা থবক পাইখৎপা তাই। হাউজিং সেক্তরদা লৈবাক অসিদা অচৌবা লাইৎহাউস ৬তা থবক পাইখৎলি হায়বা অদোম্না খঙবীরমগনি।  ঐখোয়না য়ুমশিং শাবদা মোদর্ন তেক্নোলোজী হাপ্পী। ঐখোয়না তেক্নোলোজীগী খুত্থাংদা মসি করম্না খোঙজেল য়াংখৎহনগনি, করম্না চাউথোকহনগনি হায়বা অসিদা অদোমগী কোওপরেসন, এক্তিব কন্ত্রিব্যুসন অমসুং ইন্নোবেতিব ওইবা আইদীশিং মথৌ তাই। ঙসি ঐখোয়না মেদিকেল সাইন্সতা য়েংবা মতমদা মসি তেক্নোলোজী দ্রিবন ওইরে। হৌজিক ভারত্তা মেদিকেল ইক্বিপমেন্ত হেন্না হেন্না শারিঅমসুং ভারতকী মথৌ তাবা অসি য়েংলগা ঐখোয়না মদুদা করম্না তেক্নোলোজী শীজিন্নগদগে হায়বা অসিদা মীৎয়েং চংলি। অমসুং মসিদা নখোয়নসু শরুক তম্বা য়াগনি। ঙসি অদোম্না সেক্তর অমা য়াম্না য়াংনা চাউখৎপা উবীরম্লগনি মদুদি গেমিং। হৌজিক মসি মালেমদা অচৌবা মার্কেৎ অমা ওইরক্লে। নহা ওইরিবা মীরোনশিংনা মসিদা য়াম্না য়াংনা য়াওশিল্লি। বজেৎ অসিদা ঐখোয়না এ.ভি.জি.সি.- এনিমেসন ভিজ্যুএল ইফেক্তস গেমিং কোমিক্তা য়াম্না হেন্না মীৎয়েং থম্মি। মাইকৈ অসিদসু ভারতকী আই.তি. কোওর্দিনেসন্না মফম অমা মালেমদা কনবা ঙম্লবদি ঐখোয়না অসিগুম্বা অখন্নবা লম অসিদা ঐখোয়গী মপাঙ্গল হেন্না কলহনবা ঙমগনি। মসিদা অদোম্না হোৎনবা হেনগৎপা ঙমগদ্রা? মসিগা চপ মান্ননা ঐখোয়না কম্ম্যুনিকেসন সেক্তরদা অনৌবা তেক্নোলোজী পুরক্নবা হেন্না শাহৌ পীবা মথৌ তাই। সর্ভরশিং অসি ভারত্তা খক্তা লৈহনগদবনি, মাপল লৈবাকশিংগী মীপাল তাংবা হন্থহনগদবনি, অমসুং কম্ম্যুনিকেসনগী মতাংদা সেক্যুরিতী এঙ্গলশিং হেন্না হাপচিনগদবনি। ঐখোয়না চাউনা এৱের্নেস লৈহন্দুনা মাইকৈ অসিদা হোৎনবা হেনগৎহনবা তাই। ফিনতেক্কা মরী লৈননা ভারতনা মমাংদা শীংথানীংঙাই ওইবা থবক কয়া তৌখ্রে। অদুবু ঐখোয়গী খুঙ্গংশিংনা মোবাইল ফোনশিংগী খুত্থাংদা ফাইনান্সিএল এক্তিবিতীশিংদা শরুক য়ারিবা অসিনা ফিনতেক্তা হেন্না মোদর্ন তেক্নোলোজীগী ইনক্লুজন হেনগৎহনবা মথৌ তাই হায়বা তাক্লি। মসিদদি সেক্যুরিতীসু লৈরগনি। ২০২০গী ফেব্রুৱারীদা লৈবাক অসিনা জিও-স্পাসিএল দেতা দীল তৌবগী অরিবা মওংশিং অদু হোংখি। মসিনা অনৌবা ওইথোকপা য়াবশিং, জিও-স্পাসিএলগী অনৌবা খুদোংচাবশিং হাংদোকখি। ঐখোয়গী প্রাইবেৎ সেক্তরনা মসিগী খুদোংচাবা মপুং ফানা লৌরি।

মরুপশিং,

ঐখোয়গী সেল্ফ-সস্তেনেবিলিতীদগী ভেক্সিন প্রদক্সন ফাওবদা ঐখোয়গী রিলাইএবিলিতী অদু মালেমনা কোবিদকী মতমদা উবা ফংখি। ঐখোয়না মসিগী মাইপাকপা অসি সেক্তর খুদিংমক্তা মতৌ তম্বা তাই। মসিদা ঐখোয়গী ইন্দস্ত্রীনা অচৌবা থৌদাং লৌফম থোকই। লৈবাক অসিদা মপাঙ্গল কনবা দেতা সেক্যুরিতী ফ্রেমৱর্ক অমা য়াম্না মরু ওই। দেতা গভর্নান্সসু দেতাগী খুদোংচাবা চাউনা লৌনবা মথৌ তাই। অসিগুম্বা ফীভম অমদা ঐখোয়না স্তেন্দর্দশিং অমসুং নোর্মশিং থম্বা তাই। মাইকৈ অসিদা করম্না চংশিনগনি হায়বগী মতাংদা ঐখোয়না পুন্না রোদমেপ অমা শেম্বা য়াগনি।

