প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদী অমসুং রোমেনিয়াগী প্রধান মন্ত্রী, হিস এক্সলেন্সী, শ্রী নিকোলাই-ইয়োনেল চ্যুকা মরক্তা ফোনদা ৱারী শাবা
Posted On:
28 FEB 2022 10:11PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি রোমেনিয়াগী প্রধান মন্ত্রী, হিস এক্সলেন্সী, শ্রী নিকোলাই-ইয়োনেল চ্যুকাগা ফোনদা ৱারী শাখি।
প্রধান মন্ত্রীনা হিস এক্সেলেন্সী, শ্রী নিকোলাই-ইয়োনেল চ্যুকাবু হৌখিবা নুমিৎ খরনি অসিদা য়ুক্রেনদগী ভারত মচাশিং অসোই-অঙাম য়াওদনা লৌথোকপদা রোমেনিয়ানা পাংখিবা মতেংগীদমক্তা থাগৎপা ফোংদোকখি। মহাক্না মরু ওইনা ভারত মচাশিংবু ভিজাশিং য়াওদনা রোমেনিয়াদা চংবা য়াহনখিবগী থৌওং অদুবু অমসুং অসোই-অঙাম য়াওহনদনা লৌথোক্নবগীদমক্তা ভারত্তগী অখন্নবা ফ্লাইতশিংদা অয়াবা পীবগীদমক্তা থাগৎপা ফোংদোকখি।
প্রধান মন্ত্রীনা লাক্কদবা নুমিৎ খরনি অসিদা লোকেল ওথোরিতীশিংগা খুশম্নদুনা ভারত মচাশিং লৌথোক্নবা হোৎনরিবশিং অদুবু য়েংশিন্নবা মহাক্কী অখন্নবা দুত ওইনা সিভিল এভিয়েশনগী মন্ত্রী, শ্রী জ্যোতিরাদিত্যা এম.সিন্দিয়া থাখিবগী মতাংদসু শ্রী চ্যুকাদা খঙহনখি।
প্রধান মন্ত্রীনা য়ুক্রেনদা হৌজিক-হৌজিক থোক্লিবা হিংশাগী থবক অমসুং মীওইবা খুনাইগী মায়োক্তা নংলিবা অৱাবগী মতাংদা মহাক্কী পুক্নিংদা ফাওরিবা নুংঙাইতবা অদুবুসু ফোংদোকখি, অমসুং থোক্লিবা খৎন-চৈনবগী থবকশিং অদুবু য়াম্না থুনা লেপ্নবা অমসুং ৱারী-ৱাতাই শানদুনা শন্দাইননবগীদমক্তা ভারতনা তত্তনা তৌখিবা আপীল অদুবু অমুক্কসু হন্না হায়খি। প্রধান মন্ত্রী মোদীনা লৈবাকশিংগী সোভরেনতী অমসুং তেরিতোরিয়েল ইন্তেগ্রিতীবু ইকাইখুম্নবগী মরু ওইবগী মতাংদসু য়াম্না মরু ওইনা পনখি।
*****
(Release ID: 1801975)
Visitor Counter : 140
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam