পোলিসী দিসিজন পুম্নমক চৎনহন্নবা অমদি ভারতকী লাক্লিবা জি২০ প্রসিদেন্সীবু মমাই চু্ম্বদা দরকার ওইরিবা এরেঞ্জমেন্তশিং শিন-লাংবদা থৌদাং লৌগদৌরিবা জি২০ সেক্রেতরিয়েৎ অমদি মদুগী রিপোর্তিং স্ত্রকচরশিং শেমগৎনবা ঙসি প্রধান মন্ত্রী শ্রী নরেন্দ্র মোদীনা সভাপতি ওইদুনা ফমখিবা কেন্দ্রগী মন্ত্রী-মন্দলনা অয়াবা পীখ্রে৷

ভারতনা ২০২২গী দিসেম্বর ১দগী ২০২৩গী নবেম্বর ৩০ ফাওবদা জি২০গী প্রসিদেন্সী পাইরগনি, মসিনা ২০২৩দা ভারত্তা জি২০ সম্মিতপু মতোল লোমহল্লগনি৷ জি২০ অসি গ্লোবেল ইকোনোমিক গভর্নেন্সতা য়াম্না মরু ওইবা থৌদাং অমা লৌরিবা ইন্তরনেস্নেল ইকোনোমিক কোওপরেসনগী মরু ওইবা ফোরমনি৷

প্রেতিসকী মতুং ইন্না, ভারতকী জি২০ প্রসিদেন্সীগী লোজিস্তিকেল এস্পেক্তশিং, সবস্তেন্তিব/নোলেজ/কন্তেন্ত, তেক্নিকেল, মেদিয়া অমসুং সেক্যুরিতীগা মরী লৈনবা থবকশিং য়েংসিন্নবা জি২০ সেক্রেতরিয়েৎ অমা লিংখৎলিবনি৷ মসিদা এক্সতর্নেল এফিয়র্স মন্ত্রালয়, শেল-থুম মন্ত্রালয় অমদি অতোপ্পা মরী লৈনবা লাইন মন্ত্রালয়শিং/দিপার্তমেন্তশিংগী ওফিসরশিং অমসুং স্তাফ অমদি লৌশিং নিংথিনা লৈরবা এক্সপর্তশিংনা চলাইরগনি৷ সেক্রেতরিয়েৎ অসি ২০২৪ ফেব্রুৱারী ফাওবা মথৌ তৌরগনি৷

ভারতকী জি২০ প্রসিদেন্সী অসিদা লমজিং-লমতাক পীনবা সেক্রেতরিয়েৎ অসি প্রধান মন্ত্রীনা লুচিংবা এপেক্স কম্মিতীনা লমজিংলগনি অমদি মসিদা শেল-থুম মন্ত্রী, গৃহ মন্ত্রী, এক্সতর্নেল এফিয়র্স মন্ত্রী, জি২০ শর্পা (কম্মর্স অমসুং ইন্দস্ত্রী, তেক্সতাইল্স, কঞ্জুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রী) য়াওরগনি৷ মখাতানা,জি২০ প্রিপরেসন পুম্নমক য়েংশিন্নবা অমদি এপেক্স কম্মিতীদা থারকখিবা রিপোর্ত অদু য়েংশিন্নবা কোওর্দিনেসন কম্মিতী অমসু শেমগৎলগনি৷ মল্তিলেতরেল ফোরাদা ভারতনা গ্লোবেল ইসুশিংদা লমজিংনবগীদমক জি২০ সেক্রেতরিয়েৎনা নোলেজ অমসুং এক্সপর্তাইস য়াওনা মতম কুইনা চৎপা কেপাসিতী শেমগৎপা ঙমগনি৷

*****