প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফম্বা কেন্দ্রগী মন্ত্রী-মন্দলনা চহি মঙাগী ওইনা লুপা করোর ১,৬০০গী বজেৎ অমগা লোয়ননা ভারত সরকারগী হকশেল অমসুং য়াইফ-য়ুম্বাল মন্ত্রালয়গী সেন্ত্রেল সেক্তর স্কিম ওইরিবা অয়ুশ্মান ভারত দিজিতেল মিসনগী নেস্নেল রোল-আউত তৌবদা অয়াবা পীখ্রে। নেস্নেল হেল্থ ওথোরিতী (এন.ঐচ.এ.) অসিনা অয়ুশ্মান ভারত দিজিতেল মিসন (এ.বি.দি.এম.)গী ইমপ্লিমেন্তিং এজেন্দী ওইরগনি।

হেল্থকিয়রদা এক্সেস ফংহনবা ঙম্বদা তেক্নোলোজীনা লৌরিবা থৌদাং অদু তাক্লদুনা কোৱিন, অরোগ্যা সেতু অমসুং ইসঞ্জীবনিগা লোয়ননা হেল্থকিয়র ইকোসিস্তেমদা দিজিতেল হেল্থ সোল্যুসনশিংনা চহি খরা অসিদা চাউনা কান্নবা ফংহনখি। অদুম ওইনমক অসিগুম্বা সোল্যুসনশিং অসি কিয়র মখা তানা ফংহন্নবা অমসুং রিসোর্সশিং নীংথিনা শীজিন্নবা ঙমহন্নবা ইন্তিগ্রেৎ তৌবা মথৌ তাই।

জন ধন, আধার অমসুং মোবাইল (জে.এ.এম.) ত্রিনিতীগী অমসুং সরকারগী অতোপ্পা দিজিতেল ইনিসিএতিবশিংগী মওংদা শেমখিবা ফাউন্দেসনদা য়ুম্ফম ওইরগা অয়ুশ্মান ভারত দিজিতেল মিসন (এ.বি.দি.এম.)না হকশেলগা মরী লৈনবা লনাইগী ওইবা অকুপ্পা মরোলগী সেক্যুরিতী, কনফিদেন্সিএলিতী অমসুং প্রাইবেসী ঙাকপগা লোয়ননা দেতা, ই-পাউ অমসুং ইনফ্রাস্ত্রকচর সর্ভিসেস মখল কয়া, নৌনা শীজিন্নবা ওপন, ইন্তেরোপেরেবল, স্তেন্দর্দস-বেজ দিজিতেল সিস্তেমশিংগী প্রোবিজনগী খুত্থাংদা অপনবা লৈতবা প্লেৎফোর্ম অমা শেম্লি।

এ.বি.দি.এম.গী মখাদা প্রজাশিংনা মখোয়গী দিজিতেল হেল্থ রেকোর্দশিং লিঙ্ক তৌবা মখোয় মশাগী ওইবা এ.বি.ঐচ.এ. (অয়ুশ্মান ভারত হেল্থ একাউন্ত) নম্বরশিং শেমজবা য়ারগনি। মসিনা তোঙান-তোঙানবা হেল্থকিয়র প্রোভাইদরশিংদা ইন্দিবিজ্যুএলশিংগী লোঙ্গিত্যুদনেল ক্রিএসন শেম্বা ঙমহল্লগনি অমসুং হেল্থকিয়র প্রোভাইদরশিংনা ক্লিনিকেলগী ওইবা ৱারেপ লৌবা ঙম্লগনি। মসিন অসিনা তেলিমেদিসিন অসিগুম্বা তেক্নোলোজীশিং শীজিন্নবা থৌগৎলদুনা ক্বালিতী হেল্থকিয়রগী ইক্বিতেবল এক্সেস ফংহনবা হেনগৎনবা অমসুং হেল্থ সর্ভিসেসকী নেস্নেল পোর্তেবিলিতী হেনগৎহনবা ঙমল্লগনি।

এ.বি.দি.এম.গী পাইলোৎ অসি লদাখ, চন্দিগর, দদ্রা অমসুং নগর হবেলি অমসুং দমান অমসুং দিয়ু, পুদুচেরী, অন্দমান অমসুং নিকোবর ইথৎশিং অমসুং লক্ষদীপ য়ুনিয়ন তেরোতোরী তরুক্তা এন.ঐচ.এ.না দিবেলপ তৌবা তেক্নোলোজী প্লেৎফোর্ম অসি মাইপাক্না দেমোনস্ত্রেসন তৌদুনা লোইশিনখি। পাইলোৎ মনুং দিজিতেল সেন্দবোক্স শেমখি মসিদা পার্তনর সোল্যুসন ৭৭৪ হেন্না ইন্তিগ্রেসন তৌখি। ফেব্রুৱারী ২৪, ২০২২দা অয়ুশ্মান ভারত হেল্থ একাউন্ত ১৭,৩৩,৬৯,০৮৭ শেমখি, এ.বি.দি.এম.গী মখাদা দোক্তর ১০,১১৪ অমসুং হেল্থ ফেসিলিতী ১৭,৩১৯ রেজিস্তর তৌখি।

এ.বি.দি.এম.না পব্লিক হেল্থকী ওইবা খোঙথাংশিংগীদমক ইভিদেন্স-বেজ ওইবা ৱারেপ লৌবদা খুদোংচাহনবতা নত্তনা মসিনা হেল্থকিয়র ইকোসিস্তেমনা ইন্নোভেসন অমসুং থবক পীবদা কেতলিস্ত ওইরগনি।

**********