माहिती आणि प्रसारण मंत्रालय
मीडिया वन वाहिनीला अपलिंक आणि डाउनलिंक परवानगी रद्द करण्याबाबतचा माहिती आणि प्रसारण मंत्रालयाचा आदेश केरळ उच्च न्यायालयाकडून कायम
प्रविष्टि तिथि:
08 FEB 2022 3:25PM by PIB Mumbai
नवी दिल्ली, 8 फेब्रुवारी 2022
मीडिया वन न्यूज आणि करंट अफेअर्स वाहिनीला अपलिंक आणि डाउनलिंकची परवानगी रद्द करण्याबाबतचा माहिती आणि प्रसारण मंत्रालयाचा आदेश केरळ उच्च न्यायालयाने आज कायम ठेवला. गृह मंत्रालयाने या वाहिनीला सुरक्षा मंजुरी नाकारल्यानंतर वाहिनीवर निर्बंध घालण्यात आले.
माहिती आणि प्रसारण मंत्रालयाच्या आदेशाविरुद्ध रिट याचिका फेटाळताना, न्यायालयाने नमूद केले की गृह मंत्रालयाने मंजुरी नाकारणे हे गुप्तचर माहितीवर आधारित होते जे वाहिनीला सुरक्षा मंजुरी नाकारण्याचे समर्थन करते.
माहिती आणि प्रसारण मंत्रालयाने 31 जानेवारी 2022 रोजी मीडिया वन वाहिनी चालविणाऱ्या मेसर्स माध्यमम ब्रॉडकास्टिंग लिमिटेडला अपलिंक आणि डाउनलिंक परवानगी रद्द करण्याचा आदेश जारी केला होता. परवानगी दिलेल्या वाहिन्यांच्या यादीतून या वाहिनीचे नाव देखील या आदेशाद्वारे काढून टाकण्यात आले आहे.
या वाहिनीला यापूर्वी 30.9.2011 रोजी 29.09.2021 पर्यंतच्या कालावधीसाठी वाहिनी अपलिंक आणि डाउनलिंक करण्याची परवानगी देण्यात आली होती.
* * *
S.Patil/V.Joshi/D.Rane
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(रिलीज़ आईडी: 1796495)
आगंतुक पटल : 264