মরুপশিং,

ঙসি ভারত অসু স্তার্ত-অপ ইকো-সিস্তেমদা খ্বাইদগী চাউবদা অহুমশুবা অমসুং খ্বাইদগী খুমাং য়াংনা চাউখৎলিবা ওইরি। ঐহাক্কী স্তার্ত-অপশিংদা সরকার অসিনা অঙম্বা থৌনা পুথোক্তুনা মখোয়গীদমক লেপ্পি হায়না থাজবা পীবা পাম্মি। বজেৎ অসিদা নহারোলশিংবু স্কিলিং, রিস্কিলিং অমসুং অপ-স্কিলিং তৌনবা পোর্তেল অমসু প্রপোজ তৌখি। মসিগা লোয়ননা নহারোলশিংনা এ.পি.আই. বেজ ত্রস্তেদ স্কিল ক্রেদেন্সিএলশিং, পেমেন্ত অমসুং দিস্কবরী লেয়রশিংগী খুত্থাংদা অফবা থবক অমদি খুদোংচাবশিং ফংলগনি।

মরুপশিং,

লৈবাক অসিদা মেন্যুফেকচরিং প্রমোৎ তৌনবা ঐখোয়না মরু ওইবা সেক্তর ১৪দা লুপা করোর লাখ ২গী পি.এল.আই. স্কিম অমা হৌখি। ৱেবিনার অসিদগী মাইকৈ অসিদা মাংদা চংশিন্নবা প্রেক্তিকেল আইদিয়াশিং ফংগনি হায়না ঐহাক্না থাজবা থম্মি। নখোয়না অপনবা লৈতনা ইমপ্লিমেন্তেসন তৌনবা পাম্বৈ সজেস্ত তৌবীয়ু। প্রজাগী সর্ভিসশিংগীদমক ঐখোয়না করম্না ওপ্তিকেল ফাইবর অসি নীংথিনা শীজিন্নবা ঙমহনগনি। ঐখোয়না ভারতকী খ্বাইদগী ফবা এজুকেসন সিস্তেম য়ুমদা তেক্নোলোজী অসিগী খুত্থাংদা য়ৌহন্দুনা ঐখোয়গী খুঙ্গংগী মফমদা লৈরিবা মহৈরোয়শিংদা করম্না য়ৌহনগনি? মেদিকেল সর্ভিসেস করম্না ফংহনগনি? লৌউ-শিংউদা লৌমীশিং, অপীকপা লৌমীশিংনা ইন্নোভেসনগী কান্নবা করম্না লৌগনি? মহাক্কী মখুৎতা মোবাইল পাইরবা মতমদা মালেমদা থোক্লিবা পুম্নমক ফংগনি। মসি ঐখোয়না অপনবা লৈতনা ফংহন্নবা হোৎনবা তাই। মসিগীদমক নখোয়দগী ঐহাক্না ইন্নোভেতিব ওইবা সজেসনশিং পাম্মি।

মরুপশিং,

ই-ৱেস্তগুম্বা তেক্নোলোজীগা মরী লৈনবা শীংনবশিং ঙসিগী মালেম্না মায়োক্নরিবা অসিগী সোল্যুসনশিং তেক্নোলোজীগী খুত্থাংদা ফংহনবা ঙমগনি। লৈবাক অসিদা দেসিসিব সোল্যুসন শিং পীনবা ঙসিগী ৱেবিনার অসুদা সর্ক্যুলর ইকনোমী, ই-ৱেস্ত মেনেজমেন্ত অমসুং ইলেক্ত্রিক মোবিলিতী অসিগুম্বা সোল্যুসনশিংদা নখোয়না মীৎয়েং চংনবা ঐহাক্না হায়জরি। নখোয়গী মতেংগা লোয়ননা লৈবাক অসিনা মাগী পান্দমশিং শোইদনা ফংবা ঙমগনি হায়না ঐহাক্না থাজৈ। অমসুং ঐহাক্না অমুক হন্না হায়জগে মদুদি ৱেবিনার অসি সরকারনা নখোয়গী লৌশিং লৌনবা নত্তে, ৱেবিনার অসি সরকারনা নখোয়গী ৱাখল্লোনশিং লৌনবা, নখোয়দগী অনৌবা পাম্বৈশিং লৌনবা, খোঙজেল য়াংখৎহন্নবনি। অমসুং অথুবদা ঐখোয়না ইনভেস্ত তৌখিবা, বজেৎতা চাদিং তৌখিবা, ঐখোয়না খল্লিবা অসিগী মতাংদা ফর্স্ত ক্বাতরমক্তদা করিগুম্বা খরা তৌবনি। নখোয়না তাইম-বাউন্দ প্রোগ্রাম অমা শেম্বা ঙমগদ্রা? ফিল্দ অসিদা ঐহাক্না নখোয়বু থাজৈ। নখোয়না পুম্নমক কুপ্না খঙই। কদায়দা লুবগে নখোয়না খঙই। করম্বা মওংদা নীংথিনা পাঙথোক্কনি, খোঙজেল করম্না য়াংখৎহনগনি, পুম্নমক নখোয়না খঙই। ঐহাক্না নখোয়গা পুন্না ফম্মিন্দুনা মসিবু মাংদা পুখৎপা পাম্মি। ৱেবিনার অসিগীদমক ঐহাক্না নখোয়দা য়াইফ মঙ্গোল পীজরি।

থাগৎচরি!

*****



(Release ID: 1802314) Visitor Counter : 85